الموضوع: عملت حادثه بالجين2

المشاركة الأصلية كتبت بواسطة spiderloking

اولا : ألف سلامه علي حضرتك و نرجوا من الله الشفاء العاجل لك .

ثانيا : بالنسبه للعربيه اكيد الكاوتش كان في حاجه و اكيد حضرتك كنت بتجري اكتر من 80 كيلوا متر للعلم انا معايا ساجا و حبيت اجرب الموضوع بتاع الفرمله في المياه ده و روحت مكان فيه ميه في الارض و جربت الفرامل في المكان ده و كنت بجري بسرعه 60 تقريبا العربيه وقفت بسرعه بسم الله ما شاء الله فأعتقد 60 من 80 مش كتير و انا كمان عربيتي ساجا مفيهاش اي بي اس لكن الجين 2 فيها اكيد في حاجه فالعربيه تاني حاجه ازاي سرعة 80 و حضرتك فرملت و بعدين لفت مرتين زي ما بتقول و خبطت في الجزيره و كل ده و العربيه موقفتش ده بصراحه مش مقتنع بيه علشان كدا بقولك انت كنت ماشي اسرع من كدا اكيد بالنسبه لثبات الجين 2 كان في اكتر من مالك للسياره كانوا بيجربوا ثبات العربيه و قالوا عليها ممتاز بجد اعرف ناس كانت بتاخد ملفات العين السخنه علي 140 و 150 و العربيه ثابته جدا .

في فرق انك تمشي في ميه وتمشى في طريق مندي ( عليه ندى)
وكورنيش اسكندريه في ملفات حاده وكمان شبوره والارض منديه

طبيعي ان العربيه تتزحلق مع الفرامل والدركسيون مش في اتجاه مستقيم كمان
اذا كان استخدم الفرامل على الاخر واستخدم ال abs كانت هتقف في الاتجاه المتوجه ليه العربيه (للعلم abs بيشتغل لما تدوس فرامل على الاخر مش اول دوسه فرامل زيها زي بقية العربيات)
انا تعرضت للموقف ده بس في تراب وعرفت بعد كدا المعلومات دي بعد ما تعرضت لحادث بشع

اما في الميه فالعربيات عموما بتعوم من ورا في حاله استخدام الفرامل والدركسون مش في وضع مستقيم
ولو حصل تصرف خاطئ في الموقف ده هيحصل نفس اللي بيحصل في حالة ان الطريق عليه ندى
زي الارتباك وتوجيه الدركسيون بسرعه للاتجاه المعاكس

يؤسفني اني اقول ان اللي حصل ده بيبقى سوء تصرف من السائق
لعدم الخبره بالامور دي

والحمد لله انه بخير
وان شاء الله يقوم بالسلامه