المشاركة الأصلية كتبت بواسطة m_elkhishin
أولا الحمد لله على السلامة
لو حضرتك كنت راكب عربية ألماني، وبنفس وسائل أمان جين2 ، بدون esp وراكب عليه نفس الكاوتش، كانت حتتزحلق برده وحتتقلب
الاير باجز الامامية مبتفتحش غير مع صدمه أمامية (وده في كل أنواع السيارات سواء صيني أو مريخي)
لما الناس تقول ان الجين تو ثباتها جيد جدا، ده بيكون مقارنة بنفس الفئة والتجهيزات،
مع احترامي الشديد لكم، ولكن انا في اعتقادي ان أي حادث لم يكن سببه عطل أو كسر مفاجئ في السيارة هو مسئوليه السائق في المقام الاول لأنه اما مقدرش يعرف امكانيات عربيته كويس، أو كان واثق في امكانياتها أكتر من اللازم
وبعدين المثل بيقول، ميقعش الا الشاطر، وغلطة الشاطر بالف غلطه، وذلك لأن غروره بقدراته اللي هو فاكرها عاليه جدا ممكن يخونه
ربنا يستر طريقنا جميعا