طيب فين صاحب الموضوع يطمنا
عرض للطباعة
طيب فين صاحب الموضوع يطمنا
ماعتقدش انه ممكن يرد تاني بعد كلامنا ده كله !
احنا مش بنهاجمك يااخي والله ولكن بنقربلك الصوره عشان تتضح الرؤيه
وربنا يقدملنا كلنا اللي فيه الخير
تحياتي
اكيد الراجل حيرد يا جماعة بس كلكم عارفين الاسكندرية اليوميين دول عاملين ازاي والحمد الله انها جت علي اد كده وربنا يسترها معانا وخليكو حنينين علينا شويه علشان ال احنا شفناه مش قليل
اولا طبعا حمدالله على سلامه صاحب الموضوع....
ثانيا بجد حاجه تضايق جدا لما حد يكتب انه عمل حادثه و احنا نسيب الموضوع المهم ونعم لحمله دفاع عن العربيه كأنه شتم صحاب العربيه مش العربيه وكمان في ناس بتشكك انه عمل الحادثه!!!!!!!
بجد ده كلام مش منطقي....يعني هو بيكتب الموضوع عشان يدي عظه للناس ويقولهوم خلو بالكو و العربه مش زي ما الناس فاكره واحنا بدل ما نقولو حمدالله عالسلامه نعمل حمله تفتيش ونشكك في الموضوع وندخل في نقاشات تانيه ان العريه بأيدي مسلمه!!!!! ممكن يكون اللي صنعوها ملهومش ديانه احنا هنعرف منين!!!!!!!!!!!!!
انا اتمنى ان صاحب الموضوع يكون بخير وان شاء اله يعوضه ربنا خير...
والف سلامه على حضرتك كمان يا فندم اهم حاجه ان حضرتك رجعتلنا بالسلامه....بس كده احنا عرفنا سبب المشكله...واضح ان المشكله في الاسكندريه.... :) :) ان شاء الله ربنا يعوضك خير
قدر الله و ما شاء فعل و ربنا يعوض عليك
بالنسبة إلى التعليق بتاع إن العربية مش كويسة أو زفت .على فكرة بتحصل في كل العربيات، أنا واحد صاحبي كان بياخد غرزة على الطريق، وبيفادي عربية، راحت معومة منه وشكراً على بقية القصة. وكان راكب اوبل استرا 2009 GTC، يعني طبيعي جداً. وفيه موضوع تحت أهو عن سوبارو يعني مفيش أي كلام بعدها باءة . أنا شفت العربية دي بعد الحادثة وكانت شكراً ، ممكن يعملها ماديليه بعد كدة.
http://www.nilemotors.net/Nile/133523-a.html
طبيعي جداً رد فعلك على الموضوع، انك تتكلم وحش عن العربية، أنا لما بيحصلي حاجة في العربية، بكون مستغرب وازاي كدة، دي ألماني.
بقولك ايه انتوا عندكوا حق والعربية دى اى كلام وبتقلب لو حد شنكلها برجله وبتعوم على اربعين وبتجيب سوست ومساعدين ومقصات بعد الـ١٠ كيلو وبتمشى اما اتنين يزوقوها من ورا وبتحتاج اتنين يسندوها وهى ماشية وكمان مفيهاش فرامل ومفيش عربيات غيرها بتعمل حوادث فى مصر وبتسخن وبتعيا على طول وبتكح كمان وبيجيلها جودرى واللي عاملينها ملهمش ملة ولازم ياخدو مقلب حرامية ونضربهم على طــ( يبة قلبهم) على رأيي تامر حسني :10D5C8w1107:
وكمان لازم نبلغ عنها أمن ومتانة.. ونطالب بسحبها من الشارع المصري العظيم اللي مفيهوش اسوأ من الجين والبيرسونا دول.. .. يا رب تستريحوا بأه وتريحونا:dzey:
الف سلامة عليك يا باشا
و متزعلش كل شئ نصيب
بس كان عندي تعقيب
اولا : موضوع ان العربية وحشة انا اختلف معاك في الموضوع ده لأن العربية بسم الله ما شاء الله حلوة ثبات و فرامل و مش هتكلم عن بقيت الامكانيات
فهقول الكلام مباشرة
ان الكلام ده لما بيحصل بيبقي خطأ سائق و ليس سيارة
لأن طالما فيه مية في الارض او الارض مندية بنمشي بالعربية ع سرعة 40-50 بالكتيير و خاصة انه دوران .
محدش يدوس فرامل في ارض مندية و في دوران و كمان ع سرعة 80 مع اني معتقدش ان البروتون تعمل كده ع سرعة 80 انت أكيد كنت مش اقل من 100
لأن الموضوع ده حصل قدامي قبل كده ع طريق الاكاديمية كان في مية و العربية كل اللي عملته انها لفت في الارض لفة و مشيت بعرضها بتاع 2-3 متر و وقفت
يعني في الأول و في الاخر هي خطا سائق و ليس سيارة
و الدليل ع كده عربية بي ام دبليو 316 اي و اظن العربية ديه معروفة بانظمتها و ثباتها و صاجها و كلنا عارفين ده
الشاب اللي كان سايقها شكله غشيم طاير بالعربية ع سرعة مش اقل من 90-100 و انتوا عارفين طيش بعض الشباب و مشغل الكاسيت عالي اوي و حب يعمل فيها بورم و الارض مليانة تراب رفيع ومندية (الكلام ده كان قبل الفجر بشوية و انا راجع ) فوجئ بمطب قدامه و انتوا عارفين مطبات مدينة نصر داس فرامل فجأة و شكله لف الدريكسون وساعتها انا مشوفتش غيرالعربية و هي بتطوح يمين و شمال و اللي انقذها من انها تتقلب ان الرصيف عالي شوية و ساعتها حمدت ربنا اني كنت بعيد عنه و الا كان زماني مدمر معاه ,نزلت اطمن ع الشاب و اتصدمت من منظر العربية الجزء اليمين الامامي كله ضاع والجنط اليمين قدام اتكسرو الاكصدام الامامي نصه ضاع و اللي ورا وقع و اللي انقذه الاير باج اعتقد لولاه كان زمانه متبهدل
يعني اهو عربية زي كده لكن بص اللي حصل و ده بسبب خطأ سائق ليس الا
انما منجبش العيب ع العربية ومش بخص الكلام الجين توو لكن عامة اي عربية
فناخد بالنا
و متزعلش كله نصيب
المهم انك كويس و سليم و الحمد الله ع كل شئ