الموضوع: تقرير مفصل و مصور عن الايفو مانيوال pk2

المشاركة الأصلية كتبت بواسطة mohamedgamall

بس سؤال اللى انا فاهمة ان سواء باكدج 1 او 2 الجنوط سبور هى بس بتفرق فى الشكل طبعا باكدج 2 الشكل تحفة اصلا بس الاتنين سبور و لا انا فاهم غلط؟

مظبوط الاتنين سبور و بتفرق في الشكل بس

انا شايف انا الازاز الفامية مش منظر بس او خصوصية بس دة كمان بيقلل من تاثير اشعة الشمس يعنى هيقلل الوقت اللى التكيف محتاجة علشان يبرد العربية و فى الصيف هيبقى مفيد جدا

المشاركة الأصلية كتبت بواسطة mohamedgamall

انا شايف انا الازاز الفامية مش منظر بس او خصوصية بس دة كمان بيقلل من تاثير اشعة الشمس يعنى هيقلل الوقت اللى التكيف محتاجة علشان يبرد العربية و فى الصيف هيبقى مفيد جدا

+111111111

1000 مبروك يا معلم (ولو انها متأخرة شوية)
كنت عاوز اعرف الشنطة نظامها ايه
لانى عندى عائلة وبنحتاج الشنطة كتير
شكراً لردك مقدماً

المشاركة الأصلية كتبت بواسطة Seifmando

1000 مبروك يا معلم (ولو انها متأخرة شوية)
كنت عاوز اعرف الشنطة نظامها ايه
لانى عندى عائلة وبنحتاج الشنطة كتير
شكراً لردك مقدماً

الله يبارك فيك
الشنطة معقولة...مش كبيرة زي العربيات السيدان طبعا
يعني انا باحط فيها Baby car مستريح و في مكان احط معاها شوية شنط...ال Baby car كانت بتدخل بالعافية في شنطة البولو و ماكانش في مكان احط معاها حاجات تانية
لكن مثلا شنطة الاسبيرانزا اللي كانت معايا كانت بتاخد عجلة بنتي مقاس 12 لكن للاسف ماعرفتش احطها في شنطة البونتو

تصدق انا غيرت رأيي عنها تماما بعد ما شفت التقرير ده منك :)

ربنا يحميهالك و يديك خيرها و يكفيك شرها

متشكر جداً على سرعة الرد وربنا يملاهالك بركة إن شاء الله

بس استحملنى فى سؤال كمان , هو انت ليه مفكرتش فى السيراتو 1600 Manual F.O مع انها بنفس السعر و1600 CC واكيد حصان اكبر من الايفو 77 حصان و فيها معظم الكماليات وسيدان يعنى شنطة اوسع وشكلها كمان تحفة
أصل انا فى نفس الحيرة دى بين السيراتو و الايفو

المشاركة الأصلية كتبت بواسطة Seifmando

متشكر جداً على سرعة الرد وربنا يملاهالك بركة إن شاء الله

بس استحملنى فى سؤال كمان , هو انت ليه مفكرتش فى السيراتو 1600 Manual F.O مع انها بنفس السعر و1600 CC واكيد حصان اكبر من الايفو 77 حصان و فيها معظم الكماليات وسيدان يعنى شنطة اوسع وشكلها كمان تحفة
أصل انا فى نفس الحيرة دى بين السيراتو و الايفو

الاجابة في الاستطلاع ده اللي عملته من 6 شهور
http://www.nilemotors.net/Nile/149412-100-125-a.html

انا طلباتي كانت محددة عشان كده الاختيار كان سهل
عربية هاتشباك اوروبي
هاتشباك عشان هي عربية تانية و المفروض في عربية تانية كبيرة معاها يبقي ماجبش عربيتيت كبار في الحجم و لما احب اروح مشوار صغير و لا المدام تحب تعمل مشوار تلاقي نفسها راكبة عربية طول بعرض بدون داعي

اوروبي عشان في معاير امان و اداء معينة تتوافر بصورة اقل في الياباني و اقل بكتير في الكوري

يبقي دايره الاختيار محدودة في بولو - فيستا - ابيزا - ايفو
و انا شايف الايفو افضل اختيار

بس دي ظروفي انا و احتياجاتي انا و ده مش ضروري يكون مناسب لكل الناس

يعني لو انا عندي عائلة كبيرة و محتاج عربية حجمها اكبر و موتورها اقوي عشان السفر مثلا لو بسافر كتير و امكانياتي اجيب عربية واحدة يبقي ممكن قوي اجيب السيراتو و هي تتفوق في الحجم و قوة الموتور فقط
لو عايز عربية تانية او عربية للمدام او عربية لشاب او عربية لعيلة صغيرة و مش بتسافر كتير...يبقي الايفو اختيار ممتاز
و علي فكرة انا عمري ما حسبتها كده .... ايه اكبر حاجة اجيبها ب 100 الف جنيه؟!!
لو فكرت كده يبقي اي حد معاه 100 الف يجيب النترا - سيراتو - اوبترا- كروز
رغم اني في ناس بتدفع 300 الف جنيه في عربيات ميني!

بالنسبة لنقطة جمال السيراتو...السيراتو كنت شايفها جميلة و تصميمها ممتاز اول ما نزلت بس طبعا اي عربية بتفقد جمالها لما تنتشر بزيادة قوي كده...يعني من سنتين كنت باقول واااوو لما اشوف نيو سيراتو...دلوقتي كل 5 عربيات بتعدي جنبي منهم واحدة سيراتو...اكيد ماعدش ليها نفس الجاذبية مع الانتشار المبالغ فيه...دي تقريبا اكتر من التاكسيات

لو ركبت ايفو هتلاقي ناس كتير في الشارع بتبص عليها و ناس كتير هتوقفك و تسالك عليها و هتلاحظ اعجابهم بيها...اعتقد صعب تكون راكب سيراتو و حد يوقفك يسالك عنها...مع ان الاتنين ب 100 اللف

أرجو اكون افدتك و تحت امرك في اي استفسار

يا وائل باشا احب اعترفلك باسلوبك الهايل فى العرض والرد
مش لاقى غير اقولك 1000 شكر

يا وائل باشا احب اعترفلك باسلوبك الهايل فى العرض والرد
مش لاقى غير اقولك [marq="1;right;3;alternate"]متشكر جداً[/marq]