الموضوع: فيات برافو - سيات ليون - مازدا 3 (هاى لاين)

المشاركة الأصلية كتبت بواسطة sha2e

على قد معلوماتى ان tcs = asr
واختصار ASR = Anti Slip Regulation
TSC = Traction Control System
وده وظيفته انه ميخليش العجل يلف على الفاضى زي الطلعه السريعه (الفرك او الامريكانى)

لكن ESP = Electronic Stability System أو نظام الثبات الاكتروني فده نظام كااااامل ويشمل النظامين السابقين

تحياتي

هو حصل اني لا سمح الله قلت ان الـASR أو الـTCS هما الـEsp..؟؟؟؟

كلامك سليم طبعاً و معلوماتك صحيحه, و انا عارف والله يا باشا ان في فرق بينهم اكيد, لكن
اللي انا عايز اقوله لحضرتك بعيداً عن اني عارف وظيفة كل نظام من دول ان الـTCS او الـASR
مش بس وظيفتهم بمنعوا العجلات الاماميه من انها تفرك في الطلعه, لكن كمان بيوزع عزم الموتور
على العجلتين الاماميتين, و بيتحكم في احتكاك الاطارات بالارض, و لو حصل فقد في الاحتكاك
بيتم توزيع العزم بشكل يمنع العربيه من انها تفقد اتزانها سواء الطريق منزلق او جــاف...

الفكره ان الـASR او الـTCS مش هيمنع العربيه انها تلف حوالين نفسها او تفقد توازنها من الخلف,
لان مافيش كونترول على العجلتين الخلفيتين, و ده عكس الـESP تماما اللي هيمنع العربيه انها تدور
او تلف حوالين نفسها لان النظام بيتحكم في الاربع عجلات مع نظام الفرامل كمان... و هو ده الفرق

يا رب اكون قدرت اوضح وجهة النظر يا باشا...

تقبل تحياتي...

البرافووووووووووووووووووو وووووووو
شكل مميز جدا
شنطة مش هتخليك تحس انها هاتش باك
موتور جبااااار
صاج قوي جدا و عربية اوروبي و امان عالي جدا لا قدر الله وقت الحوادث
انتشار معقول و في تزايد يعني ان شاء الله متقلقش من قطع الغيار

و المازدا بردو عربية عائلية

يعني ترتيبي
برافو
مازدا 3
سيات ليون

و القرار ليك انتا و بردو شوف الليون و البرافو و حدد بس انا عن نفسي اقوللك البرافو لأنها بصراحة تصميمها و موتورها لوحدو كفاية

المشاركة الأصلية كتبت بواسطة ROSSO

ياريت حضرتك تقولنا الأسباب للترتيب ده




رأى حضرتك مجحف جدا جدا للعربية خصوصا مع (------,------) اللى ماعتقدش هتلاقى عربيات تحطهم فيها...!!!!!!

ياريت المقارنات تبقى عملية علشان صاحب الموضوع يستفيد

من وجهة نظرى المتواضعة: (بعد استبعاد المازدا 3 لأنها اقل من الأثنين و ليست اوروبية)

المحرك: البرافو تتفوق بمراحل 120 حصان مقابل 102 دا غير فرق العزم الهائل علشان التربو
الفتيس: تتفوق الليون علشان DSG (مع مشاكله) على الرغم ان Selespeed فتيس اكثر من رائع كأداء و استهلاك بنزين وقلة اعطال
Styling: الأثنين اجمل سيارات فئتهم (آه احلى من الجولف) مع شكل Emotional لليون و Sporty للبرافو كعادة الأيطالى
الوسع: الليون اوسع فى الكنبة و البرافو اوسع فى الشنطة
Interior & Options: تفوق واضح للبرافو مع خامات اعلى و كمية الأوبشنز الغير عادية فى مقابل فقر فى المقصورة الداخلية لليون (على غير عادة VW !!!!)
التوكيل: معتقدش SMG هيبقى افضل كتير من اوماترا ان لم يكن اغلى فى الأسعار

انا رأيى ان فيات رفعت سقف المنافسة فى الفئة دى خصوصا مع المحركات و الفتيسات الجديدة ولا يوجد عربية تعادل او تتخطى البرافو غير الجولف (1.4 TSI) مش 1.6 العادية
ولا عزاء للفورد فوكس و البيجو 308 (مع انها شياكة اوى)

كلام عقلاني و متوازن و وافي

المشاركة الأصلية كتبت بواسطة ghazy12

هو حصل اني لا سمح الله قلت ان الـasr أو الـtcs هما الـesp..؟؟؟؟

كلامك سليم طبعاً و معلوماتك صحيحه, و انا عارف والله يا باشا ان في فرق بينهم اكيد, لكن
اللي انا عايز اقوله لحضرتك بعيداً عن اني عارف وظيفة كل نظام من دول ان الـtcs او الـasr
مش بس وظيفتهم بمنعوا العجلات الاماميه من انها تفرك في الطلعه, لكن كمان بيوزع عزم الموتور
على العجلتين الاماميتين, و بيتحكم في احتكاك الاطارات بالارض, و لو حصل فقد في الاحتكاك
بيتم توزيع العزم بشكل يمنع العربيه من انها تفقد اتزانها سواء الطريق منزلق او جــاف...

الفكره ان الـasr او الـtcs مش هيمنع العربيه انها تلف حوالين نفسها او تفقد توازنها من الخلف,
لان مافيش كونترول على العجلتين الخلفيتين, و ده عكس الـesp تماما اللي هيمنع العربيه انها تدور
او تلف حوالين نفسها لان النظام بيتحكم في الاربع عجلات مع نظام الفرامل كمان... و هو ده الفرق

يا رب اكون قدرت اوضح وجهة النظر يا باشا...

تقبل تحياتي...

تمام ياباشا واضح انى التبس عليا الامر فى مشاركتك الاول
وان كان رأي الشخصى ان asr أو tcs مش ليهم اهميه ملحوظه غير فى المرسيدس او البى ام لأنهم بيعتمدو على الدفع الخلفى وبكده بيكون عمل asr أو tcs على العجلات الخلفيه وبالتالى بيقلل من قابلية العربيه للعومان او التعريض
لكن فى الجر الامامي انا شايف تأثير asr أو tcs ضعيف ومش بيتحس بيه غالبا غير فى الطلعه بس

تحياتى

المشاركة الأصلية كتبت بواسطة ROSSO

ياريت حضرتك تقولنا الأسباب للترتيب ده




رأى حضرتك مجحف جدا جدا للعربية خصوصا مع (------,------) اللى ماعتقدش هتلاقى عربيات تحطهم فيها...!!!!!!

ياريت المقارنات تبقى عملية علشان صاحب الموضوع يستفيد

من وجهة نظرى المتواضعة: (بعد استبعاد المازدا 3 لأنها اقل من الأثنين و ليست اوروبية)

المحرك: البرافو تتفوق بمراحل 120 حصان مقابل 102 دا غير فرق العزم الهائل علشان التربو
الفتيس: تتفوق الليون علشان DSG (مع مشاكله) على الرغم ان Selespeed فتيس اكثر من رائع كأداء و استهلاك بنزين وقلة اعطال
Styling: الأثنين اجمل سيارات فئتهم (آه احلى من الجولف) مع شكل Emotional لليون و Sporty للبرافو كعادة الأيطالى
الوسع: الليون اوسع فى الكنبة و البرافو اوسع فى الشنطة
Interior & Options: تفوق واضح للبرافو مع خامات اعلى و كمية الأوبشنز الغير عادية فى مقابل فقر فى المقصورة الداخلية لليون (على غير عادة VW !!!!)
التوكيل: معتقدش SMG هيبقى افضل كتير من اوماترا ان لم يكن اغلى فى الأسعار

انا رأيى ان فيات رفعت سقف المنافسة فى الفئة دى خصوصا مع المحركات و الفتيسات الجديدة ولا يوجد عربية تعادل او تتخطى البرافو غير الجولف (1.4 TSI) مش 1.6 العادية
ولا عزاء للفورد فوكس و البيجو 308 (مع انها شياكة اوى)

Have a look on the MAZDA's rear suspension setup & you'll realize why it's superior to the bravo & why it's not like the low end japanese cars it's different , it's a japanese FOCUS :)

المشاركة الأصلية كتبت بواسطة zoroisill

طبعأ انا كنت متوقع أختلاف الأراء ده
فعذرأ انا عملت أستفتاء هيكون أسهلى طبعا مع قرائة تعليقاتكم المهمة
عن عيوب ومميزات العربية (ده أهم شىء طبعأ)

بس انا عارف أن البرافو أقوى متور فيهم
و أن الليون تعتبر أكثر أمكانيات فيهم
وأن المازدا أكثر أعتمادية وأعادة بيع أعتقد يعنى فيهم

بس انا عاوز أعرف ككل (تقدير عام) مين أفضل من مين
بصراحة بعد مراجعة المنتدى كويس وكل المواضيع فى الثلاث أقسام عن الثلاث سيارات

لقيت أن فى ناس بتعلق على الفتيس بتاع اليون
ولقيت فى ناس بتعلق على الكمبيوتر أو البطارية أو عامة مشاكل فى البرافو

بس حتى الأن محدش أشتكى من المازدا

ولا أنا غلطان ؟

Almost right :)