الموضوع: العربيه بتعتل

المشاركة الأصلية كتبت بواسطة kantoosh

السلام عليكم ورحمة الله
انا فعلا جيبت ميكانيكى ولكن المشكله انى فى منطقه معدومة ميكانيكيه وكله بالفهلوة المهم اللى مرتاحله فيهم جيبته وشافها وطبعا انا عينى معاه المشكله بتنحصر فى الكهربا هو عمل ايه ظبط الكهربا وفك العمه وخلاها ضربت مدافع والكربراتير طلع نار من فوق علشان ينظف الكربراتير المهم بعد ما قفلنا كل حاجه التعتيله قلت بشكل ملحوظ وكمان ده كان امبارح فى اليوم الساقع جدا والتراب والعفار وكل حاجه يعنى فى ظروف صعبة والتعتيله قلت شويتين تلاته بس موجوده على خفيف قولت كويس جدا طيب نجرب العربيه لقتها سحبها قل كتير وتكبسلها تتخنق شويتين وبعدين تقبل وتبقى زى الفل طيب قلل الكهربا سحبها بقى تمام وزى الفل بس بطل ودور بتعتل جامد ههههههههههه حاجه جنان فضلنا على الموضوع دع شويتين لغاية ما الدنيا مطرت واحنا تلجنا قولتله سيبهالى من غير سحب بس تدور بسرعه علشان اعرف اتحرك بيها ومش عارف بصراحه ممكن يكون ايه والميكانيكى جاب اخره معاها ولو كنت لقيته عارف يوصل لحاجه كنت فضلت معاه لكن هو بيجرب ومش عارف يعمل ايه ولهف فى الاخر 50 جنيه علشان الموضوع ده والفرامل ظبطهالى بس وبرضه مش مظبوطه ظبطه صح

شغل مش تمام لما هي المشكله كهربا فك لك العمه الكربراتير ليه دا على اساس كلامك مزبوط وان المشكله كهربا مش كربراتير؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟( عشان ايديه على الاسبراتير مش حساسه زي الكهربائي عشان متولعش في العمه )
بصراحة مستغرب من اللي انت بتقوله
المدافع او النار اللي بتطلع دي سعاتك لانه مزبطش الكهربا مش عشان ينظف الكربراتير دي بتحصل لانه مش عارف بيعمل ايه؟؟؟
في حاجه واقعه في النص ؟؟؟؟
عربيتك ايه يافندم ومتورك ايه لوسمحت ؟

انا ساكن فى مدينة بدر ودى مدينة جديده والصنايعى مش موجود فيها وكله بالفهلوة مره وديت لواحد العربيه ورجعتله قاللى خلصت ولقيتها زى ما هى ولا عمل فيها حاجه ههههههه اشتغالات وخلاص وكلهم عاوزين ياخدوا الجنيه خمسه وبس هو ده الشغل بتاعهم علشان كده انا عاوز اعمل حاجتى بنفسى والله حاجات عملتها قبل كده احسن من الميكانيكيه وبضمير اكتر منهم
العربيه بولونيز موتور 125 بس هنا سؤال
هو اللى بيظبط الاسبراتير وكهربة الموتور ده الميكانيكى ولا الكهربائى ؟؟؟؟؟؟
انا اللى اعرفه ان الكهربائى بتاع الفوانيس والبطاريه وكده لكن الميكانيكى بوجيهات واسبراتير والموتور وكده صح كلامى ولا ايييييه؟؟

وحاجه كمان انا غيرت البوجيهات النهارده وتمام التمام بس بعد ما غيرتهم لقيت ان الحريق نى شويه وباين من ريحته يا ترى ده ممكن يكون ايه مع العلم انى عليت ووطيت الكهربا وبرضه مفيش فايده

المشاركة الأصلية كتبت بواسطة kantoosh

انا ساكن فى مدينة بدر ودى مدينة جديده والصنايعى مش موجود فيها وكله بالفهلوة مره وديت لواحد العربيه ورجعتله قاللى خلصت ولقيتها زى ما هى ولا عمل فيها حاجه ههههههه اشتغالات وخلاص وكلهم عاوزين ياخدوا الجنيه خمسه وبس هو ده الشغل بتاعهم علشان كده انا عاوز اعمل حاجتى بنفسى والله حاجات عملتها قبل كده احسن من الميكانيكيه وبضمير اكتر منهم
العربيه بولونيز موتور 125 بس هنا سؤال
هو اللى بيظبط الاسبراتير وكهربة الموتور ده الميكانيكى ولا الكهربائى ؟؟؟؟؟؟
انا اللى اعرفه ان الكهربائى بتاع الفوانيس والبطاريه وكده لكن الميكانيكى بوجيهات واسبراتير والموتور وكده صح كلامى ولا ايييييه؟؟

الكهربائي تروحله في اي مشكله كهربائيه او تزبيط الكهربا (مارش دينمو موبينه اسلاك بوجيهات كهربا لمكن الزجاج كتاوت مروحة الرادياتير لو كهربا )
اما الميكانيكي بيعرف يعمل حاجات تشغله شغله زي البوجيهات والكوندسر والابلاتين بس مش عمره هايزبطها زي الكهربائي الا لو هو صنايعي على حق دا تعرف انه عنده ضمير

المشاركة الأصلية كتبت بواسطة kantoosh

وحاجه كمان انا غيرت البوجيهات النهارده وتمام التمام بس بعد ما غيرتهم لقيت ان الحريق نى شويه وباين من ريحته يا ترى ده ممكن يكون ايه مع العلم انى عليت ووطيت الكهربا وبرضه مفيش فايده

عربيتك بتنتش لو كبست لها بنزين مره واحده ؟
هل تقصد بالحريق الني دا ان في رائحه دخان عادم فيه بنزين ؟

ياجماعة لو حد يعرف ميكانيكي كويس وحنين ومتجرب وقريب من مدينه بدر يقلنا عليه عشان الراجل الطيب اللي معانا؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

تسلم ايديكو والف الف شكر ليكوو جميعا
انا اقعدت اغتكس واخترع كالعاده المهم فكيت البوجيهات كلها وسنفرتها وركبتها وظبطت مسمار الهوا اللى فى الكربراتير اللى هو بتاع السلانسيه وظبطت الكهربا على قد ما قدرت والحمد لله بقت الى حد ما كويسه بس لغاية ما انزل للميكانيكى بتاعى وده فى المطريه لكن الحريق النى ده يعنى ريحة الحريق فيها بنزين بس انا لاحظت ان الموضوع ده بقى وهى بارده بس بعد ما عملت الكلام ده هل ده طبيعى؟؟؟ والسحب كمان بيبقى مش تمام شويتين فى الاول ؟؟