الموضوع: العربيه بتعتل

أعتقد كابرتير و الله أعلم
ابقى كارك اربع او خمس مرات بنزين قبل ما تدور

المشكله لو كاربراتير كانت ما تعتلش لكن ما تلقطش او الموتور يلقط ويبطل لكن المشكله انها بتعتل وهى بارده ولما تشخن تدور من اول لقطه هل ممكن الزيت يخلى الموتور تقيل وهو بارد ولا ايه بالظبط

هو مش حضرتك الاخ اللي سالت من فترة كدا على قسم البيجو عن الصوت العالي في ال 405 صحيح ولا بيستهيا لي كدا ؟؟
على العموم ياسيدي هناك عدة اسباب او احتمالات تحطهم في بالك وراي هذا يقبل الخطا والصواب فاذا كان صواب فهو من الله وحده واذا كان خطا فهو من انفسنا والشيطان :
1 :عيب في المارش : الحل يكون بعمل صيانه له ( تغيير الفرش الكربونيه الخاصة به ) وتنظيفه من الاتربه والعوالق والكشف على مجموعة التروس اللي فيه وتنظيفها اي كهربائي جيد يقوم بهذا العمل ( وممكن تغيره بواحد استيراد استعمال الخارج لو عطلان او به عيوب او تروسه مبوشه )
2 : اتوماتيك المارش ( solenoid ) ودا عبارة عن حاجة اسطوانية متثبتة بجانب جسم المارش
صيانته بتكون انه يتعمله شربون او يتغير ودا بيجي مع المارش الاستيراد
3: الدينمو : يفحص وصيانته بيتغير له فرشات كربونيه وتغيير الكتاوت بتاعته سواء كانت خارجيه او داخليه وانا استبعد انه يكون دا سبب المشكله كادينمو بس يفضل انك تفحصه في جهاز عند الكهربائي بيقيس شحن الدينمو وممكن تحتاج تغير كتاوت اذا كانت خارجيه فيستحسن تغييرها لو فيها خلل .
4 : الكربراتير راس الافعى دا : فيه حاجه بس ايه مش عارف وبيكون السبب في عيبه انه اتفك واللي ركبه مازبطش حاجه فيه وينتج عن كدا : توصيل خاطيئ لخراطيم الفاكيوم الي بتختلف من نوع وموديل الكربراتير والموتور احد الاحتمالات دي ممكن تلاقيها عندك 1: في خرطوم مع الاسبراتير ، وممكن يكون خرطومين مش واحد بس . 2: تلاقي خرطوم تاني للمانفولد .
3:وتلاقي واحد تاني لصمام البي سي في ودا بتوصل يا في العمه يا في الكربراتير على حسب . 4: وتلاقي خرطوم تالت للفتيس لو كان اتوماتك .
5: وتلاقي خرطوم رابع للتكيف . 4:وتلاقي واحد خامس للشفاط او السخان لو كان اتوماتك. طبعا دا غير خراطيم البنزين اللي جايه من طرمبة البنزين واي خراطيم مياة تبريد
الرداخ الجوان بتاعه مخروم او مش محكوم دا يتغير لو المشكله منه ، الشفاط الاتوماتك بايظ فالمكنه فابمتسخنش ، مستوى الوقود مش مزبوط داخل غرفة العوامه ، بيك السلانسيه مش مزبوط ممكن يحتاج تنظيف او زبط ، مسمار ضبط خليط الوقود والهوا محتاج يتزبط مشكلة الكربراتير دي يعرفها واحد بتاع كربراتيرات فقط ورجاء ماتخليش الميكانيكي العادي يعملك حاجه فيه مع انه ممكن يكون يعرف له بس الافضل المتخصص .
5 : عندك حاجه في البوجيهات : مقاسه غير مناسب او مش متركبه صح او اسلاكها مش متركبه صح اتاكدا منها الاول .
6 : ممكن تكشف على طرمبة البنزين دا احتمال تحطه في دماغك بس خليه في الاخر .

ترتيب يفضل انك تستخدمه عشان تشوف ايه اللي عندك:
1 : اعرف نوع البوجيهات ومقاسها المناسب لموتورك وركبها صح واتكد من الاسلاك متركبه في مكانها الصح و بطريقة صحيحة .
2: نظف او غير على حسب كلا من فلتر الهواء والبنزين .
3: اكشف على البطاريه والفيوزات والكتاوت اللي عندك حاجة بايظه تغيرها حاجه مترحله او متركبه غلط شوف كدا ممكن يكون سبب العيب دا شي هين وتتكلف مصاريف على الفاضي اكشف على الاسهل والاقل كلفة الاول وبعد كدا خش على التقيل.
4: اكشف على الاسبراتير ممكن يكون مترحل والموبينه افحصها بردك .
5:اكشف على المارش والاتوماتك بتاعه .
6 : افحص الدينمو والكتاوت بتعته .
7 : خش على الكربراتير كشف فحص تزبيط تغيير اللي يعجبك .
8 : ماتغيرش حاجه ولا تلعب في حاجة الا اذا كنت متكد ان فيها خلل او محتاجه صيانة او تغيير بقطعة اخرى .
متاسف على الاطالة بس انا حاولت احصر لك المشاكل والاحتمالات كلها
ارجو اني اكون افدتك .

سؤالين ليك على الماشي :
الصوت بتاع المارش عادي بس بيغيب في الدواره ؟ ولا متغير وفي خشونه ومش زي قبل كدا ؟
لما بتدور بتكارك على دواسة البنزين قبل ماتدور الكونتكت ولا بتكبس مع دوارة المارش ؟
جرب حاجه كمان لما تيجي تشغل الصبح والعربية بارده تكارك على البنزين 5 او 6 مرات للاخر كدا واستني ثانيتين وشغل كدا وشوف وقولي

صحيح بعد ماتشغل لما بتكبس بنزين جامد بيبقى فيه صوت فرقعه من الكربراتير او اللي بيسموه امبليه ولا عادي صوت المكنه بتصرخ بس ؟؟؟؟؟؟؟

السلام عليكم ورحمة الله
انا فعلا جيبت ميكانيكى ولكن المشكله انى فى منطقه معدومة ميكانيكيه وكله بالفهلوة المهم اللى مرتاحله فيهم جيبته وشافها وطبعا انا عينى معاه المشكله بتنحصر فى الكهربا هو عمل ايه ظبط الكهربا وفك العمه وخلاها ضربت مدافع والكربراتير طلع نار من فوق علشان ينظف الكربراتير المهم بعد ما قفلنا كل حاجه التعتيله قلت بشكل ملحوظ وكمان ده كان امبارح فى اليوم الساقع جدا والتراب والعفار وكل حاجه يعنى فى ظروف صعبة والتعتيله قلت شويتين تلاته بس موجوده على خفيف قولت كويس جدا طيب نجرب العربيه لقتها سحبها قل كتير وتكبسلها تتخنق شويتين وبعدين تقبل وتبقى زى الفل طيب قلل الكهربا سحبها بقى تمام وزى الفل بس بطل ودور بتعتل جامد ههههههههههه حاجه جنان فضلنا على الموضوع دع شويتين لغاية ما الدنيا مطرت واحنا تلجنا قولتله سيبهالى من غير سحب بس تدور بسرعه علشان اعرف اتحرك بيها ومش عارف بصراحه ممكن يكون ايه والميكانيكى جاب اخره معاها ولو كنت لقيته عارف يوصل لحاجه كنت فضلت معاه لكن هو بيجرب ومش عارف يعمل ايه ولهف فى الاخر 50 جنيه علشان الموضوع ده والفرامل ظبطهالى بس وبرضه مش مظبوطه ظبطه صح

المشكله اللىة عندك يابوب مشكله كهربه رغم انف الكهربائى اللى انت جبتو هسالك سؤال العربيه فى السحب بتكتم فى اول الغيار كانها هتبطل بعد كدا ترجع تسحب تانى صح.. طيب ياسيدى تعتيله التدويره لوحدها دى ممكن تكون من حاجتين طقم الاشعال بجانب طبعا الكهربه بتاعت الاسبراتير اللى احنا قولناها وايه اللى ممكن يكون بايظ فى طقم الاشعال....الموبينه مثلا كشفت عليها هى و الوير الموصل للبوجيهات... وزى ما قولتلك مشكلتك الاساسيه هى انك تلاقى كهربائى نضيف فاهم .... وشكرررررررررا