الموضوع: العربيه بتعتل

المشاركة الأصلية كتبت بواسطة kantoosh

هو فيه حاجه لسه جاية فى بالى حالا الا وهى
انى لاحظت من ساعة ما غيرت عامود الكرنك وان العربيه وهى واقفه على السلانسيه كانها بتلف شويتين وبعدين تحس ان الموتور هيقف ويبطل لف والعربيه كلها تترج وبعدين يلف شويتين تانى وهكذا بس مش موضوع كهربا ولا متلته ولا حاجه لانها مش بشكل مستمر لكن بشكل متقطع بس بلاحظ بخبطه من تحت العربيه والعربيه كلها بتترج ولما سالت الميكانيكى فى اول الموضوع بعد ما غير عامود الكرنك قاللى ده علشان رابط عليه ومقرط جامد فهياخد شويه فى التليين طيب انا ماشى عليها 4000 كيلو لغاية دلوقتى هل ده ممكن يكون له علاقه

ازاي كرنك السبب؟؟؟ معلش انا مش فاهم بيتهيا لي ان الكلام والشغل دا غلط ولا ايه ياجملعة حد يصحح لي جماعة لو انا بعترض في غير محله؟
بالنسبه للرجه دي لو بيتهيا لي الكربراتير والكهرباء عايزين يتزبطم عند ناس بتفهم

يا جماعه بعد اذنكم لو سماحتو ساعدونى انا عندى مشكلة غريبة شوية بس متزهقوش منى فى طريقة شرحها لانى هشرحها بشكل تفصيلى
انا معايا بيجو 405 موديل 1990 وبصراحة هيه عربية وحش الحمد لله بس فيها مشكلة مجننانى ومنكدانى عندى العربية بتعمل باك فير يعنى وقت ما باجى من مشوار وابطلها تبقى عاوزة تفضل دايرة وكنها فيها كهربه زيادة واول طبعا ما اجى ارجع المفتاح بتاع الكونتاكت تفضل دايرة وعشان ابطلها لازم ابطلها غيار بس لما بتكون باردة طبعا بتدور وتبطل منغير اى مشكلة وروحت لكذا ميكانيكى قالى هنظبط الاسبراتير ولما بيظبطة بتبطل وتدور عادى بس بتنش فى المشى وبتتخنق جامد روحت لميكانيكى صاحبى جاب مشط الكترونى من عندة وجرب بية عملت نفس المشكلة وجاب موبينة عملت نفس المشكلة ودورنا من الكونتاكت من الموتور دايركت بدون مفتاح الكونتاكت طبعا بعد ما فتحنا الكونتاكت بالمفتاح عملت نفس المشكلة كنا بنعتقد اما العيب فى الكونتاكت او فى المشط او فى الموبينة ولكن كل الاحتمالات بائت بالفشل والعيب زى مهو واحد تانى قالى يمكن الكتينة مش مظبوطة قالى يمكن العربية عاوزة يركبلها سير الكتينة ال114 سنة بالبلية بتاعته بدل من الكتينة ال113 وخلو بالكو العربية دى مكنتها 1600 سي سي وموديل 90 يعنى كتينتها الفابريقة 113 سنة ونفس الميكانيكى اللى شاكك فى الكتينة شاكك بردو ان المكنة بتاعت العربية كانت انجكشن واتقلبت عادة يا جماعه انا هتجنن ... اكيد مش الحل يعنى انى اغير المكنة كلها لان دة عيب المفروض انة بسيط بجانب ان المكنة اللى راكبة فى العربية دى مكنة ممتازة بفضل الله سحب وقرص وتجميع وحش بجد على الطريق......... اللى عنده اى معلومة يقولى بعد اذنكم