سؤال لذوى الخبرة بخصوص أرضية العربية

**Ashraf A.Kader** · 13-12-2010 03:48 PM

احب يا جماعة اشارككم بتجربتي
كان عندي نيسان صني 2007 وبناء علي نصائح الاعضاء وقتها وبمساعدة كريم باشا منير ركبت فرش جلد للارضية في الحرفيين عند استورجي اسمه حمادة وده نفعني جدا في النظافة وعمره ماتخربش اواتغير شكله.
السنة دي اشتريت صني 2011 ورحت جينز كار ركبت فرش تحفة للكراسي وطلبت منه برضه فرش جلد للارضية لاني كنت معجب جدا بيه في السيارة الاولي وخصوصا مع شقاوة الاولاد وبصراحة فرش الارضية الي عمله زي الفل وتنظيفه سهل جدا وافتكر ان فرش الارضية اتكلف حوالي 400 او 450 جينيه بس بصراحة جميل حدا
وبالمناسبة الوقت في تركيب الكراسي والارضية كان حوالي 5 ساعات بس انا رحت قبلها بيوم علشان احدد الالون والمقاسات لمدة نصف ساعة

**aymanay32** · 13-12-2010 04:00 PM

المشاركة الأصلية كتبت بواسطة meeg

بص ياباشا انا قعدت فى الموضوع 3 ايام لانى فورت العربيه كلها وعزلت صوت وحراره
انا نزلت حرفيين حلوان عند بتوع فرش السيارات بيبقى عنده الرخيص والغالى انت اتفرج ونقى
انا جبت 3متر طول فى 1.5 عرض انا عن نفسى فكيت الكراسى والكنبه وفكيت الكونسول اللى فى النص والعتب كله وفرش السقف كل حاجه لو انت اللى هتعمل هتحتاج وقت وحد معاك اهم حاجه الصبر علشان متزهقش
انت هتقص العرض نصين وتحط كل جزى فى ناحيه وتحشيه تحت العتب والكونصول اللى فى النص
المشكله ان الموضوع شرحه صعب صدقنى انا مش ببخل بالمعلومه
لو عايزنى اشرحلك ممكن على الموبايل 0111841609
وربنا يوفقك

انا كمان عملت زيك بس جيبت مشمع بلاستيك من الثقيل بتاع المطابخ الارضيات ومن التوحيد و النور و ركبته بنفسى

**Amr2004IBM** · 13-12-2010 04:29 PM

انصحك علطول قبل ما تبهدل الموكت الاصلى للسياره انك تفرش الارضيه جلد لان حيحمى الفرش الاصلى وتحافظ على قيمته وخاصتا لو حبيت تبيع العربيه 2- سهل جدا فى تنظيفه ( فوطه منديه تخليه يبرق) 3- شكله شيك جدا 4- لو وقعت اى سوائل عليه (و ده وارد فى سيارتنا طبعا) مبيشربش الميه وسهل تلحقها .
اما انه هيتقطع او يتفرك من كعب الحذاء حلها انك تحط اى دواسه رخيصه وشكلها حلو فوق الفرش , وانا عامل الكلام ده فى عربيتى اول مائشترتها من سنتين عملت فرش جلد لكل السياره وريحت دماغى من هم التنظيف و خاصه ايام المصيف والميه المالحه والرمل الخ.....
هو مكلف شويه بس صدقنى هترتاح اوى ونصيحه متسترخص فى الخامات.

**tawfeek** · 14-12-2010 01:35 AM

الموضوع ده ممتاز بس نقصه حد يتكرم و يصور عربيتو بفرش جلد للأرضية عشان نروح نركب على طول :]

**eng_Bondo2** · 14-12-2010 11:35 AM

الف شكر لكل اللى تفضلوا وناقشوا الموضوع

كده فى شبه اجماع على الارضية الجلد.....
يلا ...توكلنا على الله...انشالا ما حد حوش !!

**hema_hn** · 14-12-2010 11:42 AM

الارضية الجلد احسن بكتير من الموكت
الموكت كان مدوخنى فى تنضيفه ومش بيتنضف فى الاخر
ولو نزل شوية مية بتنزل على الصاج على طول
اما الجلد بيبقى فى منتهى الجمال
ولو عايز تنضفها بفوطة مبلولة وتسحب كل التراب الى موجود
انا لسه عمله
اربعة متر إلا ربع جلد المتر بـ 23 من اجود الانوع الى هو وجه جلد ووجه صوف او موكت بيعشق فى الموكت بتاع العربية
تفصيل وخياطة وتركيب بـ 60 جنيه سروجى

**sakr122** · 14-12-2010 02:04 PM

المشاركة الأصلية كتبت بواسطة hema_hn

الارضية الجلد احسن بكتير من الموكت
الموكت كان مدوخنى فى تنضيفه ومش بيتنضف فى الاخر
ولو نزل شوية مية بتنزل على الصاج على طول
اما الجلد بيبقى فى منتهى الجمال
ولو عايز تنضفها بفوطة مبلولة وتسحب كل التراب الى موجود
انا لسه عمله
اربعة متر إلا ربع جلد المتر بـ 23 من اجود الانوع الى هو وجه جلد ووجه صوف او موكت بيعشق فى الموكت بتاع العربية
تفصيل وخياطة وتركيب بـ 60 جنيه سروجى

طيب هو حضرتك اشتريت الجلد منين؟؟

**aymangalal510** · 14-12-2010 02:26 PM

اخى الفاضل هيما hema_hn
ياريت تقولى على التكلفة المبدئية (تقريبا) لفرش جلد ارضية وسقف وكراسى ونصف تابلوه وكونسول للعربية بتاعتى ax
وهل ينفع اشد الجلد الجديد على القديم فى الارضية ؟؟؟ ويا ترى هشيل فرش السقف ولا احط الجلد عليه؟؟؟ وكمان الشنطة مافيهاش غير حتة موكيت فى الارضيه كلها زيت وشحم ولازقة فى البلاك بتاع الفابريقة الزق عليها الجد ولا احطة كده من غير لزق؟؟
والصور اهى......

تحت التابلوه و الدركسيون

ارضية الشنطة:

السقف

تحت الكنبة

بين الكراسى(شكله وحش قوى) وده اللى مخلينى اغير الفرش بالذات

الارضية قدام الكنبة

تحت الدواسات

على فكرة ده مش اهمال منى انا مشتريها كده وعايز انضفها

لو شيلت جلد الارضية هل الزق الجلد الجديد على الصاج على طول؟؟
ولما اعمل الفرش الجديد احطة على القديم ولا اشيل القديم(بتاع الفابريقة) كراسى وابواب؟؟؟
معلش يا باشا بتثاقل عليك وماتنساش تقولى الحوار ده يتكلف كام تقريبا

اه نسيت وكمان بطانه باب الشنطة والكبوت بيتفصلوا من نفس الجلد ولا ليهم حاجه تانيه؟؟؟ ولا بيتباعوا جاهزين؟؟؟

قولى اعمل ايه عشان ما يتضحكش عليا مع الصنايعية

ولك الف شكر

**aymangalal510** · 14-12-2010 03:02 PM

مش عارف الصور مش باينة ليه ؟؟؟؟ مع انها باينة فى المعاينة
هحاول احطهم تانى

يارب تبان المره دى

-

الموضوع: سؤال لذوى الخبرة بخصوص أرضية العربية

LinkBack

أدوات الموضوع

عرض

-

-

المواضيع المتشابهه

سؤال لذوى الخبره

ماتريكس 2002 - معاقين - اسكندرية - لذوى الخبرة

سؤال لذوى الخبرة والتجارب

سؤال لذوى الخبره بخصوص البصمه

مطلوب مساعده بخصوص فتيس رباعى للانسر (لذوى الخبرة فقط)

الكلمات الدلالية لهذا الموضوع

المفضلات

المفضلات

ضوابط المشاركة