سؤال لذوى الخبرة بخصوص أرضية العربية

**hamada_ya** · 14-12-2010 10:10 PM

المشاركة الأصلية كتبت بواسطة aymangalal510

اخى الفاضل هيما hema_hn
ياريت تقولى على التكلفة المبدئية (تقريبا) لفرش جلد ارضية وسقف وكراسى ونصف تابلوه وكونسول للعربية بتاعتى ax
وهل ينفع اشد الجلد الجديد على القديم فى الارضية ؟؟؟ ويا ترى هشيل فرش السقف ولا احط الجلد عليه؟؟؟ وكمان الشنطة مافيهاش غير حتة موكيت فى الارضيه كلها زيت وشحم ولازقة فى البلاك بتاع الفابريقة الزق عليها الجد ولا احطة كده من غير لزق؟؟
والصور اهى......

تحت التابلوه و الدركسيون

ارضية الشنطة:

السقف

تحت الكنبة

بين الكراسى(شكله وحش قوى) وده اللى مخلينى اغير الفرش بالذات

الارضية قدام الكنبة

تحت الدواسات

على فكرة ده مش اهمال منى انا مشتريها كده وعايز انضفها

لو شيلت جلد الارضية هل الزق الجلد الجديد على الصاج على طول؟؟
ولما اعمل الفرش الجديد احطة على القديم ولا اشيل القديم(بتاع الفابريقة) كراسى وابواب؟؟؟
معلش يا باشا بتثاقل عليك وماتنساش تقولى الحوار ده يتكلف كام تقريبا

اه نسيت وكمان بطانه باب الشنطة والكبوت بيتفصلوا من نفس الجلد ولا ليهم حاجه تانيه؟؟؟ ولا بيتباعوا جاهزين؟؟؟

قولى اعمل ايه عشان ما يتضحكش عليا مع الصنايعية

ولك الف شكر

متابع

**hema_hn** · 14-12-2010 11:11 PM

اخى الفاضل هو بصراحة انا مش متخصص فى موضوع الفرش بجميع انواعه
انا اتكلمت على الحاجه الى عملتها
بالنسبة للفرش السروجى بيطلع الفرش الاصلى الى هو الموكيت بره خالص وبينفضوا زى تنفيض السجاده وبينضف ارضية العربية وتروح انت بنفسك داخل فى العربية وتفليها فى كل جزئية ممكن يكون فيه اى حتة فيها بداية بارومة تلحقها عند السمكرى المشكلة المناطق دى محدش بيوصلها إلا كل فين وفين وانا بالفعل لقيت عندى قعدة الكرسين الامامين وحده منهم مشروخة ورحت لحمتهم المهم انك انت تتابع نظافة الارضية بنفسك ويكون الكلام ده بالنهار وبعدين يرجع الفرش الاصلى بتاع العربية مكانه وبعدها تجرى عملة التفصيل
بالنسبة لمكان شراء الجلد فيه ناس متخصصة لبيع الجلود بجميع المقاسات والاطوال وحتلاقى الجلود المخصصة فى فرش العربية فى الأماكن المكدسة لبيع قطع غيار السيارات
معلش انا من اسكندرية ومعرفش حاجه فى القاهرة
بالنسبة لباقى الاستفسارات لا علم لى بها

**medo666** · 14-12-2010 11:58 PM

الجلد اقوي وافضل ميت الف مره,,,,,,,,,,,,,,,,,,,,,,,,,,,,,,,

**yaserbasha2000** · 15-12-2010 06:35 AM

http://www.nilemotors.net/Nile/113515-a.html

ده من المواضيع المثبته المفيده جدا

**migo9898** · 18-12-2010 06:54 AM

الجلد افضل بمراحل

**momo44** · 18-12-2010 05:49 PM

ياريت لو حد من القاهرة يقولنا مكان بيع الجلد وياريت لو سعره كمان يبقى كتر الف خيره

**Abdelrahman.H** · 18-12-2010 11:42 PM

عملت فرش جلد لارضية عربيتي ب 400 جنيه عند جينز كار

باقي الصور الخاصة بفرش العربية في اللينك التالي

Facebook - My Photos - Farsh Gen-2 CPS

وفي الموضوع التالي

http://www.nilemotors.net/Nile/178880-gen-2-x.html

**sakr122** · 19-12-2010 10:40 AM

الف مبروك الفرش
شكله جامد جدا
وشكرا على رفع الصور

**ahmedaliaeg** · 19-12-2010 11:01 AM

المشاركة الأصلية كتبت بواسطة hema_hn

الارضية الجلد احسن بكتير من الموكت
الموكت كان مدوخنى فى تنضيفه ومش بيتنضف فى الاخر
ولو نزل شوية مية بتنزل على الصاج على طول
اما الجلد بيبقى فى منتهى الجمال
ولو عايز تنضفها بفوطة مبلولة وتسحب كل التراب الى موجود
انا لسه عمله
اربعة متر إلا ربع جلد المتر بـ 23 من اجود الانوع الى هو وجه جلد ووجه صوف او موكت بيعشق فى الموكت بتاع العربية
تفصيل وخياطة وتركيب بـ 60 جنيه سروجى

ممكن تعرفنى جبت الجلد منين وياريت لو صور اكون شاكر