الموضوع: كل مايخص مواتير الهوندا بمميزاتها واسعارها

المشاركة الأصلية كتبت بواسطة zouzz

ياجماعة ارجو الرد في اقصي سرعة انا تعبت انا سألت طوب الارض ومش فاهم حاجة خالص انا معايا برليود 1985 ممكن يركبلها الموتور دة b16a 2nd g ولوممكن مين يركبو واجيبوا منين وبكام ارجو الرد لاني بجد تعبت وشكرا لكل الاعضاء

المشاركة الأصلية كتبت بواسطة semsem kane

شوف ياباشا موضوع المحرك دة ان يركب على البريليود اة هينفع بس هتعدل حاجات كتير وبما انك دخلت فى الsir يبقى انصحك انك تجيب b18c3 عشان هيبقى تمنة ارخص من الsir

وعموما تكلفة التعديل بالمحرك تعمل حسابك على 16000 جنية

ولو عايز اى حاجة عايز تفهمها اسأل مايهمكش هتلاقى كل حاجة انت عايزها ان شاء الله

كلام سامح صح طبعا
بص يا كبير هقولك على كلمتين
اى موتور يركب فى اى عربيه غير موتورها هيكلفك جامد غير انك هتعدل حاجات كتير
انا ان شاء الله بعدل فى العريبه انت بتعدل ماشى خوض التجربه
لو مش بتعدل يبقى هات موتورها ظاظا عنده 3 مواتير ليها بس ال 2 كامه
يعنى اشترى موتورين و خد التالت بنص التمن
هتلاقى نفسك دافع فى ال 3 مواتير 10 الاف جنيه مثلا او يوم ما يضربه الدم 11 الف
و كل اللى هتعمله لو حاجه عطلت
شيل من هنا و ركب هنا
و لا قدر الله بعد عمر طويل الموتور قفش يبقى عندك 1 ستبن لسه متلمسش تشيل و تحط على طول
ده رأيي الشخصى
لو انت عايز شيل و حط بسرعه بدون تعديلات
تحياتى ليك
^_^

المشاركة الأصلية كتبت بواسطة zouzz

انا موافق طبعا علي الي انتوا بتقولوه بس ليا سؤال الموتور دة b18c3 اسمة التجاري اية وبيطلع كام حصان واجيبة منين وبكام وهعدل اية علما بان انا مقدرش اسافر نظرا لظروف شغلي يعني ياريت لو في حد في القاهرة افضل وتعبتكوا اوى سامح مشاء الله عليك انت وهوبا ربنا يباركلكوا يارب

ال b18c3 هو ال GSR بيطلع 190 حصان و هيتجاب من بورسعيد نظرا لنضافه المواتير و سعرها ( للاسف مفيش هناك دلوقتى اى موتور منه الشغل هينزل عندهم كمان 20 يوم بلظبط )
لو من القاهره حط عليه 2000 جنيه للتاجر يعنى هناك عامل 8500 هنا سألت عليه كان عامل 13 ده طبعا اى كلام فى اى حته
التعديل اللى هيتعمل فيه هيتعمل فى القواعد علشان الموتور ينزل من غير مشاكل ( بس سبنى لما اسقط موتورى لما اشوف ايه اللى هيتم )
و يا باشا ربنا يخليك و احنا تحت امرك فى اى وقت
^_^

المشاركة الأصلية كتبت بواسطة zouzz

الله يباركلك ياهوبا والله بس انا عايز اعرف انتا هتركب اية و وصلت لحد فين في العربية

و الله لسه موصلتش لحاجه لحد دلوقتى و انا ان شاء الله هركب gsr
^_^