خلى بالكوم ياجماعة ..حسبى الله و نعم الوكيل

**hazemelgohary** · 31-12-2010 04:12 PM

حسبى الله و نعم الوكيل كل مافتكر يتحرق دمى ياجماعة و مش عارف أخد حقى و لا عارف أثبت عليهم أى حاجة الحمدلله قدر الله مشاء فعل

**yasser_ds** · 10-01-2011 11:03 PM

مادامت حضرتك زى ما بتقول واثق كنت بلغت الشرطه دول 4000 ج يعنى مبلغ
على العموم ولا تزعل نفسك فداك

**omskmaher** · 11-01-2011 12:13 AM

بص يا صاحبى انسى الموضوع ده علشان مضيعش فرحتك بالعربيه إللى حصل حصل إعتبر أن تمن العربيه ذاد 4000 جنيه طلاما مختدش موقف بسرعه فى المعرض بسرعه إتمتع بالعربيه وربنا هيعوض عاليك إن شاء الله وكده أحسن من لوالعربيه حصل ليها حاجه أو حصل ليك حاجه وكنت هاتدفع أكتر إنسى وربنا يكفيك شرها

**samcar** · 11-01-2011 01:53 AM

انا مستغرب من انك سلمت بكلامه - اولا كان لازم - ده لو انت متاكد من فلوسك- كلن لازم تنفعل جامد وتقول له شوف الارض تحتك او درج مكتبك - انت كنت بتعد بالطريقه دى ليه
الفلوس لو كان هو سقطها كان حيبان وساعتها مش اقل من جوزين اقلام على وشه وصوت عالى وفضيحه علشان يلم نفسه - لو كان اللى ناقص ورقه او اتنين كنت - قلت لك عن موقف حصل - وكان للاسف موظفين بنك حكومى بيعملوا الحركه دى - وخصوصا مع العملا اللى بيسحبوا مبالغ كبيره - ووقتها ال 100 وال 50 ما مكانوش لسه ظهروا - كانوا يجوا على باكو اواتنين ويسحبوا ورقه او ورقتين - وطبعا لما تكون ساحب 40 او 50 الف ورق ب عشرات مش حتقعد تعدهم فى الشباك -

اللى كشف العمليه عميل لاحظ تكرار الموضوع- والطمع طبعا عمى الاغبيا فكرروا الموضوع معاه - اتصل بمدير الفرع ورتبوا لهم لغايه ما وقعوا - ومن الحيل برضه انهم بيتنوا الورق نصين ويعده لك من ناحيه واحده ويبان ان العد سليم

معلش انت غلطت - وكان لازم تتاكد كويس من فلوسك علشان ترد عليه بعنف - ويستحسن لو كان حد معاك علشان كان يبقى هو اللى فى موقف دفاع

معلش ربنا يعوض عليك- ما حدش بيتعلم ببلاش

**HOSSAM99** · 11-01-2011 11:22 AM

السؤال الفاصل هل الفلوس كانت في أستك أو ورق البنك ولا لا وهو بيعد يعني اول ما خد منك الفلوس شال الاستك أو الورقه ؟؟؟؟؟؟؟؟؟؟؟؟؟؟؟

لو كده يبقي هو لاعيب 3 ورقات قديم

وده درس وكان لازم انك تبلغ الشرطه سواء كنت متأكد أ, غير متأكد

وعلي فكره موضوعك ده فوررررر دمي بجد