الموضوع: خلى بالكوم ياجماعة ..حسبى الله و نعم الوكيل

بسو ياجماعة أنا حقول اللى حصل بظبط ولكم انتم الحكم الحكاية انى روحت انا وولدى و حجزت الكورولا والمعرض عبارة عن دورين ودفعت أول دفعة وجة واحد أسمة بخيت و كانت 104500 ألف وولدى كان مراجع عليهم قبل مانروح المهم نزلت معة عشان يعد الفلوس أمامى و روحنا معرض هيونداى جنب معرض تويوتا علطول تبع رمسيس بردة عشان مكنتة العد كانت هناك وعد الفلوس على المكنة و كلة تمام واستلمنا وصل بالفلوس و اتفقنا ان بكرة أنى حاجى بدرى و أدفع المتبقى من الفلوس و اخد العربية و المندوب الأستاذ جرجس و نروح نرخص المهم الساعة 10:45 صباحا كنت فى المعرض و معيا الفلوس قبلنى بخيت وكان جالس على مكتب و جلست أنا على الكرسي المقابل لة و طبعا كنت مراجع الفلوس مرتين مرة باليل قبل مانام و مرة الصبح قبل مروح المعرض المهم جلست و بدأت أطلع باكو باكو وعلى فكرة كانو 50000 ألف عبارة عن عدد 2 باكو ورق 200 كل باكو 100 ورقة و باكو 50 ورقة 200 المهم بدأت أعطيلة أول باكو 100 ورقة ورق 200 وبدأ يعدعلى أيدة بس للاسف لحظت أن طريقة عدة كانت غريبة كانت بيعد بس كان بيعد مش فوق المكتب و دة الطبيعى لأكان بيعد فى مستوي المكتب يعنى أدة مش فوق و لا تحت وطبعا دة طريقة مريبة جدا بس أنا للأسف مخونتش وقلت دة ناس محترمة و فجاءة مش عارف أية الحصل و لقيتة بيقولى الباكو دة ناقص 20 ورقة فوجئت أزاى أخختة و عديدة فعلا كان ناقص 20 ورقة بدأت اعد كلة و ملقتش حاجة و مبقتش عارف أعمل أية و فضلت ألم كل الفلوس ألى فى محفظتى و جيبى عشان أكمل 4000 ألاف جنية وفعلا كملت بالعافية بس كنت فى حالة زي الزفت و حسيت أنى أضربت على قفايا عينى عانك حسبى الله ونعم الوكيل ومش عارف أنا خايف أكون ظلمت الراجل دة مش عارف على كل الأحوال أنا سايب الحكم ليكم ياجماعة

ياباشا ربنا يباركلك في العربية الجديدة

وانسى بقى خلاص وعديها

المشاركة الأصلية كتبت بواسطة m.nasr

حضرتك طالما متأكد من فلوسك يبقى ماكنت تطاوعو ان فى حاجة ناقصة والله اعلم ولو فعلا هو سرقهم ربنا يعوض عليك وماتخليش الموضوع يأثر على فرحتك بالعربية الجديدة نسيت اقولك الف مبروك وربنا يحفظهالك

الله أعلم يمكن ربنا فداك من حاجة وحشة في داهية الفلوس ربنا يعوض عليك

كنت زى الشاطر لو انتا متاكد 100 % تكلم اصحابك واصحاابك يكلموا اصحابك وييتلموا على المعرض دا ويطلعوا عين اهله ولو ماطلعش الفلوس كسروله حاجه ( بس هات شمحطجيه صحححححححححححححححح اهم حاجه مش فرافير ) :)