اقتباس المشاركة الأصلية كتبت بواسطة Ahmed Anwer مشاهدة المشاركة
دي مشكلة الشركات الكبيرة عامة في مصر

لأن احنا اكبر مشاكلنا سوء الإدارة و النظام

و مع كبر الحجم و ارتفاع المبيعات بتكتر المشاكل و تزيد السلبيات و تتلخبط المواعيد

حاجة كده زي فودافون

و علي فكرة مثلا اللي بنقوله علي غبور في مصر

الأخوة في الخليج بيقولوا اضعاف اضعافه علي عبد اللطيف الجميل

من لعب في العربيات و تبديل اكسسوارتها باجزاء تجارية لسوء الصيانة لسوء المواعيد

و مع ذلك بيشتروا منه

لأن دايما الإختيار ما بين شركة كبيرة تضمن توافر قطع الغيار و مراكز صيانة منتشرة

و انتشار سيارات مريح لإعادة البيع و ضمان مضمون و حقيقي

مع خدمة غير متميزة او راقية

او شركة صغيرة هتبعت تجيبلك قطعة الغيار بالدي اتش ال و مركز صيانة وحيد او اتنين

و بدون انتشار لسياراتها يخليك تحت رحمة الوكيل و ضمان علي ما تفرج عشان انتا وحيد مع كام زبون

و في المقابل فضي و روقان و خدمة متميزة

بالإضافة إن مع كتر عدد العملاء ،، الفضايح و الكلام بيكتر ،،

شوفي في عيلتك او شارعك فيه كام عربية هيونداي ،، و في المقابل كام عربية من اي ماركة تانية

و الصراحة هما غبور بيحاولوا يتحسنوا و بيحاولوا مايمشوش الزبون زعلان و ضمانهم حقيقي

ينقصهم تماما مراجعة الجودة و المفروض تكون خبرتهم بعربياتهم اكبر مع كل هذا العدد

و طبعا الزحمة

عموما ربنا يباركلك في عربيتك و يجعلها اخر الأحزان

و علي فكرة متخفيش خالص انك تظلميهم و قولي رأيك بكل صراحة

اصل هما مش مظلومين خالص ،،، هما هيبيعوا اكتر من كده ايه ؟؟؟؟

كلام مظبوط 100% و أحييك عليه يا أحمد باشا.. يا جماعة العربية اللي بييجي منها مصر عشرة وواحدة بس تعمل مشكلة هيا هيا زي العربية اللي بييجي منها ألف و يبوظ منها 100...
و الناس اللي بتخدم 100 ألف و لا 200 ألف عربية أكيد برضو هيعانوا من مشاكلنا المزمنة في مصر من عدم وجود نظام و اللي موجود في كل حتة و كل شركة... بس هيكون ظاهر عندهم أكتر لإنهم بيتعاملوا مع ناس أكتر و بيصونوا عربيات أكتر.
ماهو أكيد عربية كل اللي موجود منها 100 ولا 200 توكيلها هيكون فاضي و رايق و الدنيا جميلة و المعاملة متغلفة بالسوليفان بس إتفرج على إنتشار مراكز الخدمة و توافر قطع الغيار بجد ...
يا جماعة لو بصينا بحيادية لجودة سيارات هيونداي (بشهادة العالم كله) و توافر مراكز الخدمة في كل حته و كمان قطع الغيار و توكيلها اللي يعتبر قوي فعلاً و بيحاول يلم المسألة اللي وسعت جامد(30% من السوق السنة اللي فاتت و العهدة على إعلانات غبور) في إطار معقول و دي شهادة له و للعربية، أنا شايف إنه سيارات هيونداي في مصر بتقدم Good Value for Money