استطلاع للفتيس الاتوماتيك ؟؟

**amrelsaqqa** · 19-01-2013 11:59 PM

المشاركة الأصلية كتبت بواسطة rafe3_dent

عايز اعرف ايه الضرر لو جبت الـ n والعربية ماشية ؟؟؟

على سبيل المعرفة يعني......

هو مش ضرر للعربية ، خطر للسواقة مش اكتر
يعنى بتبقى العربية سايبة مش محكومة والفرامل بتبقى اضعف عشان الموتور ما بيساعدهاش

زي التموير على سرعة عالية في المانيوال برضه ..

**medo99_pc** · 22-01-2013 03:39 PM

وغير كده اعتقد كمان بتاكل بنزين اكتر لو وقفت علي ال دي

يعني باختصار هات ال ان بعد ما العربية تقف تماما.

وتوكل علي الله.

**Rsarabia** · 22-01-2013 04:06 PM

بدون تفكير لو لقيت الحركة هتطول بفصل الفتيس و اريحه
و لو العربية واقفة بدون فرامل اوكى لقيتها هتتحرك برفع فرامل اليد رفعة خفيفة

**sanhory** · 22-01-2013 04:32 PM

انا بمور علطول في اي اشارة او اي وقفة و مش عشان الموتور ولا الفتيس لانهم معمولين لكده
عشان الكبالن الداخلية لان الحمل كله بيبقى عليها و الحركة دي بتخليها تبوظ بسرعة و بحصل فيها بوش و اللي بيسبب الرعشة الشهيرة بتاعة الكبالن الداخلية من سرعة 40 ل 60 و عشان كده بنلاقي العربيات الاتو عرضة اكتر لتلف الكبالن الداخلية
دا رائي والله اعلم

**MohammedAladel** · 12-08-2013 02:10 PM

فى أى أشارة بجيب على n على طول بمجرد ما أقف

بالنسبة لأنك تجيب n وانت ماشى خطورتها فى أن الفرامل هتبذل مجهود أكبر عشان توقف العربية لأنك كدا فقدت قوة إيقاف المحرك المساعدة

الأخطر أنك ترجع من n ل d والعربية ماشية لأن الموتور بيبقى بطئ والعربية واخدة سرعتها فانت بترجع التعشيق

هيحصل تصادم عنيف خطر على الفتيس وعلى الموتور

عشان كدا حتى لو جبت على n وانت ماشى استنى لما تقف خالص العربية وبعدين هات على d تانى

**Sh_sunsea** · 12-08-2013 02:17 PM

المشاركة الأصلية كتبت بواسطة mohammedaladel

فى أى أشارة بجيب على n على طول بمجرد ما أقف

بالنسبة لأنك تجيب n وانت ماشى خطورتها فى أن الفرامل هتبذل مجهود أكبر عشان توقف العربية لأنك كدا فقدت قوة إيقاف المحرك المساعدة

الأخطر أنك ترجع من n ل d والعربية ماشية لأن الموتور بيبقى بطئ والعربية واخدة سرعتها فانت بترجع التعشيق

هيحصل تصادم عنيف خطر على الفتيس وعلى الموتور

عشان كدا حتى لو جبت على n وانت ماشى استنى لما تقف خالص العربية وبعدين هات على d تانى

في نقطة الرجوع من n الى d أثناء الحركة - مش بحس بمشكلة طالما بعملها بدون ما اضغط بنزين - بلاقي العربية بتتعامل بهدوم لمدة ثانيتين وكأنها نازلة من الرابع للثالث للثاني - لحد ما توصل للنقلة المناسبة للسرعة وبعدين تثبت - في ثانيتين تقريبا - وبعدها برجع أضغط بنزين

برجاء النصيحة برضه لو كده غلط علشان محاولش أكررها كتير

**MohammedAladel** · 12-08-2013 02:27 PM

كدا غلط طبعا وأنا وضحت ليه .... وهتبوظ قاعدة الفتيس بسرعة

النقل بين ال d و r من على وضع n لازم تكون العربية واقفة

بس عشان الفتيس الاوتو بمحول عزم مش هتحس قوى بس غلط

لأن الموتور سرعته بطيئة

وانت بتعشق على سرعة عالية