اسود الاوتوماتك اجمع

**Nistelrooy** · 15-12-2010 10:10 PM

المشاركة الأصلية كتبت بواسطة mido_soliman

انا كنت زيك لحد امبارح يا سامح
وكنت راجع من الشغل وماشى فى اكتوبر قلت اجرب
مش عايز اقولك احساس خرافى انك تبقى ماشى 60-70 على الرابع وتجيب تالت
بصراحة انا نزلت الموضوع علشان اشوف الناس جربوا ولا لاء خصوصا انى شايفة اريح من الكيك اللى بيبقى مفاجىء للفتيس ومفيهوش كمان اى ديلاى زى ما بيبقى فى الكيك ديلاى بسيط خصوصا لو عملتة على سرعة قليلة

يعني انا لو ماشي من سرعة كام لكام .. اقدر ارجع واجيب التالت .. وامتي ارجع للـ D تاني ومافيش خطر ع الفتيس ؟

اصلك شوقتني اني اجربها

**sayed911** · 15-12-2010 10:36 PM

طيب معلش وسؤال اضافي بقى معلش والتجارب هيا اللي ها تحكم هل الإنتقال من وضع الـ d لوضع الـ n والعربية متحركة ليه تأثير على عمر الفتيس ؟؟؟؟ لأنه فيه سببين انا متأكد انهم بيحصلوا وبشدة ... الفرامل بتبقى اتقل سنة بسيطة مع العربية على وضع الـ n يعني وانا ماشي بفرمل على الـ n اتقل من اني ابقى ماشي وافرمل على الـ d ... يبقى معنى كده لو انا ماشي الـ الـ d وجبت الثالث ها اسقط نقلة مش ها تبقى هية هية قكرة الكيك داون الا انني انا بس اللي ها اتحكم في معاد النقلة وده المعتاد في عربيات بروتون من حيث اني لو في كيك داون ورفعت رجلي بسرعة ها تنقلالعربية للترس الأكبر على طول !!!!!

- في تجربة انا عملتها في مرة يمكن تفيد ..
من وضع الثبات حطيت الـ l وكبست بنزين حتى وصلت للسرعة المناسبة للإنتقال للترس الأعلى ولكن مشلتش رجلي من على البنزين وحطيت 2 ورجلي على البنزين العربية منقلتش غير لما رفعت رجلي لثانية من على البنزين ويكأنها تحولت الى عربية مانيوال تماما كأنها كانت مستنية فصل التروس ( الدبرياج ) عشان تنتقل للترس الأكبر وده اللي خلاني استغرب انه في اللانسر وانا كابس بنزين ونقل الفتيس العربية ها تنقل على الترس اللي بعدوا من غير ما اطر اشيل رجلي .... دي يمكت تساعد في حتة الـ d & 3

**mohamedtahaab** · 15-12-2010 11:15 PM

المشاركة الأصلية كتبت بواسطة Nistelrooy

صدق او لا تصدق لم استخدم الا الـ d وماجتش جنب الاول ولا التاني ولا التالت طول الفترة دي ..
وبستخدم الكيك داون عاداً لما اكون عايز اطلع من حد

الحمد لله لقيت واحد مثلي, انا بألى اربعة سنوات بسوق اوتوماتيك ولم استخدم الاd ,انا كنت فاكر ان ال 1,2,3بتستخدم فى الصعود فى الاماكن المرتفعة والاراض الملساء ( هما الى الولى

) , ومن فضلوكم وبراحة على ممكن حد يشرح يعنى ايه كيك دون ,ومتى يمكن استخدام ال 1,2,3 شاكر جدااااااااااااااااااااااا اااا

**Ralliart** · 15-12-2010 11:45 PM

كان في موضوع زمان في المنتدى وفيه مناقشه عن الافضل ووصلت بعد بحث كتير ان الكيك داون احسن من d3 وان الـ1-2-3 معمولين للنقل صعوداً مش نزولاً ولو لاحظت في اللانسر مثلاً(معرفش نظام البروتون) لما بتيجي تسقط لازم تدوس على الزرار بتاع الفتيس مينفعش تزق الفتيس لتحت انما لو متحرك صعوداً هتزق الفتيس من غير زرار هيطلع على طول ودا دليل ان النقله دي غلط
دا غير ان المانيوال مكتوب فيه موضوع استخدام الكيك داون لتسقيط النقلات والتسارع المفاجئ ومجابوش سيرة اني اسقط الفتيس لتحت!
وطبعاً الكيك داون آمن لان الكنترول يونت بياخد الامر ويشوف الحل الافضل للعربيه ويعمله (وده مكتوب في المنيوال وعمره ما هيضر العربيه) انما لما تجبره على النزول ممكن تضر الفتيس طبعاً

*المانيوال اللي بتكلم عليه بتاع اللانسر بفتيس INVECS ii اللي هو بيتحط في بروتون

**Ralliart** · 15-12-2010 11:51 PM

المشاركة الأصلية كتبت بواسطة sayed911

طيب معلش وسؤال اضافي بقى معلش والتجارب هيا اللي ها تحكم هل الإنتقال من وضع الـ d لوضع الـ n والعربية متحركة ليه تأثير على عمر الفتيس ؟؟؟؟

ايوه ليه تأثير على عمر الفتيس ومكتوب في المانيوال انك تحاول تقلل بقدر الامكان من المسافه اللي بتحرك فيها العربيه على الـn حتى لما تيجي تقطرها غلط تشدها اكتر من 3كيلو
وفي ناس كتير فنيين اوتوماتيك اكدولي المعلومه دي
متستخدمش الـn غير لو هتقف في اشاره مثلاً او هتركن وتسيب العربيه دايره او هتركن صف تاني

**sayed911** · 16-12-2010 12:12 AM

طيب بالنسبة حضرتك لأني بسيب العربية الـ n اصلا عشان بحب انها تكون على وضع المور .... !!! + على فكرة يا اخي الفتيس الخاص ببروتون برضوا لا يمكن تنزيله لتحت الا بزرار ولكن ده للنقلة الـ 1 - 2 ولكن من الـ d الى 3 اعمل اللي انتى عايزوا ... ومعنى كده انو طول ما انا ماشي منقلش نهائيا للـ n دي خالص ..... ومتشكر جدا لحضرتك على الإفادة ومنتظر رد حضرتك ...

**SALAHHAKIM** · 16-12-2010 01:30 AM

السلام عليكم
كان نفسى اشترك لكنى مانيوال

**alarabiya11** · 16-12-2010 03:22 AM

هو بس الا انا اعرفه ان فى الفتيس الاتوماتيك النقلع الفوجائية مضره على التروس

وبصراحة الفلتر الاسبور بيجمع معايا من 20 الى 80 على 5 اربى ام فى 4 ثوانى

بس الشقى شوية الوصول 120 مش بسرعة زى ما انا عاوز عشان كده بفكر اغير المنفولد hotbits 4-2-1 a شكمان كامل وركب جهاز يفك ECU من ماركات محترمه زى e-mange greddy او smt8 u

واعتقادى الحدوته دى سوف تعطينى من 0 الى 100 فى 8 ثوانى الى 10 ثوانى

بس التكلفة حوالى 5000 جنيه

**tutankhamoun** · 16-12-2010 09:48 AM

خطأ تماما تغيير النقلة في الفتيس الأوتوماتيك في البروتون و هي متحركة

النقل فقط لما تكون العربية واقفة

الكيك داون - تعجيل السرعة - طبعا أفضل بمراحل و هو ده اللي بروتون شرحته في كتيب الأستخدام
شوفوا كدا الصور دي

الحركة من الغيار ( دي ) أو 3 أو 2 ..... أو أي غيار فيه حركة نثبت عليها لغاية ما نقف و بعدين نغير .
الصور دي هاتبين أن الحركة بالأسهم السوداء غير مسموحة

الصورة دي هابين أن وضع التعجيل - الكيك داون - هو الأفضل

الخلاصة

من الخطأ تغيير عصا السرعات في حالة أن السيارة في حركة
و عند الحاجة إلى سرعة أكبر يُفضل أستخدام وضع التعجيل أو الكيك داون

**mido_soliman** · 16-12-2010 12:56 PM

اخى الكريم الاستاذ توت
الصورة الاولى لتوضيح فقط الحالات المسموحة لتحريك زراع ناقل الحركة الاوتوماتيكى دون الحاجة لضغط قفل ناقل الحركة (الزرار اللى فى النص )ولم يتطرق من قريب او من بعيد انى لما ابقى ماشى على ال D وجايب رابع وعايز تسارع اكبر وجيبت 3 يبقى غلط
الصورة التانية كلمة دون الحاجة مش معناها انة مش مستحب ولكن هوة بيقولك اعمل كيك داون اسهل من انك تنقل الغيار لكن بردة مزكرش ان فى اى مشكلة انى ابقى ماشى على الd وانقل على 3
دة غير انى بيتهيالى كمان ان لو كان فى اى موانع للنقل من ال d الى 3 او 2 او 1 اثناء الحركة كان من باب اولى انة يشغلى زرار قفل زى بالظبط ما انا مقدرش انقل من الr الى P او العكس الا وانا فى حالة سكون وضاغط على زرار القفل
المناقشة الغرض منها اكتساب الخبرات من الجميع وتوضيح
وانا من هنا عايز الكل يجرب ولو مرة واحدة ويعطينى انطباعة وحسرد تجربتى اللى كانت مرة واحدة بردة بس جربوا مش حتخسروا حاجة علشان وجة نظرى توصل
امشى عادى جدا عى الd والعربية بتنقل طبيعى وليكن على 2.5 لحد ما تجيب الرابع بالطريقة دى وتبقى على سرعة من 60-80 وشيل رجلك من على البنزين وادى تالت حتلاحظ ان الار بى ام حيعلى معاك وحيعدى ال 3 تقريبا 3200 -3400 كل دة قبل ما تزود بنزين تانى وبعد ما تنقل النقلة وتلاقى الار بى ام على زود بنزين (بس مش كتير ) انت حتلاحظ الفرق واول ما توصل للتسارع اللى انت عايزة شيل رجلك وهات ال D حتلاقى العربية نقلت بكل سلاسة وسهولة
انا مقتنع على الرغم ان معنديش اساس علمى لتانى مرة ان الحركة دى مش مضرة بالعكس دى احسن من الكيك على السرعات القليلة والله اعلى واعلم
تحياتى للجميع

الموضوع: اسود الاوتوماتك اجمع

LinkBack

أدوات الموضوع

عرض

-

-

-

-

-

-

المواضيع المتشابهه

لون اسود بالشكمان من الداخل (هباب اسود) فيرنا 2011

ركن الـ Pc Gamers ــاا اجمع هنا :)

وحوش الرينو اجمع

ينفع اجمع لاب توب ؟؟؟

عايز اجمع جهاز pc

الكلمات الدلالية لهذا الموضوع

المفضلات

المفضلات

ضوابط المشاركة