عايزة الصراحة .... الستات ليها طلعات مالهاش أي لازمة ... مثلا أبقى راجع من 18 يوم شغل و سفر و أول ما أدخل البيت تقولي عايزين لبن عشان مريم و اللبن خلص مع ان السوبرماركت تحت البيت و معاها فلوس و التلفون شغال و الدليفري موجود .... و دي حاجة أخدت وقت لحد ما ظبطها ...
علشان بس انت بعيد عنها عاوزة تحس انك بتجيبلها طلباتها زي اي زوجة عاوزة تدلع عليك شوية
حاجة تانية : جايب بوكيه ورد و شمع و هدية و بظبط غدا و مبسوط و مروق تقولي ليه ورد ب 85 جنيه ؟ طيب ينفع ترجعه و تاخد الفلوس .... مش دي حاجة تنرفز برضه ؟
هيا بس صعب عليها فلوسك وان هيا كلفتك علشان تقول لها انت مش خسارة فيكي فلوس الدنيا
حاجة كمان :: آخر الشهر و مفلس و تبصي تلاقي طلبات ممكن تتأجل كمان 5 سنين و تقولك عايزيها دلوقتي ... و لا عايزة أخرج و نروح سينما ... طب ازاي و أنا مفلس ؟ هوه ده وقته يعني ؟
لازم تشركها معاك في مشاكلك المادية و تعرفها ظروفك كويس علشان تحس بيك
حاجة كمان : الواحد يبقى دماغه مقلوبه و فيه مصيبة في الشغل و قاعد بفكر في حل ليها ... ألاقي المدام تقولي ما تيجي ننزل نزور مش عارف مين ؟ ... و تلاقيها تزن كده في حاجات مفيش أي داعي ليها ..... طيب ماتسيبني في المصيبة اللي أنا فيها و بعدين نبقى نشوف هيه عاية ايه ...
بتحاول تخرجك من اللي انت فيه بس انت ما فهمتهاش
كمان : دايما المقارنة بينها و بين والدتي و اخواتي الستات .... تقولي لمين انتي حاجة و همه حاجة مفيش فايدة ..
دي طبيعة الستات الغيرة من بعض وما نقدرش نبطلها ابدا
كمان والدتها ليها تأثير غريب جدا و قوي جدا عليها ......
طبيعي مش مامتها
بس تلقائيا حبة حبة الموضوع دة هيقل مع مرور السنين
دي طبعا مشاكل موجودة في كل بيت و كل الستات و كل الرجالة ... الفرق بيكون في طريقة التعامل من الراجل مع كل الحاجات دي .... بس بجد
انتوا عايزين حاوي عشان يقدر يعيش معاكم
انت من الاخر اتحسدت يا مزاجنجي
الرجالة والستات حسدوك
وبلاش تقول كدة تاني احسن تشمت رجالة المنتدى فيك
المفضلات