الموضوع: انا بجد زهقت من الرينجات

ميكي انت برنس بجد
وميزو الكس استاذ بمعنى الكلمه
احييكم وارفع لكم القبعة على روحكم المعنويه الحلوة ودمكم الخفيف

تسلم ياباشا وربنا يخليك

بالنسبه للشريط اللي انت عامله تحت بس ياريت يا ميكي بدل ماتعمل شريط ليدات اعمل من نفس البلاستك الاكريلك دا بس اعمل الرفيع 8 مم هايبقى اشيك كدا زي ماقلك ميزو هاتبقى جامده جدا (كانها لمبة نيون بص صغيره ورفيعه) وممكن تركب ليد في النص( بس اما تيجي تركبه تخلي ظهر التوصيلات لورا وتجيب شريط لحام رفيع وتلزقه في ظهرها بالطول ممكن اسود وممكن سيلفر عشان يبقى عاكس وعشان تثبت اللحامات والاسلاك تحت الشريط) عشان هاتبقى حتت الاكريلك طويله دا لو لقيت الاضاءة ضعيفه في النص

ان شاء الله احاول اعمل فكره ميسو بس لقيت حاجه كده انهارده حسأل عليها في سوق الكهرباء ان شاء الله
حقول عليها
بس انا عندي سؤال ممكن يكون عبيط بس انا عارف اجابته وشاكك فعايز اتاكد
هو الوش الكرستال او الفانوس الكرستال دا بيبقى زجاج شفاف و كلير مافهوش النغمشه والتقسيمات بيبقى عامل زي لوح الزجاج العادي بتاع المكاتب والشبابيك من غير النقشات هو دا بالمقصود بيه ؟
هوا الوش الكريستال ده المقصود بيه الي انتا قلته بيبقي فيه لمعه من جوه والازاز بره شفاف خالص وده بيدي قوه اضاءه افضل
طب هو مش ممكن يتباع كوش بس للفانوس الاوريجنال ؟
معتقدش الوشوش بتتباع ممكن تلاقي الفانوس كله كرستال انما الوش بس لا
لو كدا يتباع فين ؟

طب لو مافيش ممكن اصبه او اعمله عموله ينفع الكلام دا ولا ايه ؟وفين لو ينفع يتصبوا؟
فيه طبعا شركات كتير بتصب
بس المشكله في الخامات اللي بيشتغلوا بيها بتكون رديئه فالفانوس بعد ما تركب بيصفر بعد فتره
ودي مشكلته
ده غير انه مبيكونش في نقاء الاصلي لان غالبا الاصلي بيكون اكلريك نفس ماده الرينجات

انا لحظت ملاحظه مش عارف بقى انا يمكن سقطت حاجه في النص ولا ايه المهم الملاحظه ان الانبوبه او المواسير الاكريلك دي بتبقى عامله زي اللزق بتاع مسدس الشمع بس شفافة وصلبه مش طريه او مرنه مزبوط؟
مزبوط كلامك

ومافيهاش نغمشه
صافيه تماما
انا ملاحظ ان فيها عندك شرط او قطعيات داير مايدور هي دي اللي قصدك انك عملتها بالاركتكت مزبوط كدا ؟
تمام
طب ايه فايدت الشرط دي هل انها بتعكس الضوء ولا حاجه تانيه؟
اه بتحدد الضوء وتساعد علي انعكاسه وتقويه الاضاءه جوه الرينج
وبتعملها كحز على الوش ولا عمق التشريط دا قد ايه؟
حز فقط مجرد تشريط خفيف لحد ما يبان شكل دايره كامله من الناحيه التانيه
بالمناسبه كمان انت ثبتهم بايه بالزبط مالقتش العجينه السحرية دي اصل اول مره اسمع عنهم ؟
انا اشتغلت كله مسدس شمع وبعد كده قفلت في النهايه بالماده اللي بتتخلط علي بعض دي وفعلا مسكوا جامد جدا
رميتهم في الارض موقعوش

اعرف اللي انت بتكلم عليها المادتين اللي بيلزقوا في الايد كانك مسيح بلاستك ولا فبر وحطيت ايدك فيهم هي دي اللي انت استخدمتها ؟
لا ياباشا الماده اللي استخدمتها انبوبتين كده بيتباعوا مع بعض واحده جواها سائل ابيض والتاني اسود بيتحطوا علي بعض ويتخلطوا وتلزق بيها
كنت حستخدمها في كله بس كانت مقرفه جدا في خلطها وبتاخد وقت طويل عشان تنشف

بالمناسبة انت سو فاني ياميكي

ياباشا ربنا يكرمك حطلب من المنتدي تغيير اسمي بقي علي مسؤليتك

الفروع للشركه

مصر الجديدة:
١٥ شارع منشية البكرى.
ت: 25414052
محمول: 5127380-010

عابدين:
١٩ عطفة الشيخ سليمان متفرع من شارع الشيخ ريحان.
ت: 23909279
محمول: 6745839 – 010

إمبابة
٣٤ شارع الوحدة
ت: 33141181

الهرم
٤٦٧ شارع الأهرام بجوار فندق موفى مون (ليدو سابقاً). ت/ 35690594

شبرا
١٤ شارع شيبان من شارع شبرا – ناصية جامع الخازندار
ت: 22041523

مدينة نصر
١٦ شارع محمد حسن الجمل من شارع عباس العقاد.
ت: 26718596
محمول: 4727304 – 010

الزقازيق
٢ شارع مجاهد أبوالدهب متفرع من شارع النقراشى – بجوار قهوة البورصة التجارية
ت: 2264687 – 055

محمول: 4908092 – 010
الإسكندرية:
٤٧ شارع الشموس – الباب الجديد – محرم بك.
ت: 4940873 – 03
محمول: 3056736 – 010

المنصورة:
٦ ش الشريف الراضى ناصية ش بن حذيفة - توريل، أمام المحافظة
ت: 2324234 – 050
محمول: 5785093 – 010

طنطا:
٧ شارع الجندى متفرع من شارع عمر بن عبد العزيز
ت: 3316377 – 040
محمول: 7534357 – 012

دمياط:
تقسيم المعلمين، أمام قسم ثانى بجوار أبو صير للأثاث
محمول: 1399876 – 016

الشرقاوية
شارع ترعة الشرقاوية – سوق الزجاج – الشرقاوية
محمول/ 1399876 – 0

السعر 12 جنيه 10 مم
8 جنيه 8 مم

المواعيد من 10 صباحا ل7 مساءا
عدا الاحد