الموضوع: انا بجد زهقت من الرينجات

المشاركة الأصلية كتبت بواسطة funnymickey

العربيه لانسر كريستاله
بس شغال في فوانيس معدله

ومعلش بقي سؤال غبي شويه

المشاركة الأصلية كتبت بواسطة funnymickey

حموت واعرف ايه الباد بوي اللي انتا حتعمله ده
دي مكنه شتيمه يعني ولا ايه
مالعيال الصايعه ماليه الشوارع
خدلك واحد ركبه في الاكصدام

أييي.. على فكرة يا كابتن أنت بتضرب تحت الكبود و كده مش كويس ...
هههههه ،
، بص على العربية بتاعتي في التوقيع على الفوانيس و أنت تعرف الباد بوي ..
و ربنا يبارك في عربيتك يا باشا

المشاركة الأصلية كتبت بواسطة caboo_1

هو انت يا سمسم عامل رموش الفانوس ديه لزق ولا فيبر
ولو فبر اتكلفت كام

أنا كنت محظوط أوي يا باشا في شراها ،، كنت بدور على شبكة شاهين من قدام ،، في عزبة سعد ،و لقيت واحد في محل بتاع أكسسوارات فيه حاجات بتاعت ديفيل و طارات و كده ،، ركن بعربية شاهين متسقطلها عفشة و جنوط شكلها جامد و بتاع ،، و داخل المحل بتاع الأكسسوارات ده ،، و ماسك معاه الشبكة دي ...
طلعت اجري عليه قلتله كابتن عايز تبيع ؟!!

راح بصلي كده ،، و قاللي ماشي على 250 ،، و أنا طبعاً عارف السعر بتاع البشكة بس ،، أصلاً كله على بعضه ميكملش 50 جنيه ،، رحت قلتله ،، والله أنا مش تاجر ولا حروح أبيعها ،، انا حاخدها منك أحطها في عربيتي ،، و ادي عربيتي أهيه .. و شاوريتله على عربية شاهين راكنة على الصف التاني ،، و مكنتش أعرفها أساساً ،، لأن عربيتي كانت راكنه بعيد...
راح قاللي طيب والله عشان خاطرك و عشان كده أنا حديهالك ب 180 بس والله ... و ده أخري أنا مكلفاني120 جنيه بالأمانة ،، قلتله بص معيش غير 150 جنب أهمم ،، خدهم و قشطة عليك و عليا ...

أخدهم و مشى و أنا أخدنها و مشيت ،، كان فيها شوية خرابيش و لونها كان أسود عادي ،، و بهتان كده ،، بس خامتها كانت من نفس خامة الصدر اللي بيتباع برخيض ده ،، اللي هو طري أوي ده ،، و الرموش نفسها كانت صلبة ،، و طلعه من الصدر نفسه ،، بسسسس أيييه غلبتت أهههلللللللي على محطتها،، اتاريني نسيت أسأله بيربطها ازاي ،، و أتيره أصلاً الحتت بتاعت المسامير بتاعته أتكسرت ..

أبويا جاب اللزق الهندي ده ،، و قعد يبدع مع نفسه ،، معرفش عمل أيه ،، تقريباً كسر من الصدر القديم و حط في الجديد الحتت بتاعت المسامير..
و أخدتها لواحد بتاع دوكو ورانا ،، و كان يعرف زاحد جارنا قوي ،، و كان طيب الله يرحمه ،، قالله يا حوده أتوصى بحسام ،، قلتله عايز أرشها أسود مط ،، أتصرفلي فيها ،،

قاللي ماشي ،، دخل الورشة قعد 5 دقايق ،، طلع بالباغة دي مرشوشة مط مط يعني مش هزار

جيت أحاسبه مرضاش ،، نبهني هوا أن البوية الط لسه منشفتش ،، و قاللي أمسكها من تحت ،، و بالفعل على ما مشيت من الراجل ده للعربية عند البيت كانت نشفت شوية ،، سيبتها في دخلة السلم شوية و رحت جبت حاجات و جيت ركبتها على طول ،، و برضه مش عارف أركبها,, ويدتها لكهرباشي عشان يركبها ،، و أخد 5 جنيه الراجل الطيب ...

بس دي حكايتي معاها ،،

بس و للأسسسف ،، مكملتش معايا .. شهر ولا أقل ،، و البتاعه دي طاارت كلها في حادث ألييم :((
وأخ\ت الخبطة من هنا ،، و طارات ،، واحدة ملقتهاش و التانية أنفصلت برضه عن الصدر بتاع العربية و أتقصمت نصين ،، بس خامتها كانت شبه الفاير ،، بس ناشفة ،، مش طرية ،، يعني الصدر بتاع العربية ،، فيبر هو كمان ،، بس متكسرش زيها ،،

دي تقريباً بلاستيك او فيبر ناشف ،، لأنها أتقطمت

بس هي بتعمل فيبر يا كابو .. أما أنا حعملها كارتوون :)) حفهمك بعدين لما الفكرة تتم أن شاء الله ....
معلش طولت عليك .. بس دي حكايتي مع الباد بوي دي ،،

بالمناسبة دي صور عربيتي بعد الحادثة :((

ده لينك الصور عامةً على الفايس Login | Facebook

ودي الصور






ربنا يكفيكم شر الحوادث ،،

بالمناسبة يا كابو ،، الصورة بتاعت التوقيع بتاعتي ،، أنا عاملها فوتو شوب ،، عشان أعملها زي مكانت معمولة قبل متتكسر ،، لأني حتى ملحقتش أتهنى و أتصور بيها

:(((