الموضوع: بعد كتر مشكلة التنتيش.. مناقشة تركيب فلتر بنزين اضافي للماروتي

المشاركة الأصلية كتبت بواسطة sab3aawy

بعض الاضافات السريعة

التجربة خير برهان فيما يتعلق بحدوث نتشة من عدمه لكن فيما يتعلق بالتأثير على السحب الموضوع لا يحتاج لتجربة، نظريا لا يوجد تأثير، عموما حتى الناس اللى جربت وضع فلتر آخر افادت بأنه لا توجد نتشة

الفلتر يشكل حمل ولو بسيط حتى لو كان سالك، جرب انفخ فى فلتر سالك وانفخ فى ماسورة نفس طول الفلتر وشوف الفرق

تمام التمام
كده في معانا ناس مجربه وبالتالي انا هجرب باذن الله وهعمله بإيدي وهوافيكم برضو بالنتايج...

طبعا الفلتر له مقاومه اعلى وبالذات لو كان مسدود
احييك يا بشمهندس وفي انتظار المقابله باذن الله....

المشاركة الأصلية كتبت بواسطة lord.adel

متابع..... حكايات الفلتر بنزين دة ونشوف هنوصل ليه وافضل واحد بكااااااااااام ياباني ولا تايواني ولا مصري...((:

ياباشا اتضحت الرؤيه
ابو جنه عامل الموضوع وشغال معاه فل وبالتالي انا هحاول اعمل الموضوع ده النهارده وربنا ييسر الاحوال

بالنسبه للنوع
انا رأيي ان الاساسيي يكون ياباني وان التاني يكون التايواني لان الحمل عليه اقل بكتير

عموما الاصلي برضو أصلي وبالتالي انتا مش هتغير الاصلي حاليا وانما كل اللي هيتعمل انك هتركب واحد قدام تايواني او مصري وخلص الموضوع على كده

انا مش عارف لو عايز اجيب خرطوم للبنزين ينفع من عند السباك واجيبله افيز من عنده برضو واعملها انا دلوقتي؟؟؟ ولا أجيب الخراطيم منين؟؟

العائد الوحيد هوا الحفاظ على الكربيراتير من الشوائب
وبالتالي عمر اطول ليه
كمان هوا كدلاله على كفاءة الفلتر الاولاني
لانه لو سئ هتوصل وساخات للفلتر الامامي