الموضوع: مخالفت المرور !!!

و عاوز أضيف على سؤالك هو القانون يقصد لو الرخصة مش معاك في جيبك ولا مفيش معاك رخصة أصلا

لأن مش معقولة يحبسك ست شهور علشان كنت نازل الصبح مستعجل ونسيت المحفظة !!!!!!!!! ولا ايه ؟

اولا الظابط اللي اداك ال 50 جنيه ده محترم
لأن في حاله عدم وجود رخصه السياره من حقه ياخدك للقسم للتحري عن السياره
افرض انت سارقها هيعرف هو منين بقي
وياريت ماتنساش الرخصه تاني سيبها في العربيه مدام انت بتنساها كتير كده

السلام عليكم و رحمة الله و بركاته

الحمد لله , أن ربنا سبحانه و تعالى ستر المرة دى .

بس الأحسن أن عمرك ماتركب العربية الا و أنت معاك كل الرخص , عشان ماتسيبش فرصة لأنك تبقى تحت رحمة حد و لا تخلى واحد مايسواش , يمسك عليك غلطة لأن الناس دول فيهم ناقصين كتير و ممكن تقع فى ايد واحد منهم , لو مسك عليك غلطة, هيبيع و يشترى فيك و خاصة لو كان معاك عيلتك أو زوجتك أو خطيبتك, أكيد شكلها مش هيبقى ظريف خالص .

و ربنا يسلملك طريقك أنت و كل المسلمين

غالبا المقصود هو ترخيص السير يعني رخصة القيادة لانك لو ماشي بالعربية من غير الرخصة بتاعة تسيير المركبة (زي ما في المرور بيسموها)ممكن يسحب العربية منك وتتحول للمرور

المشاركة الأصلية كتبت بواسطة krooota

هو فعلا راجل محترم لأنه لما اديتله الفلوس اديتهاله ومشيت وسبت الوصل لأنى معرفش انى
باخد الوصل لقيته قالى الوصل يا استاذ انت مش دافع فلوس !!!!!!!

المقصود هو إن العربية مايكونش ليها ملف ومش مترخصة من اساسه. الخطر اللي بتقع فيه وإنت ناسي الرخص إن كل كمين يوقفك يستعلم عن العربية بالاسلكي ( مش من حقه يسحب العربية أو ياخدك علي القسم ) لو فيه بلاغات سرقة أو هروب من كمين عليها.
الخمسين جنيه دول كانوا قرصة ودن, عشان هو مجرد مايستعلم عن العربية المفروض يمشيك.

المشاركة الأصلية كتبت بواسطة krooota

انا أولا العربية اللى كنت راكبها معاقين ومكتوب فى الرخصة بتاعتها لا يقودها الا مالكها و حظر جمارك و مجهزة طبيا ولأنه لو شاف الرخصة دى كان هيسحب منى العربية وتروح بورسعيد وأروح اطلعها وادفع 3000 جنيه بس انا فعلا كنت ناسيها لأنى عارف ان الطريق دع مبيقفش عليه حملات لأنى بمشى عليه كل يوم بالعربية مبلاقيش حاجة !
بس لو انا سايق العربية بتوكيل من مالكها . فى غرامة فى الموضوع ده ؟

انا حقوللك على اللي مفروض يتعمل:
غير كده بيبقى استثناء من الضابط

عدم حمل رخصة قيادة:

بتتسحب رخصة العربية ولو مش معاك رخصة العربية بتتسحب العربية كلها، وعشان تروح تجيب الرخصة أو تفرج عن العربية لازم بيتعمل محضر وتتعرض على النيابة. في الحالة دي لو انت معاك رخصة سارية وكنت ناسيها حيفرج عنكم سواء بغرامة أو بدون حسب تقديره. ولو مش معاك رخصة قياده حتتعمل قضية وتتحول للمحكمة والمحكمة هي اللي تفصل في الموضوع سواء بالغرامة أو الحبس أو كليهما.

عدم حمل رخصة السيارة:

تسحب رخصة القيادة و تتحجز السيارة ، وعشان تخرجها لازم تتعرض على النيابة

سيارات المعاقين لا يقودها الا صاحبها المعاق فقط ومينفعش يتعمل أي توكيل حتى لأقارب الدرجة الاولى


ملحوظة : على ما اتذكر ان العربية اللي بتتمسك وقائدها لا يحمل رخصة قياده أو رخصته منتهية بيتوقف ترخيصها لمدة 3 شهور

والله أعلم