(:@:) كلمة ونص-26-3-2008

**sab3aawy** · 26-03-2008 09:08 AM

اسير فى الشارع فى احدى المناطق المزدحمة راكبا سيارتى(ريجاتا 85 ، كما انها نبيتى) وشعورا بالبهوية الفارغة قد اكسبته لى هذة القطعة من الصاج التى اجلس داخلها ناظرا بتعالى الى عباد الله الغلابة ممن يسيرون على اقدامهم، وهنا تبدأ المشكلة ، فليس كل من يمتطون ظهر الأسفلت معى هم من راكبى السيارات لكن يشاركنا فيه الكثير والكثير جدا من راكبى اقدامهم ممن يعبرون الطريق بالطول وليس بالعرض، اى يتركون الرصيف ليسيروا فى منتصف الطريق بمنتهى الصفاقة، ويستثير استيلاؤهم على نصيبى من الطريق حميتى للدفاع عما اراه حقى فى الأسفلت الذى اقامته الدولة فى هذا المكان لراكبى السيارات وليس للمشاه، وبعد ان استمتع بالغلاسة على واحد او اثنين منهم، اعود لأتذكر انهم غالبا فى تركهم للرصيف مكرهون وليسوا ابطالا، فمن محلات خضار وفاكهة ومقاهى قد ظهرت لها اورام سرطانية التهمت الرصيف الى سلاسل يحجز بها بعض مالكى السيارات اماكنا لسياراتهم الى درجات سلم تحتاج لمتسلقى جبال لصعودها ينشئها هذا او ذاك من اصحاب المحلات تجميلا لمحلاتهم الى اكوام قمامة ، الى ارصفة غير موجودة اصلا احيانا، لم يبقى لهؤلاء سوى الأسفلت ليقاسموا فيه فرسان الصاج، وطبعا لا مجال لهم للصراع مع مستعمرى الرصيف والأسهل لهم سلب حق راكبى السيارات تعويضا لحقهم الذى سلبته المتاجر المتورمة، وليأخد اهل السيارات حقهم من محتلى الرصيف ان ارادوا لتكتمل المعادلة..........

**Dr_Mido** · 26-03-2008 09:14 AM

:dوالله لازم تجمع المقالات دى وتحطها فى كتاب
لا بس بجد كلام صح فعلا بيسيبو الرصيف بس مش بمزاجهم اللى عامله معرض عربيات واللى زى مانت قلت عامله امتداد للمحل

**HESHAM AMIN** · 26-03-2008 09:23 AM

و متنساش يا باشمهندس ان الركنة الطبيعية للسيارات دلوقتى على الرصيف
يعنى برضوا مالكى السيارات واخدين حق المشاة فى الرصيف

**Noha.M** · 26-03-2008 09:23 AM

عندك حق فى كل كلمة:)

انا كمان بحس بالعنجهية الغريبة و انا سايقة ة ببقي غيرانة على كل شبر فى الارض مش

عايزة لا واحد ماشي على رجله و لا حتى عربية تزاحمنى و تاخد مكانى ..ممكن افضل

ماشية الطريق كله متغاظة من واحد و مهما كان الطريق طويل الاقيه خلص من كتر ما

انا بفكر ازاى اسبق اللى سبقني و اجيبه .. بعدين يجيلي شعور غريييييب بالسعااااادة و

الراااااااااحة و الانشكاااااااااح:D:D

دة بيبقي حالى و انا سايقة بس لما بباة ماشية على الرصيف و اشوف واحد مش عايز

حتى يستني لما اعدي بفضل اقول ايه قلة الزوق دى ازاى كدة ميعدنيييش و ببأة

مفروووووووسة جدااااااااا من اللى معاهم عربيات !!!!!

الواحد يظهر معقد و هو مش واخد باله

بجد مواضيعك جمييييييييلة جدا عشان بتركز فى تفاصيل غريبة بتدور فى عقل الواحد و

بيعديها و يرجع يتفرس منها و يعديها بس عمره ما بيقولها عشان محدش يضحك عليه:D

بس واضح انى طلعت بنى ادمة طبيعية جداااا:p

**memo_hefnawy** · 26-03-2008 09:25 AM

و الله يا أبو السباع الموضوع فعلا كده بالظبط

أحيانا بتغاظ و بفرقع من الغلط و أحيانا بعذر إللى بيعمله (بشرط) إن مغصوب عليه (يعنى مفيش بديل)

لكن لما أشوف كوبرى مشاه لعبور الأوتوستراد مثلا و أشوف ماشى من تحته مجموعه من البقر الضاله مش هاعذرهم

المشكلة إن الغلط و الصح محدش بقى بيعرف يميزهم و الناس بتاخد بعض الأخطاء حقوق مكتسبة ذى إللى فارش على رصيف و يقولك يا بيه ده أكل عيشى - و إللى ماشى مخالف و يقولك و ماله و إللى راكن صف ثالث و رابع و يقولك هى جات عليا

صباحك ورد يا أبو السباع

**memo_hefnawy** · 26-03-2008 09:27 AM

ملحوظة يا نهى - إتعودى لما تشوفى حد مطحون فى أوتوبيس أو ميكروباص و إنت راكبه عربيتك و مرتاحه - قولى الحمد لله الذى عفانى من ما إبتلى به كثيرا من الناس و جعلنا مسلمين - و إحمدى ربنا على نعمه عليكى - عشان الشعور بالعنجهية ده يروح :)

**Akram** · 26-03-2008 10:01 AM

يا سبعاوي باشا , بتحس بالعنجهية و انت راكب الريجاتا ,

امال لو كنت راكب زيات (سيات) كنت هتعمل ايه :) :) :) ,

و بعدين هو فين الاسفلت ده اللي انت بتتكلم عليه , دي كل الشوارع بقت حفر و مطبات و حركات و يتخللهم بواقي اسفلت باظ بعد شهور من تركيبه ,

محمود باشا ,
احنا بقينا شعب بيتساهل في كل حاجة ,
يعني اللي فارش على الرصيف يقولك معلش انا بسترزق ,
و اللي ماشي عكس يقولك معلش انا مستعجل (ولو ميكروباص ممكن يشتم لو مش عاجبكً),
و اللي بيعبر طريق سريع بالعرض (وده كان من فترة مش دلوقتي لأنه مفيش طرق سريعة حالياً) و طبعاً مبيقولش حاجة لأنه مبيعملش حاجة غلط (من وجهة نظره).
و أمين الشرطة اللي مش همه الطريق و الزحمة و أي حاجة غير إنه يشوف أي سبوبة.

**Noha.M** · 26-03-2008 10:14 AM

المشاركة الأصلية كتبت بواسطة memo_hefnawy

ملحوظة يا نهى - إتعودى لما تشوفى حد مطحون فى أوتوبيس أو ميكروباص و إنت راكبه عربيتك و مرتاحه - قولى الحمد لله الذى عفانى من ما إبتلى به كثيرا من الناس و جعلنا مسلمين - و إحمدى ربنا على نعمه عليكى - عشان الشعور بالعنجهية ده يروح :)

والله ما عنجهية على الناس يا حفناوى بمعني غرور او تكبر بجد.. بس فاهم انا اصلا بمووت فى

حاجة اسمها سواقة و لحد دلوقتي كل ما اركب العربية بباة فرحاااااانة موووووووووووت و بكون

عندي نفس الاحساس اللى حسيته اول مرة سقت عربية .. فاهم ازاى ..مش عنجهية تكبر او غرور

(اعووذ بالله ) بس احساس بالانشكاح و النفخة الكدابة بس انى بسوق باة و كدة :D:D احساس

طفولى و ساذج جدااااااا يعنيي :p

و اكيد الحمد لله الذي عفانا والله :) ..... الحمد لله ..