انتصرت على الكلابش

**keko** · 20-12-2010 03:21 PM

انا شوفت واحد مرة ده اللى بجد معلم - طلع بتاعة كده من العربية وفك الكلابش وحطه فى الشنطة وخد بعضه ومشى عاااادى

**amribrahim** · 20-12-2010 03:21 PM

المشاركة الأصلية كتبت بواسطة hema_lancer

الموضوع ده طبيعي
وانا عارفه من ظابط صاحبي
بس انت اخدت مخالفه انتظار في الممنوع :)))))

صباح الفل هتتشال إن شاء الله يوم تجديد الرخصة هههههههة

**alaa99991111** · 20-12-2010 03:28 PM

انا اتكلبشت مرة امام نقطة شارع بورسعيد في الاسكندرية وكانت اول مرة اتصلت بواحد زميلي اعمل ايه قالي روح دور علي الونش ومتستناش المهم اخدت تاكسي ولفيت اناية شارع بورسعيد لغاية سيدي جابر مفيش ونش كملت بالتاكسي علي الكورنيش راجع ناحية كليو باترا حيث هناك نقطة مرور ورحت سالت قالي ده تبع ونش نقطة مرور كوبري الجامعة اخدت تاكسي تاني ورايح ناحية النقطة لاقيت ونش واقف عند كامب شيزار نزلت ورحت للظابط اللي في الونش قالي مش تابع لي ده تبع الونش الخاص بشارع بورسعيد رحت رايح لنقطة كوبري الجامعة ولسه واصل هناك لاقيت الونش حيطلع ويلف يدور يحصل من الزباين ويكلبش في زباين جداد قالي استناني عند عربيتك رحت بسرعة وانتظرت ساعة لغاية لما جه بسلامته وكانت الغرامة 25 جنيه فقط و كان مسجل نمرة العربية في ورقة وقلت جايز عشان لو فكيت الكلبش بنفسي يقوموا بعمل الواجب معايا

**kar!m** · 20-12-2010 03:41 PM

المشاركة الأصلية كتبت بواسطة alaa99991111

انا اتكلبشت مرة امام نقطة شارع بورسعيد في الاسكندرية وكانت اول مرة اتصلت بواحد زميلي اعمل ايه قالي روح دور علي الونش ومتستناش المهم اخدت تاكسي ولفيت اناية شارع بورسعيد لغاية سيدي جابر مفيش ونش كملت بالتاكسي علي الكورنيش راجع ناحية كليو باترا حيث هناك نقطة مرور ورحت سالت قالي ده تبع ونش نقطة مرور كوبري الجامعة اخدت تاكسي تاني ورايح ناحية النقطة لاقيت ونش واقف عند كامب شيزار نزلت ورحت للظابط اللي في الونش قالي مش تابع لي ده تبع الونش الخاص بشارع بورسعيد رحت رايح لنقطة كوبري الجامعة ولسه واصل هناك لاقيت الونش حيطلع ويلف يدور يحصل من الزباين ويكلبش في زباين جداد قالي استناني عند عربيتك رحت بسرعة وانتظرت ساعة لغاية لما جه بسلامته وكانت الغرامة 25 جنيه فقط و كان مسجل نمرة العربية في ورقة وقلت جايز عشان لو فكيت الكلبش بنفسي يقوموا بعمل الواجب معايا

25 جنية يبقى ضربهم فى جيبه .. اداك وصل؟

**eldell** · 20-12-2010 03:49 PM

المشاركة الأصلية كتبت بواسطة edbe

انا هاحكى عن موقف حصللى مع الكلابش..
كان عندى مشوار لحد شارع المناصرة فى باب الخلق .. ونادرا لما كنت اروح هناك .. المكان زحمة جدا وكانت الساعة حوالى 8-9 بعد المغرب تقريبا .. ركنت عربيتى قرب مدخل المناصرة من شارع بورسعيد .. (فى الصف اللى قدام المحكمة) .. ودخلت أسال على الطلب بتاعى .. لمدة 20-25 دقيقة تقريبا ..

ارجع العربية ألاقى العربية مكلبشة .. و دى اول مرة تحصل ليا .. مكنتش عارف اروح فين ولا اعمل ايه !!
لاقيت من بعيد واحد صول ماسك اليوترن اللى قبل مديرية الامن .. قولتلله حصل كذا كذا .. اعمل ايه ؟؟
قاللى: الاول هتروح شارع الازهر تدور على نقطة الشرطة وتدفع غرامه الكلابش .. كام يا عم دى؟؟ .. 131 جم !! .. وتاخد الايصال ، وبعدها تقف ترجع تقف جنب عربيتك لحد ما الونش يعدى عليك يفك الكلابش.
انا جاللى ذهول .. امشى ادور على النقطة .. ادفع 131 وانا حتى مالحقتش اقف بالعربية .. وبعدها استنى لما الونش يعدى!!!!

قولت للصول مافيش حل للغرامة دى والعطلة دى .. دا العملية مش مستاهلة الفيلم الهابط ده ، فرد: هوا ده حلها .. وبعدين قاللى: هاقولك حاجة بس ولا كأنك سمعت حاجة منى!!
قولتله خير؟؟
قاللى: تروح تعمل اى مشوار وتغيب ساعتين تلاته .. قولت: ليه واشمعنى ؟!!
قاللى: هترجع تلاقى الكلابش اتفك
استغربت جدا وكان عندى مشوار فعلا ناحية السيد زينب فركبت تاكسى ورحت من غير العريبة.

وفعلا رجعت وانا ايدى على قلبى احسن ارجع مالقيش العربية خالص
ومن بعيد لاقيت العربية اطمنت .. وفعلا الكلابش اتفك
عرفت بعدها ان الونش ليه ميعاد لازم يعدى يفك الكلابش فى نهايه وقت خدمته ..

و دى كانت تجربتى ومش عارف هوا دا النظام علطول ولا جت معايا كدا!

والحمد لله لما كنت بجدد رخص ماكنش عندى مخالفات.

باشا هى كده مخالفه ركن فى الممنوع انا على طول بتكلبش فى شارع بورسعيد تروح عند النقطه الى تحت الكوبرى تدفع غرامه 30 جنيه بس مش 130 ده حوار علشان تزود الاكراميه للامين الى هيروح معاك وبعدها الامين بيمسحها من الدفتر ويجى يفكهولك وتديله 10 جنيه وخلاص كده

**Amrrr** · 20-12-2010 04:03 PM

هحكيلكوا على موقف بس محدش ياخد فكرة غلط عني انا من النوع اللي لايمكن اركن غلط وباحاول على أد ما أقدر التزم وانا ماشي بالحزام والموبايل وال رخص والكلام دا حتى الاشارات باحاول اقف فيها
بس اليوم دا كان ظروف وانا ضد دفع (رشوة) لأمين ولا صول عشان يشيل مخالفة

سبت عربيتي عند سيتي ستارز خمس دقايق بالظبط والانتظار شغال
نزلت لقيت العسكري بيكلبش وقاللي روح للباشا في الونش ( الباشا هو اللي كان سايق ولابس ملكي بس غالبا امين شرطة مش ظابط )
قلتله عربيتي اتكلبش ( هو كان واقف قدام عربيتي بمسافة قليلة )
قاللي فين الرخص ؟؟ دا بقى كان حوار ... ليه ؟
رخصة العربية منتهية من سنة يعني آخر بجاحة
ورخصة السواقة مش معايا ناسيها في عربية واحد صاحبي كنت سايقها قبليها بيوم وسايبها في الشماسة عنده عشان كنا مسافرين ....
وراكن في الممنوع طبعا وبقيت مش عارف اعمل ايه .... طبقت أربعين جنيه واديتهاله
العسكري بقى بيفك الكلابش بعد ما خد الأوامر مين شافه ؟؟؟ واحد زميلي نازل ورايا يعرف الظابط اللي في المنطقة ، وعرف اني اديت للأمين اربعين جنيه وراسه والف سيف ليرجعهملي وفعلا الأمين خاف ورمالي الفلوس في العربية عشان ماكنتش عايز اخدهم منه وانا ماشي :)
بس لقيت مخالفة وانا باجدد رخصة العربية غريبة اوي عمري ماعملتها غير في اليوم دا : سير بدون رخصة قيادة 150.00 جم دفعتهم
والمخالفة دي كانت على النمر القديمة يعني الأمين فعلا طلع جدع ورجعلي الفلوس ومعملشي ولا مخالفة مع ان معاه تلات مخالفات زي العسل
الخلاصة : داين تُدان :)

**Nistelrooy** · 20-12-2010 05:06 PM

انا قريت الموضوع ده قبل كدا ؟

**bedo13** · 20-12-2010 05:06 PM

كان في واحد قال على حل..
يكون معاك كلبش بتاعك ونركبه (يعني تكلبش عربيتك بنفسك) لو هتركن مخالف وتمشي .. هيجي الونش يلاقي العربية متكلبشة يسيبها ويمشي..
مش عارف ده صح ولا ايه؟؟