الموضوع: إتحاد ملاكى 127 سبورت/توب/900-1050.....

اكيد إنت تعرفنى يا عمرو_انا اسمى احمد ايمن:وكنت على طول قاعد فى شيكولانى:مع اصحابى كانت ايااااام
كنا بنقعد فى العمارة اللى فيها هيثم وكريم_قصاد مايكل بتاع البيبسى!

المهم اشتريت العربيه ازاى يا باشا فى الاخر

بردة ماسكتش!قعدت أدور على الإنترنت_والوسيط والسوق_واروح اقابل ناس وأتفرج على عربيات_كلة ضايع_وخاصة التابلوه كنت بلاقيه مالوش معالم_وانا بقى عندى عقدة من حوار التابلوه دة_لازم يبقى بحالتة ونضيف كدة لأن هو اللى فى وشك على طول_وكمان خدها قاعدة كدة_لو لقيت العربية صالونها وتابلوها سليم جدا_ومافيهوش إفتكاسات وحاططلك فروة خروف ولا معزةعلى التابلوه_والعربية رايقة كدة يبقى ماتخدهاش!_لأن اكيد صاحبها مابيهتمش بيها اصلا_علشان توصل للدرجة دى_انا أول حاجة ببص عليها فى العربية هو الصالون وقعدتها كدة والتابلوة!_لو لقيتهم ضايعين بقول شكراااااا_وبمشى مش بكمل فرجة اصلا_عربيتى دى بقى خيشت فى دماغى من أول ماشفتها_وإكتشفت إنها افضل عربية شفتها فى 20 عربية اللى شفتهم مثلا_قابلت الراجل تانى صدفة وهو بيركن قدامى _سلمت عليه_قالى يا أحمد معلش اركنها إنت على ما أجيب النترا مكان عربية طلعت_لانة كان راكنها صف تانى_علشان هو كان طالع بيها_ركبتها بقى_اووف_عجبتنى جدا جدا_حسيت إنها مش دايرة اصلا!_تابلوها بحالتة_العدادات كلها شغالة!_الكراسى سليمة جدا جدا_حتى فرش الأرضية لاحظت تحتة اللباد الحرارى الأصلى_سمكة بتاع 5 مللى_لاحظت فرش الفابريكة بتاع الأبواب _نفس فرش الكراسى_ومخادع الابواب كبيرة كدة أكبر من بتاعة الأونو !_تابلوها لونة بنى فى جراى_كل حاجة فيها اصلى!_ركنتهالوا _أخد منى المفتاح وشكرنى وطلع_وانا دخلت المحل_وكل شوية اطلع ابص عليها وانا زعلان جدا_ونفسى أشتريها

بقيت بركب مواصلات _وراكب ميكروباص ورايح مدينة نصر_وببص جنبى لقيتها ماشية إنتى ورايا ورايا_فضلت ماشية قدامى لحد ما وصلت مدينة نصر وإختفت_قابلتة تانى يوم وهو بيركنها قولتلة أيه يا عم_إنت مالك سايب العربيتين ومقضيها بدى_ماتخف عليها شوية!قالى ياعم مريحانى!وصغيرة كدة بركنها فى أى حتة_قولتلة طيب لما تفكر تبيع قولى_قالى ياعم سيبك منى انا والله مش بفكر ابيع!_بعديها بيومين نزل يشترى موبايل لبنتة!وانا عملت معاه واجب جامد_وكمان كان جايب جهاز من برة ومش عارف يفك شفرتة وانا فكتهولة_الراجل إنبسط جدا_ضحكت معاه قولتلة ياعم مش هاتجيب العربية بقى_قالى ياعم عايزها خدها فى وقت_او خد النترا_قولتلة لا انا عايز الأمورة دى قالى خلاص يا أحمد خدها والله ما هاعزها عليك إنت جدع وطيب وكدة_قولتلة ياعم إنت هاتمثل هههههه_هو انا هاتجوز بنتك_قالى 15 ألف جنيه قولتلة إنت بتحلم كتير طبعا_قالى واقفة عليا أكتر من كدة_وانا مش عايز ابيعها اصلا لإن قيمتها أكبر من فلوسها_حسسنى إنى بشترى لامبورجينى جلارادو_ولافيرارى إيطاليا!_آخرة الحوار وبعد رغى كتير جدا وانا اصلا بزهق بسرعة_أخدتها ب13500_تقريبا علشان كان لسة باقى فلوس من الموبايل اللى أخدة!_الحوار خلص_ورحنا عملنا توكيل _قبل مانروح والله العظيم قالى ماتاخد الفلوس وتسيبهالى وخليك جدع!الراجل تقريبا كان هايعيط!