السلام عليكم بما إنى من ملاك الطلقة دى_واشتريت منها كذا واحدة_ومن كتر عشقى ليها _لازم نعملها إتحاد جامد كدة_فيه كل حاجة عنها_انا كان عندى واحدة إيطالى 900 مو74_كانت تحفة_وبتجرى جرى التنين_قعدت معايا سنتين!عمرها ما زعلتنى ابدا_واللى أخدها كان كان بيتحايل عليا أسبوعين_وفى الأخر بعتها_هااااا_يالا هى كل ما بتوحشنى بروح أزورها!_بعديها بأسبوع بحث عن أخرى بس 1050 بقى_ ربنا رزقنى بصاروخ ارض جو نادر جدا جدا_بحالة نادرة جدا_نزلت السوق الجمعة_ودورت على الإنترنت_وشوفت حوالى _10 عربيات_كلهم ضايعين_تابلوة مكسر_حوض بدون ملامح أو علامات فابريكة_الأقفال بتاعة الحوض ضايعة_موتور ضايع _يادوب راكبلها جنط صينى فكسان_وعدة صوت_ويتكلم فى 13 الف_دخت بحث_لدرجة كنت هاسافر إسكندرية اتفرج على واحدة!_كبرت دماغى من البحث عنها بحالة زى ما انا عايز_وفجأة كدة_خارج من محلى القديم_لقيت اسد دهبى واقف الناحية التانية اسد بزجاج عسلى فابريكة_وسقف جلد_وجنط مروحة أصلى_انا إتمسمرت فى مكانى وفضلت راقد جنبها سألت فى محلات أصحابى جابولى رقم صاحبها_بتصل بيه لقيت رقمة متسجل عندى اصلا!_انا أعرف صاحبها جدا_ويا ما عملت معاه واجبات فى موبايلات وكدة!_نزل قابلنى_قالى بص من الآخر كدة انا مش هابيعها يا أحمد _علشان عاجبانى_هو عندة عربيتين تانى اصلا النترا و128_قالى كبر دماغك_ياعم يهديك يرضيك_ابدا _انا كبرت بقى وقلت مافيش نصيب_فاصل ونواصل هاحكيلكوا أخدتها إزاى!!