سبيرانزا 516 مو 2011

**ALshahba** · 28-12-2010 03:33 PM

بارك الله فيك في هذا الموضوع المحايد السليم
اسمحلي اكون ثاني البادئين فى 516

انا كانت معايا 516 من 3 سنوات وراحت فى حادث كما هو موضح فى الصوره , ولكن وللامانه هي لم تتدمر بالمعني ولكن التأمين اخذها واعطاني المبلغ التعويضي ومضصوم منه 25% من قيمة التأمين

بصفة عامه السياره كانت موديل 2007 وراحت سنة 2009 , وكانت معايا جيده جدا وكانت سحبها كويس ولم اجد فيها اي مشاكل طارءه او حرجه , واسمحلي ان اتحدث عن العيوب اولا
1- سحب البنزين: كان كثيرا علي 1600CC يعني تستهلك فى الصفيحه (20لتر) حوالي 170-180 وفى بعض الاحيان داخل الزحام الشديده تعطي 160 كم فى الصفيحه الواحده, طبعا سحب عالي
2- التكييف كان متعب جدا فى التبريد والتوكيل تعبني وجلست عام كامل بهذا العيب وكانت طبعا متوسطة التبريد جدا, وبعد العام تم الغاء السخن والتوصيل مباشرة بالبارد وكانت النتيجه مذهله وكان التبريد ثلاجه بالمعني
3- تزييق فى الكرسي الامامي بجوار السائق وتم حله فى التوكيل بالتشحيم وبعد عام عاد مرة اخري ولكن علي خفيف
4- كاوتشة خرطوم الماء من الريداتير كانت بتسرب خفيف وعملت طبقه ناشفه من نفسها قفلت تسريب الماء, وذهبت للتوكيل وعرفت انها تحتاج تغيير منهم ولكن وضعو لها عازل (وانا متأكد انه سيفشل بعد فتره مع السخونه) وبعد فتره فعلا لم تدم اسبوع تم التسريب مرة اخري, ولكن لم اتمكن من الذهاب مرة اخري لحدوث الحادث
5- سماع صوت فى الغيار الاول اول مره فقط كانه خبطه عندما تكون السياره بارده او عند الفصل من الغيار وانتظار دقيقه, وعلمت ان هذا من التصميم ولا يحل , ولكن بامانه لم تواجهني اية مشكله فى الفتيس
6- السحب فى الاول ضعيف وايضا علمت انه من التصميم (ولم اواجه فيه مشكله الا فى بعض الاحيان)
7- تعليق بعض الايام فى الانذار مع القفل

واقول من المميزات الواضحه التي اسعدتني:

1- السياره قويه فى العضم الخارجي
2- فراملها قويه
3- التكيف (بعد الاصلاح طبعا) ممتاز
4- العزل عن الاصوات الخارجي جيد جدا
5- الكماليات العامه لها جيده ولم تخذلني وكانت تعمل بكفاءه
6-واسعه ورحبة فى الجلوس ومريحه

والحمد لله السياره انقدتني من موت محقق بفضل الله لاني دخلت فى اتوبيس نقل عام , والناس من العامه قالو ان السياره قويه لانها صمدت امام الاتوبيس وتخرب جانب الاتوبيس بالكامل

* ملحوظه , سيارة والدي ايضا 516 موديل 2008 وهي سحب البنزين فيها اقل مني بكثير حوالي 190-200 فى الصفيحه داخل البلد

ونيتي المستقبليه باذن الله تعالي اما M11 or A620 ولا اريد 516 للتغير فقط ليس الا, وكمان لانها اصبحت تاكسي واحب التجديد
ومنظر الحادث مأثر في

واعطي السياره من تقديري حوالي : 75%

**islam_6110** · 28-12-2010 04:31 PM

انا بعد استهلاك حوالى شهر و نص و عامل 3500 اقول 80%

**hugan** · 28-12-2010 08:34 PM

ليا تعليق واحد علي الكاتينه اللي بتتغير كل 1000
حضرتك جبت الكلام ده منين
انا مغير اول مره علي 30000
والان العربيه عامله 58000
ومش هاغير الا عند ال 70000
العربيه 85%
لا يعيبها الا العفشه فقط لا غير

**fredy** · 29-12-2010 03:35 PM

أنا معايا السياره موديل 2011 فول أوبشن وبجد السياره زى الفل وأنا عجبانى جدا ولا أجد لها أى مشاكل نهائى لحد الأن سوى أن العفشه نشفه شويه بس ده مش مسببلى أى مشاكل لأن السياره واسعه وناعمه زى الحريره ومريحه أخر حاجه من جوه وبصراحه متسمعش كلام أى حد يؤلك صينى عشان أنا كنت زيك وكانت الناس مخوفانى بس بجد أنا بشكر ربنا أنى أشتريتها والى يقولك صينى أولو ده مش عيب وياريت نبقى ربعهم ........ بالمناسبه أنا عملت صيانه ال 1000 والعربيه دلوقتى عامله 1200كم وبسم الله ماشاء الله زى الفل وبالنسبه لموديل 2011 فهما غيروا ال سى دى بلاير ومركبين واحد شكله أحلى كتير وعليه علامه أسبرانزا وأنسيابى مع التابلوه أكتر من الكلاريون اللى كان بينزل وكمان فى ميزه عن الكلاريون أن فيه فتحه يو أس بى وفتحه ميمورى كارد وفتحه لل أيه يو أكس وبجد أنا كنت فاكره حته واحده مع التابوه من كتر أنسيابيته ,,,,,,,, توكل على الله ومش هتندم ,وأنا بقيم السياره بالنسبه لسعرها ووسع صالونها وسحبها وكماليتها بنسبه 85% نظرا لأن الى فوق ال 90% بعتبره من السيارات الألمانى ...... وشكراا..

**islam_6110** · 29-12-2010 04:02 PM

انا فعلا مبسوط من الكلام اللى مكتوب و شكرا ليكوا بجد

**rzk** · 10-01-2011 01:53 PM

مبروك علي الي اشتري

**mazymazy** · 12-01-2011 11:26 PM

[frame="9 80"]شكركم أخوانى الافاضل على مساعدتكم ليا

أنا إن شاء الله أخدت قرارى بأنى اشترى الاسبيرانزا 516 ls ودى الفرق بينها و بين العادية اللى نزلت من 2007 لحد دلوقت ان ال516ls

مافيهاش جنوط سبور وفيها طاسات سبيرانزا معدن ( شكلها حلو بجد )

مافيهاش كاسيت ديجيتال ( الكاسيت اللى موجود كاسيت سى دى نوعه كينوود) أما اللى فى التانية الفول اوبشن (شيرى)

التكييف الموجود بها تكيف بكرة ( زى كل العربيات اللى ف نفس الفئة ) أما فى الفول أوبشن ( تكييف ديجيتال )

مافيهاش فوجات شبورة أمامية ( الفول أوبش فيها )

وبصراحة لما فكرت بمنطقية ( من وجهة نظرى ) لقيت أن الفوجات ممكن اشتريها فى اى وقت و اركبها وخصوصا انها مش غالية

التكييف البكرة مش عيب يعنى انى اركب عربية فيها تكييف بكرة خصوصا انى اعتقد انه لو حصل فيه حاجة حيبقى تصليحه اسهل من تصليح التكييف الديجيتال

الكاسيت سى دى اللى مش ديجيتال مش عيب يعنى وخصوصا ان نوعه كينوود مش شيرى خصوصا انى مش باسمع اغانى و دومات و بيز و سكاسيك والكلام ده ( انا 90% من الوقت وانا فى العربية مشغل سى دى قرآن ) الحمد لله ف مش فارقة معايا الكاسيت ديجيتال اللى فى المنظر المبهر بصراحة

الطاسات (بالنسبالى ) شكلها حلو جدا و خصوصا انها محملة ومش ضعيفة والعلامة اللى عليها بتاعة اسبيرانزا مش مطبوعة عليها و لكن مصبوبة مع الطاسة نفسها بس بللون الاسود - شكلها حلو والله

وبصراحة مش فارقة كتيرمعايا جنوط اسبور او طاسات غير ان الطاسات طبعا ممكن تتسرق بس بصراحة برضه للامانة طريقة خلعها صعبة شوية و محتاجة وقت لو واحد عايز يسرقها

النقطة الفاصلة فى اللى بقولكم عليه ده ان سعر العربية الـ 516 ls ( قدرت اوصل مع معرض انى اخدها ب 60500 )

والسعر ده فارق عن العربية اللى بيقولوا عليها فول أوبشن ( 4500 ) جنيه مصرى و بصراحة الفروقات اللى انا شوفتها مش مستاهلة انى ادفع فيها المبلغ ده خصوصا انى ممكن فى اى وقت اركبها بس فى الوقت الحالى انا بصراحة تفرق معايا ال 4500 جنيه

وعرفت برضه ان التسجيل اول مره مع ترخيص سنة بيكلف 800 جنيه و تدى 100 جنيه للشاب اللى بيخلصلك الورق و يطلعلك النمر والرخصة يعنى تقريبا ( 1000 جنيه )

ولو رخصت 3 سنوات تكون التكلفة ( 1500جنيه )

أدعولى ربنا يوفقنى فى الشراء

واتمنى برضه اعرف وجهة نظركم فى اللى انا قولته و ف طريقة تفكيرى حسب ظروفى اللى انا حكيتهالكم بكل أمانة واللى تعمدت اقولها بكل صراحة لانك مبقيتوش غرب عنى برضه لسبب اخر ان لو فيه حد بيقرأ اللى انا بكتبه عنده نفس ظروفى يمكن يستفيد من تجربتى و تفكيرى المتواضع

اه نسيت اقولكم حاجة ان العربيتين فيهم التالى

4 زجاج كهرباء
مرايات كهرباء
تكييف
باور
سنتر
مفتاح ريموت
نفس التابلوه
نفس الخامات
نفس نوع الكاوتش

لا ينقصنى غير دعائكم ورايكم فى تفكيرى قبل ماروح ادفع المقدم بكرة ان شاء الله[/frame]

**islam_6110** · 13-01-2011 11:39 AM

بس فى حاجه مهمه لزم تعرفها و تخلى بالك اول ما تجيبها ان الطاسات اللى على العجل طاسه كبيره و مربوطه فى مسامير الجنط زى الافيو و طاسه صغيره بتركب كبس على المسامير خلى بالك ان الكبس بتاعها ضعيييييييييييييف انا وقعت منا 3 طاسات صغيره و شلت الرابعه فى الشنطه

**mazymazy** · 13-01-2011 02:13 PM

[frame="9 80"]ربنا يخليك يا اسلام على النصيحة الهاااااااااااااااااااااا ااامة دى لانى فعلا ماكنتش اعرفها و مش ممكن حد يعرفها اللى اذا كان من مالكى السيارة

حاخللى باللى بس بصراحة مش عارف حاخللى بالى ازاى بس حاحاول على اد ماقدر و الله المستعان

انا كنت عايز اعرف منك ايه رايك فيها بامانة لانى خلاص حجزتها و وصلت لاخر سعر فيها هو 60600 يعنى توفير تقريبا 400 جنيه

ايه رايك فى العفشة ؟ لسه ناشفة زى مابيقولوا ؟
ايه رايك فى الكاسيت الكينوود و ايه امكانياته؟بيشغل mp3 , wav , amr
وكده واللا فيه حاجات مش بيشغلها؟وفيه usp واللا لاء؟
ومش عارف اسالك عن التكييف لاننا فى الشتا بس لو جربته قوللى بالله عليك
مع انى دفعت الحجز خلاص و سبق السيف العزل بس بصراحة المعلومات اللى انا حصلتها عنها كانت كافية انى اقتنع بيها

وكل واحد على اد امكانياته..... الحمد لله ان الواحد حيركب زيرو
فيه ناس بقالها سنين و مش عارفة حتى تركب عربية اصلا

الحمد لله على ما رزقنا
اللهم بارك فيه
اللهم زدنا بما يكون فيه نفعا لنا وللمسلمين جميعا
[/frame]