الموضوع: سبيرانزا 516 مو 2011

[frame="1 80"]alshahba باشا

انا كل كلامى كان على ال 516 مش الـ m11

بس برضه الـ m11 حلوة مش وحشة بس انا معجبتنيش لانى حسيت انها ضيقة من جوا ( اضيق من ال 516 ) وانا كنت عايز عربية عائلية
والـ m11 عربية رياضيةو شنطتها اضيق من ال 516 بس هي عربية عفشتها حلوة جدا و شكلها جميل ومحدش اشتكى منها لحد دلوقت

وعلى فكرة انا كنت فى التوكيل النهاردة و فيه هناك عربيات كتيــــــــــــــــــــــ ر تيجو و الناس بيشتكوا منها جدا و فيها عيوب كهرباء و عيوب فرامل وعيوب عفشة

على فكرة انا لما بروح هناك باقف مع ناس كتبير و اتكلم مع ناس كتير ( تقدر تقول انى اجتماعى شوية ف باقدر اتواصل مع الناس بود و باحترام عشان اعرف وجهة نظرهم فى كل كبيرة و صغيرة )

انا اوصيك بالـ 620

بس عيبها حاجة مهمة جدااااااااااااااااااااااا اااااا

سعر اعادة البيع بينزل جدا جدا جدا جدا تقريبا النص


وربنا يوفقك للخير
[/frame]

[frame="1 80"]انا كنت النهاردة فى التوكيل و غيروا لى المساعد اليمين ورا ( ببلاش ) وبصراحة من غير مناهدة ..... المهندس هشام بصراحة فى غاية الذوق والامانة وشاب محترم جدا جدا جدا

بس وانا ماشى لقيت الصوت موجود تانى بس بنسبة أقل 50% بس المرة دى من قدام وواضح اننا لما كنا بنسمع الصوت من ورا

كان اساسه ان الصوت من ورا وقدام بس واضح ان المساعد اللى ورا يمين كان بايظ اكتر ( بصراحة معرفش كان فيه ايه - المهم انهم غيروه و خلاص ) وبصراحة الصوت راح خالص تقريبا من ورا

ولما كلمت المهندس هشام بعد ما مشيت بصراحة الراجل كان فى غاية الذوق و قاللى المهم ان الصوت اللى ورا راح ...... خد ميعاد الاسبوع اللى جاى و لما تيجى نشتغل فى المساعدين اللى قدام ومايهمكش حاجة

ده بالنسبة للصوت اللى كنت باسمعه



أما بالنسية لسعرها :

انا جبتها من الوكيل ( وكيل فرعى من ابو الفتوح ) فرع اسمه ستار كار ( ناس فى منتهى الذوق بجد و محترمين فى التعامل )

وعلى فكرة لما الورق بتاع العربية اتأخر شوية ( أخدت النمر التجارية 5 أيام كاملين ) ببلاش او بمعنى أصح دفعت بصراحة 50 جنيه ذوقيا بس مش اكتر

وفى راجل اسمه أستاذ محمود ( راجل كبير فوق الخمسه والاربعين سنه ) راجل ذوق ذوق ذوق بجد ومحترم جدا وأمين جدا

من المعرض نفسه - عملتله توكيل رسمى عام وهو خلصلى كل حاجة بصراحة وحتى لما الورق اللى بييجى من ابو الفتوح ويروح للمرور اتأخر - الراجل كلمهم فى القاهرة و طلب منهم فاكس بالعربية بتاعتى بس عشان يخلصهالى و راح مرور ابيس و مرور محرم بيك عشان ياخد تأشيرة الترخيص و خلصلى الورق كله بصراحة ف 4 ساعات

بالنسبة للسعر .............. خفضولى 500 جنيه يعنى دفعت ( 60500 )

ودفعت ( 100 جنيه زيادة ) عشان العربية كانت جاية من القاهرة على كساحة مخصوص عشانى

وبالنسبة للترخيص . كله على بعضه 785 جنيه بالاكراميات
( بصراحة مش فاكر التفاصيل )

بس انا رخصت سنة واحدة بس

لو كنت حارخص 3 سنين كانت المصاريف حتبقى ( 1500 جنيه بدل من 789 جنيه )

واديت استاذ محمود اللى خلصلى الورق (115جنيه ) - بقية الـ785 + 100 جنيه

يعنى كده كله على بعضه......
( 61500 جنيه )

وانا تحت أمركم فى اى معلومة تانية فى اى وقت

وعلى فكرة بغض النظر عن الصوت اللى انا كنت سامعه واللى كان سببه المساعد

العربية زى الـــــــــــــــــــــــ ــــــــفل والله العظيم و الحمد لله بسم الله ماشاء الله[/frame]

أشكركم على الموضوع المتميز

وألف مبروك على العربية ربنا يبارك فيها

وفعلاً المشاكل كلها طبيعية ومحلولة بإذن الله

ومقارنة بالسعر تعتبر سيارة ممتازة

الحقيقة الواحد بيفكر فيها بعد أن صرفت نظر عن ال byd f3 بسبب توكيلها الذي أصيب بمرض إرتفاع ضغط السعر كل شهر تقريباً بتجله الحالة
ولذلك قررت مقاطعته لأكون مشترك في علاجه

وربنا يسهل وأجرب ال 516 قريباً

[frame="1 80"]والله كلامكم ده خلانى افرح انى اخترت العربية الاسبيرانزا خصوصا انى كنت على شفا حفرة من الاقتناع بالـ byd

بس بصراحة زى مانا قولتلكم قبل كده ان لينا تجربة سيئة جداااااااااااااااااا مع توكيل الامل فى اسكندرية ومش عارف بصراحة الناس اللى كانت بتشكر فيه كانت بتقول الكلام ده على اى اساس

وعلى فكرة برضه مركز صيانة اسبيرانزا مش جنة للدرجة دى يعنى بس انا الحمد لله ربنا وفقنى للتعامل مع ناس محترمة وعايزين يحلوا المشكلة بصراحة مش عايزين يعقدوها

ومدير الفرع ( اسمه المهندس / طارق ) انا شوفته النهاردة بصراحة مابطلش لف على المهندسين و على العربيات اللى واقفة

انا شخصيا برضه ماتعاملتش معاه بس شفت انه واقف على رجله قدامى 4 ساعات متواصلة

ماعتقدش ان توكيل الامل حتى نص كده


عموما برضه انا ان شاء الله لما اروح تانى عشان اشوف صوت الكركبة اللى قدام عندى و بتسمع فى الدواسات تحت رجلى

حاقولكم عملوا معايا ايه

بس ان شاء الله إما فيه حاجة عايزة تتربط برضه أو زى مانا شاكك ( المساعد اليمين فيه حاجة مش مظبوطة) إما محلول وعايز يتربط

أو عايز يتغير خالص

المهم انى مش حاسكت على حقى لأن العربية عاملة 300 كيلو وبصراحة حرام أنى اطنش أى حاجة فيها من دلوقت وخصوصا ان كل حاجة ممكن تتغير فى الضمان ( لو ليا حق طبعا )

بس بكل أمانه برضه مافيش حاجة تانية فى العربية لحد دلوقت غير صوت الكركبة ده وان العربية فى المطبات بتعوم شوية ( أعتقد ان ده برضه ليه علاقة بحكاية الكركبة و المساعدين
( مع انهم ربطوا العفشة قدامى لانى ماسبتهومش دقيقة )

خصوصا أن فيه اتنين فنيين كانوا مش عارفين يفكوا الطاسة بتاعة العجل لأنها جديدة عليهم وكويس انى كنت واقف لأنهم كانوا ممكن يكسروها

( الطاسة ليه طاسة صغيرة عليها علامة الاسبيرانزا من النص لازم تتنطر بمفك بالراحة - وبعدين تحت الطاسة فيه 4 صواميل لونها اسود ودى صواميل بلاستيك لازم يتفكوا بالراحة ولما يتفكوا الطاسةكلها بتطلع من على العجلة وتحتيها تلاقي الصواميل الحديد بتاعة العجلة بالجنط )

ان شاء الله لما اروح المرة اللى جاية عشان صوت الكركبة حاقولكم عملت ايه
[/frame]