بالصور والأسعار صيانة 100 ألف كيلو لجينا بإستخدام قطع الغيار البديلة في مركز عصام-صفا

**ZEN** · 28-12-2010 12:40 PM

السلام عليكم ورحمه الله وبركاته اصداقى اعضاء المنتدى خاصه الاتلذعبدالرحمن والاستاذ اسامه مش لاقى حاجه اقولهالكم ورجاء خاص من الاداره ان تكون عادله فهناك مواضيع كثيره فى منتديات اخرى غير بروتون فيها عناوين وارقام ومحصلش حاجه وانا بصراحه [marq="3;right;2;scroll"]زعلالالالالالالالالالالال الالالالالالالالالالالالا لالالالالالالالالالالالال الالالالالالالالالالالالا لالالان[/marq]

**RedBull_30** · 28-12-2010 01:09 PM

طب نتكلم عن ايه ؟ ونعرض التجارب مع التوكيلات والمراكز ازاي ؟ بجد حركة مش قد كده من الادارة وكأن الراجل كسر اشارة الساعه 1 ظهرا

**mark_milad_95** · 28-12-2010 02:57 PM

قوانين ايه يا باشا و قواعد ايه اللى راجل خالفها .. هو ما خالفش قوانين البلد يعنى دا منتدى على النت , انت مكبر الموضوع اوى على فكرة . و بعدين الراجل كتر الف خيره بيساعدنا , مش بيكسب حاجة من ورانا . و كل الناس قالت كدة . و بعدين دا فعلا كان من اكتر المواضيع المفيدة اصلا .
امال المنتدى دا ايه فايدته , مش عشان نستفيد منه , ولا هو chat room .
الناس كلها مش موافقاك با استاذ كريم بصراحة .

**abo3bdolrahman** · 29-12-2010 05:01 AM

نرجوا من الإدارة المحترمة إعادة العنواين و الصور ده منتدى يا حضرات لخدمة أعضاؤه مش حكر على الوكلاء و لا هوا إتباع ليهم إنت فين يا كريم مش ده أبدا اللى إتفقنا عليه من 3 سنين لما فكرنا نعمل منتدى نتكلم فيه لما كان المنفذ الوحيد للكلام فى السيارات حوارات كونتاكت هوا إيه اللى بيحصل يا ناس

**Abdelrahman.H** · 30-12-2010 11:41 PM

السلام عليكم ورحمة الله وبركاته

الحمد لله عملت صيانة ال 100 ألف كيلو لجينا في فرع التوكيل الجديد المعتمد من عز العرب ..مركز عصام - صفا بالنزهة الجديدة

================================================== ====

في البداية كتبت قائمة بقطع الغيار المطلوبة ونزلت إشتريتها من شارع دمشق وهي كالتالي :
=========================================

1- فلتر زيت ميتسوبيشي لانسر بومة ..... ياباني ..... 20 جنيه بدلا من 42 جنيه في التوكيل

=========================================

2- فلتر بنزين دايو نوبيرا ..... كوري ..... 25 جنيه بدلا من 114 جنيه في التوكيل

=========================================

3- فلتر هواء ماركة FILTON ....... ماليزي ( خاص بالجين-2 علشان مالقيتش بديل ) ..... 50 جنيه بدلا من 70 في التوكيل

=======================================
4- طقم بوجيهات NGK خاص بمواتير كامبرو كود ( BPR6EFS ) ........ ـ 50 جنيه ( يعني الواحد ب 12.5 بدلا من 25 في التوكيل )

=======================================

5- زيت شيل الترا .......... 250 جنيه

=======================================

6- تيل فرامل أمامي ماركة Hi-TEC ............ صيني ............. 70 جنيه

يتبع

**Abdelrahman.H** · 30-12-2010 11:43 PM

=======================================

انا روحت المركز الساعة 4:00 عصرا بدون حجز .....

تم إستلام العربية في 3 دقائق و تكييسها و دخلت على الكوريك

=================================================

السلم المؤدي لإستراحة العملاء :

الإستراحة :

الورشة من خلال النافذة الزجاجية بمكان إستراحة العملاء :

================================================
الأعمال التي تم تنفيذها في العربية ....

1- صيانة ال100 ألف ( تغيير الفلاتر كلها وزيت الموتور والتيل الأمامي والبوجيهات و تربيط العفشة و الكشف على السوائل كلها وتزويد الناقص فيها )

2- كان عندي مشكلة عبارة عن صوت رزعة جامدة يأسمعها من العجلة الشمال قدام بتحصل لما ألف الدركسيون يمين للآخر و أرجعة تاني وذلك نتيجة إن كانت البطاحة بتتحشر أثناء الدوران في قطعة حديد بارزة داخل بيت المساعد .... العيب ده عيب صناهة موجود في العربية من ساعة ما إشتريتها زيرو وبلغتهم بيه في التوكيل 4 مرات و لم يتم حل المشكلة إلى الآن و لم يتم إكتشافه إلا بواسطة المهندس عصام و المهندس محمد صفا ... قام الفني بحل المساعد و الطرق على الأجزاء البارزة بالشاكوش والحمد لله إتحلت المشكلة و إختفى الصوت ............

3- تغيير مسمار ربط جنط العجلة الخلفية يسار ( كان مكسور بسبب صنايعي كاوتش في البنزينه إتعافى عليه وقطمه )

المسمار الأصلي بتاع بروتون ب 19 جنيه و الصامولة النيكل ب 6 جنيه

4- حل مشكلة صوت تخبيط في الإسكترا وذلك بعزلها بكاوتش وربطها جيدا في جسم السيارة

================================================

كل تلك الأعمال تمت في خلال ساعة واحدة و عشرين دقيقة فقط .... العربية كان شغال فيها 4 فنيين في وقت واحد بالإضافة إن المهندس عصام والمهندس محمد بيقوموا بالإشراف على الفنيين و بيشتغلوا بإيديهم عند الحاجة لذلك

===============================================

بعد الإنتهاء من الصيانة طلعت اجرب العربية ... المركز قدامه شارع واسع و فاضي و عريض بيجريوا العربيات فيه ......

العربية (بسم الله ماشاء الله ) فاقت جدا جدا و لأول مرة من سنة الشكمان يعرق ماء بدلا من لون الهباب الإسود اللي كان عليه .... رجعت المركز علشان أحاسب و امشي لقيت المهندس عصام بيأمر بغسل الموتور بالفوم وغسيل السيارة بالكامل و ضبط ضغط الهواء في الإطارات
==============

المهندس عصام بيرش الفوم على الموتور بنفسه

============

الفني أثناء غسل الموتور والسيارة بالكامل

بعد كل هذا جاء وقت الحساب ...... 25 جنيه مسمار الجنط ..... 140 جنيه مصنعيات .... 14 جنيه ضريبة ....الإجمالي 179 جنيه فقط لاغير

وكمان المهندس عصام كان عايز يعملي خصم بس أنا ما وافقتش علشان الشغل اللي إتعمل يستاهل اكتر من كده بكتيييييييييييييير ......

=================
كل صيانة و إنتم بألف خير

تحياتي لكم

مهندس معماري : عبد الرحمن حسن

**Abdelrahman.H** · 30-12-2010 11:49 PM

أحب أشكر كل الأعضاء المحترمين اللي تعاطفوا معي في موضوع الوقف ..... أحب أشكر أيمن على تدخله السريع .... أحب أشكر ا/ كريم منير على سرعة حل المشكلة و إزالة الوقف بعد قيام ايمن بتوضيح الأمر له و إزالة سوء التفاهم الذي حدث ...... شكرا لكم جميعااااااااااااااااا

**khpopo** · 31-12-2010 01:28 AM

مشكوووووور والله يعطيك الف عافيه
سبحانك اللهم وبحمدك ، أشهد أن لا إله إلا أنت أستغفرك وأتوب إليك

**tutankhamoun** · 31-12-2010 06:38 AM

المشاركة الأصلية كتبت بواسطة salahhakim

السلام عليكم
مين الى بيقول كده ؟
التوكيل نفسه ليه قطعه غيار جيده الصنع يعنى فلتر الزيت اليابانى للانسر = فلتر بروتون ساجا
والمهم ان متشتريش قطعه غياره اى كلام
تيل فرامل فلتر زيت تيل امامى تيل خلفى فلتر بنزين اى حاجه فى المستهلاكات متخرجش العربيه من الضمان وشرط ان تكون جيده الصنع
المهم انا صلاح حكيم
0101570898
وعامل الكلام الى انا بكتبه ومحدش يعرف يخرج عربيتى بره الضمان ولا العفريت

لو حضرتك ركبت قطعة غيار خارج التوكيل
زي تيل فرامل
و روحت للتوكيل ندك مشكلة في الطنابير
مش هايعملك الطنابير تبع الضمان ........ يبقى كدا التيل خرج الطنابير من الضمان .

و هكذا .....
يعني تركب حاجة برة و بقطع غيار بديلة تبع الكهرباء ........ تخرج الضفيرة من الضمان
و الناس عندها حق في الموضوع