الموضوع: كنت أملك 504 (مرفق بالصور )

المشاركة الأصلية كتبت بواسطة paladin

sorry but what you are saying is not completely right
-the cylinder head i saw it my self the one from the 505 with 4 inlets
-well over 60% of the spare parts is still made new and most of them in france
-you know in other countries (australia) they still use this cars every day that means that there is an awful lot of spare parts to come
-as for stability i have to disagree because i have wider tyres lowered suspensions and front strut bar and believe me it is very stable
-top speed of a 504 with 4 speed gear is 170-180 what do you want more from a 30 year old car
-and lastly if you took good care of the car you wont need that much of spare parts only periodic maintenance

i wanted to ask you a question was your steering rack 3.5 turns
if so can i install it without the power steering

thanks

ايوة يا باشا كان 3.5 وممكن تركبه من غير الطلمبة ....بس لازم تفضى الزيت الى فى المساعد كله وتملى العلبة كلها شحم ( واحد من aussifrogs اقلى على الفكرة دى ) مش عارف هل ممكن تفك المساعد كله ولا لأ؟ هتأكدلك منها

اعتقد ان كل علب الـpower بتنزل 3.5 لفة

سلام عليكم

عمرو عمارة

thanks ya basha

خسارة انا معايا 504 1977
و نفسى اعمل و لو نص التعديلات اللى انتا عاملها دى
بس الكلام ده كله عايز و قت و تكاليف و فى النهاية العربية بتاعة الوالد و احيانا بياخدها منى لما يروح الارض ( ما هى دى بتاعت المهام الصعبة) يعنى برضوا ما اقدرش العب فيها
( دا احنا غيرنا الكربراتير بالعافيةو كلفنا 2000 لانه كربراتير ميه اما الكهربا اللى زى الاولانى كان معدى ال 3000 و مش لاقيينه)

و لكن ارجع و اقول برده انتاعندك حق تقول اركب جديد
يعنى انا مثلا عندى عيب فى مءشر البنزين و بقالى شهور و مش لاقىله اى حل و رحت غيرت العوامة و بردك العيب موجود " الموءشر بيزيد و يقل طول ما انتا ماشى مع التسارع و الابطاء و و المطبات و المنحنيات و المطالع و المنازل. بيلعب شويه يديك 10 لتر زيادة و شوية يديك 10 لتر ناقص. تجد التنك قرب يفضى فتدخل المحطة تمون 20 لتر فقط فيقفز الموءشر الى علامة نصف التنك او اكثر قليلا!!!!" و لم اجد الحل

على مدى ايام امضيتها مع الكهربائى فى تغيير الفيوزات و عمل سلوك جديدة لعلبة الكتاوت و الفوانيس و التابلوه و فصل نور الانتظار عن الكونتاكت و تقوية نور الاشارات و تغيير الفوانيس الخلفية باخرى كرستال و تغيير اللومض و تعديل وضع الفوانيس الامامية.
و ذهبت اشترى مكنة المرشديير بتاعة النور و بعد ما اشتريتها ركبت العربية ارجع للكهربائى
و بدور الكونتاكت يا معلم.... مفيييييييييييييش اى حاجة غير نور التابلوه
اتارى السلك بتاع اللقط وقع. دا شىء انا عرفته لما ربنا رزقنى بواحد كان جاى للراجل بتاع قطع الغيار بالصدفة و بص على عربيتى و ركب السلك تانى

و بعد كده و انا رايح للكهربائى الكلاكس علق ( كان فيوز بيستهبل)
المهم خليته يراجع سلك اللقط بالمرة و عمله كلبس جديد

النهارده و انا ماشى الفانوس الشمال رجع يطفى تانى فى النور الواطى ( عيب فيشة)

اما البلوة انى رحت اسال على فرش فى شارع دمشق بعد الساعة 12بليل ( كان فى سكتى و الجو جميل و الشوارع فاضية و شوفت كام محل فاتح)، سالت و رجعت و ركبت العربية و بدور الكونتاكت.... مش عايزه تدور
الكهربا شغالة تماما و العربية بتدور بس الموتور مش عاوز يدور و بديها بنزين و مفيش فائدة
كنت راكن ورا واحد و ظهرى فاضى فاديت مرشدير و دورت و سيبت الدبريج عشان العربية تنط لورا ( و كان حد ادانى زقة) و دارت و اظن ان العيب فى المارش.
و العجيب ان العيب لم يتكرر لما جربتها كزا مرة بعد ما وصلت.

قصدى اقول انى بقالى كام يوم عمال اصلح و اراجع الكهرباء و برده حصلى عيب كهرباء
و فجاة و عيب مالوش داعوة بالشغل اللى الراجل عملة ( و اللى حصل امبارح مع السلك يختلف عن اللى حصل اليوم مع المارش)
و ده يخليك فى عز ما انتا واثق ان العربية متظبطة من جميع الاوجه، بردك تخاف تسافر بيها لا تعمل فيك موقف بايخ زى ده و تخونك
للاسف كل اما تظبط حاجة تجد حاجة تانية خالص اتلخبطت و انا شايف ان دا اكبر عيب فى العربيات دى

بس انا معايه عربية بحالة جيدة و بينحطلها قطع غيار اصلية بصفة شبه دائمة، لكن انتا عربيتك عملت فيها تعديلات كبيرة تجعل منها سيارة اخرى على مزاجك و لو كنت مكانك ما كنتش افرط فيها

المشاركة الأصلية كتبت بواسطة Renamr

السلام عليكم

شكرا يا جماعة على تعليقاتكم الجميلة على السيارة وانا فعلا حزنت انى بعتها..... بس ما ندمتش!!!
تعالوا نتكلم فى الموضوع واحدة واحدة وبصراحة..

اولا.. احنا بنتكلم فى عربية عمرها اكتر من 30 سنة ..انت متوقع هى تمشى كام سنة كمان!؟؟
ثانيا..الناس الى شغالين فى قطع غيارها ( الوكالة - بورسعيد ) بدأو تدريجيا يبطلوا يستوردوا القديم مخصوص ( هم بيحطوها مع الحاجات الجديدة الى دخلة ) اكيد انتو عارفين ايهاب بيجو فى الوكالة دة شخص محترم جدا وما بيجبش الا الحاجة النظيفة ومعروف جدا نظافة بضاعته فى الوكالة....كلمنى هو من اسبوعين تقريبا ..انا قلت اكيد هيسأل عليا ويطمن ليه مابجيش اخد حاجة ....قلى انه فتح محل جديد فى الحرفيين وما بيشتغلش غير فى الحديث بس (405,406,307..وهكذا) انا قلت له انى بعت العربية..قلى انا عارف كده وده شىء متوقع
ثالثا..انهردة عشان تجيب قطعة غيار اساسية نظيفة وحالتها كويسة ممكن تلف كتير او تستنى بالشهور...انا استنيت 4 شهور عشان اجيب فتيس نظيف...وانا كنت باشوف حوارات وانا واقف عند الميكانبكى بين سواقين التاكس وبعض الملاكى انهم بيضوروا على وش سليندر نظيف ومعظم الى موجود متاكل والى نظيف صاحبه بيتانك وما بيقلش عن 3000 جنيه ( انا مش عارف ازاى يعمل 1000 بالفرنة ؟؟انت متاكد من الرقم دة؟؟)
رابعا..لحد امتى اوروبا واستراليا هيستمروا يدونا قطع ال504 وال505 ؟؟..خلاص العربيات دى بدأت تخلص عندهم والناس الى هناك الى معاهم العربية دى بيشتكوا مر الشكوة من عدم توافر قطع الغيار حتى انهم وصل بيهم الحال انهم بيشتموا العرب عشان بناخد منهم قطع الغيار ( انا كنت بحضر فى المنتديات بتعتهم وبدافع عن العرب خصوصا مصر وأقول لهم انهم من الاول لو مكانوش بيرموا عربيتهم فى الخردة او يبعوها وعرفوا ايمتها مكانتش وصلت عندنا ) حتى التجار هنا فى مصر بدأو يشتكوا من عدم توافر قطع الغيار بالخارج
خامسا..لحظتم فى الفترة الاخيرة ان سوق ال504 بداء ينزل حتى فى الاقاليم ...المعلمين والكبار عيزيين يركبوا مكيف وبالاخص الخنزيرة... انا مرة من سنتين حبيت اروح سوق السيارات واشوف عربيتى تعملها كام؟؟ انا كنت بتكلم من 45-50 والناس كانت بتفاصل ...لما بعتها السنة الى فاتت كنت طالب 45 والناس كانت بتسبنى وتمشى من غير حتى ما تعرف امكانيات العربية ( بعتها ب43 بالعافية لواحد غاوى 504 فى الشرقية عشان هى موديل 75 ) حتى ان الاقاليم نفسهم بيجوا عندنا عشان يبيعوا العربية

الحل الوحيد عشان العربية دى تكمل لازم يتعمل مصنع مخصوص لها يصنع كل شىء لها من المسمار الى الموتور وطبعا ده شبه مستحيل:(

انا يا جماعة بجد مش ضد العربية دى وبحبها جدا بس لازم نتكلم بطريقة عملية شوية
الجديد جديد برضه فى كل حاجة ( طبعا شرط الماركة المحترمة ) ال504 مهما عملت فيها بعد ال120 انسى الثبات وفى ناس هنا فى المنتدى عايزين يركبوا مواتير PRV6 و 505GTI ؟؟؟!!!
انا باجيب بعربية زوجتى الرينو كليو 1200cc 16V موديل 2003 على الطريق ما شاء الله 170 ومش مقلق
انقول كل شوية الكلام بتاع جدى وجدك العربيات الجديدة كلها ورق وصاجها ضعيف زى ماكون انا داخل احارب بالعربية :D

اسف على الاطالة لكن حبيت اشرحلكو وجهة نظرى مع احترامى الشديد جدا لمالكى هذا الاسد العملاق

بالقعل انت كده لييك في البيجو و لافف فيه كتير ... احب اقولك ان احنا تجار قطع غيار سيارات و فعلاُ اجزاءها مش موجوده ... و القطع غيار غاليه و مش موجوده .. بس وش السلندر بيعمل حدود 2500 بس
انا عندي بقي طقم الجنط ده .. و بعته بتاع 5 مرات و كل مره يرجع .. كل مره يرجع يقوللي ده 15 و نص ! ..كاوتشك كام و جبته بكام ؟
العربيه فعلاُ في السرعات العاليه ثبات مفيش و بتلاقي ان مؤجره العربيه بتترفع لفوق ... الموتور بتاعها سعره وصل 9000 جنيه ... مسطره التكيف مش موجوده و بادور عليها بقالي 3 سنين لعربيه عمي ... بس فيه نقطه .. انا بقي ليا سكك ان انا اجيب 504 قطع غيار استيراد .. بس غاليه برضه .. و السبب للاتجاه للجديد لان الجديد موجود بره .. و العربيات دي بتتعامل معامله الكلاسيك فبتبقي غاليه .. (انا من بني سويف و كان عندنا واحده عامله 35 الف كيلو و بعناها و ندمان بس علشان حالتهت كانت ممتازه)....
المهم انت معاك ايه غيرها ناو ؟

عندي سؤال أتمني أن أجد من الأخوة هنا أجابة له, هل يعرف أحد ميكانيكي "يفهم" في البيجو 504؟ و يكون موجود في مدينة نصر؟ حيث أن الميكانيكي الذي أتعامل معه بعيد جداُ عن سكني, علي الرغم من أنه يفهم في البيجو جيداُ, و علي الناحية الأخري عندما يقوم أي ميكانيكي و السلام باصلاحها لا تكون النتيجة مرضية مثل الميكانيكية المتخصصون في ال 504 . و شكرا

المشاركة الأصلية كتبت بواسطة egynoor

عندي سؤال أتمني أن أجد من الأخوة هنا أجابة له, هل يعرف أحد ميكانيكي "يفهم" في البيجو 504؟ و يكون موجود في مدينة نصر؟ حيث أن الميكانيكي الذي أتعامل معه بعيد جداُ عن سكني, علي الرغم من أنه يفهم في البيجو جيداُ, و علي الناحية الأخري عندما يقوم أي ميكانيكي و السلام باصلاحها لا تكون النتيجة مرضية مثل الميكانيكية المتخصصون في ال 504 . و شكرا

سيدى الفاضل. انا عربيتى 504
انا عندى ميكانيكى يعمل حاليا فى توكيل بى ام دبليو فى الصيانة
و كان فى السابق يعمل فى مرسيدس بنز فى المانيا
و عمل لفترة فى جاجوار ( اظن ايام ما كان لسه فى المانيا)
و عنده ورشة صغيرة فى الزيتون فى شارع طومانباى
و يعمل فى اصلاح جميع انوا3 السيارات ( من اول ال سيات و ال127 الى الجاجوار و البى ام)
و مش غالى و محترم و جدع جدا و بيفهم فى ال 504 جدااااا
كمان فيه قريب منه واحد بتاع قطع غيار بيجو يعتبر افضل من تعاملت معه فى مجال قطع الغيار فى حياتى
يعنى المكان ده ما يعتبرش بعيد عن بيتك ( ربع ساعة بالعربية) و هاتصلح عربيتك و تجيب قطع غيارك و مش هاتلف ( من الورشة الى محل قطع الغيار5 دقاءق) و بارخص سعر و احسن قطع غيار

المشاركة الأصلية كتبت بواسطة mollaELolla

سيدى الفاضل. انا عربيتى 504
انا عندى ميكانيكى يعمل حاليا فى توكيل بى ام دبليو فى الصيانة
و كان فى السابق يعمل فى مرسيدس بنز فى المانيا
و عمل لفترة فى جاجوار ( اظن ايام ما كان لسه فى المانيا)
و عنده ورشة صغيرة فى الزيتون فى شارع طومانباى
و يعمل فى اصلاح جميع انوا3 السيارات ( من اول ال سيات و ال127 الى الجاجوار و البى ام)
و مش غالى و محترم و جدع جدا و بيفهم فى ال 504 جدااااا
كمان فيه قريب منه واحد بتاع قطع غيار بيجو يعتبر افضل من تعاملت معه فى مجال قطع الغيار فى حياتى
يعنى المكان ده ما يعتبرش بعيد عن بيتك ( ربع ساعة بالعربية) و هاتصلح عربيتك و تجيب قطع غيارك و مش هاتلف ( من الورشة الى محل قطع الغيار5 دقاءق) و بارخص سعر و احسن قطع غيار

ممكن بياناته ؟ شكراً

تقصد التليفون و العنوان و الاسم و الحاجات دى؟
عموما هو اسمه نادر و مكانه شارع طومانباى فى الزيتون، و انتا ماشى فى طومانباى تسيب قسم الزيتون و تسيب تقاطع العزيز بالله و تمشى لغاية ما توصل تقاطع طومانباى مع شاريع الليث تجد بعد التقاطع ناس راكنة صف تانى و ورشة اصلاح رادياتير و ورشة نادر جنبها و بعد كده قهوة.

اما بالنسبة لبتاع قطع الغيار ( انا عارف انك شغال فيها يا عم xpert
لكن والله فرصة تتعرف على الراجل و يمكن تحب تتعامل معاه فى اى حاجة بعد كده)
اسمه " حمادة لقطع غيار البيجو" و مكانه بقرب سينما الزيتون و يديره الحج محمد البس

و مكانه ده يبعد عن ورشة نادر اقل من خمس دقائق ( حاجه كده فركة كعب) و متوفر فى المكان اكثر من كهربائى قريب ( دقيقتين) و محل اصلاح كاوتش و ترصيص و بيع جنوط
( فى شارع سليم جنب طومانباى على طول)

بس يا جماعة اللى يحب يتعامل مع نادر او مع حمادة يقول لان انا ليا معاملة خاصة و بتعامل معاهم انا و الوالد و جدى من زمان لان عندنا عربيتين 504 و كان عندنا واحدة تانية زمان . فيعنى احنا نعتبر حبايب و معرفة جامدة اكتر مانكون زباين عاديين فاكيد اللى هاييجى من طرفى هايهتموا بييه.