اسال فى شركة فيسكو افضل عن صلاحية الزيت لاى مواتير
رقم العضوية : 53711
تاريخ التسجيل : 23Nov2009
المشاركات : 4,227
النوع : ذكر
الاقامة : Alexandria
السيارة: my father's shahinS1.4 I.E
السيارة[2]: totaled
دراجة بخارية: لا يوجد
الحالة :
السلام عليكم ورحمة الله وبركاته
بصو يا جماعة ،، الموضوع بالمختصر المفيد ،، ان صاحبي أخوه عنده عربية دايو لانوس ،،
الراجل "أخو صاحبي و اللي هو صاحب العربية " مسافر حالياً بره مصر ،، و أخوه "اللي هو صاحبي" بياخد العربية عادي يروح الكلية و يقضي المشاوير ،، المهم جه ميعاد تغير الزيت ،، صاحبي أتصل بأخوه ،، و سأله الزيت اللي بيحطه أيه ،،
و بعد كده قاللي أنا حاحط الزيت و نوعه فيسكو ،، انا الحمد لله ،، بعد دوخان على مكان البيع بتاعه و أتأكد أنه مش مضروب ،، عرفت منفذ بيع ليه ،، قلتله تعالى معايا أوريهولك ،، قاللي لا لا ، أنا حروح بنزينه و أغيره ،، المهم راح لواحد بتاع زيوت عربيات ،، من المحلات بتاعت الزيوت اللي بتكون فاتحة دي ،، و قالله عايز فييسكو ،، المهم الراجل سأله عايز فيسكو كام ،، الواد معرفش و أتصل بيا ،، قلتله في فيسكو 3000 و ده بيعمل 5000 كيلو
الراجل أدهالو ،، و هو راسو و ألف جزمه أنه بيعمل 3000 كيلو ،، و انا أفهم في صاحبي على الموبايل ،، انه هو أسمه فيسكو 3000 بس مش معنى كده انه 3000 كيلو ،، لأنه بيعمل 5000 كيلو ،، أو لحد ملزوجته تروح معاك ،،
المهم أخده و حطه في البنزينه ،، سألته تاني يوم في الكلية ،، "هاا.. كعيت ال 125 جننيه !! "
رد عليا ،، "هاا.. 100 و كاام ،، لييييه دانا جايب الزيت ب 68 جنيه !!"
أستغربت ،، قلتله أكيد هزار ،، أكيد الراجل ضحك عليك و اداك زيت تاني !!
سألته لسه محتفظ بعلبة الزيت ولا ؟!!
قاللي أه ،، روحت معاه البيت "لأنه مكنش معاه العربية في اليوم ده "
و شفت العلبة
لقيتها "فيسكو ماكس كوول" بتااع المواتير الغاااز الطبيعي و يا لعبو ،، أنفجرت ضحححك
و الواد مش مصدق ،، رحت أخدته و طلعت على بنزينه أيسو في سموحة عشان جنب الراجل اللي بشتري منه الزيت ،، و سألت العامل ،، قاللي ده بتاع العربيات الغاز الطبيعي ... مش البنزين ،،
أزاي عامل الزيت حط ده في دي "قصده العربية اللانوس لأنها بنزين مش غاز" ؟!!! فضيه بسرعة أحسن يبوظ عربيته !!
رحت للراجل بتاع الزيت ووريته لصاحبي ،، و وريته أن العلبة اللي بشتريها بتكون متغلفة أصلاً بالمشمع ،، و أنت بتفكه و أنت واثق أن العلبة متفتحش قبل كده ...
سألته على السعر قدام صاحبي ،، بسس أتغبييييت و نسيت أسأله عن الماكس كوول ،، و هل ينفع للعربيات البنزين ولا ؟!!
و تمنه كاام عشان نعرف أزا الراجل ده أداله زيت مغشوش ولا ؟!!!
و صاحبي مفجووع فجعة القط لما يشوف الميه !!
وأحنا ماشيين أتصلت بواحد صاحبي معانا في الكلية ،، قاللي لا عادي ،، الزيت ده ممكن يتحط في مكنة بنزين عادي مش لازم غاز ،، هو بس بيكون ماكس كوول ،، بيبرد بسرعة عشان الغاز الطبيعي بيسخن الماكينة أكتر ...
و بقيت أنا و هو محتاارين ،، انه الصح و أنه الغلط ،، و هل ده السعر الحقيقي !! ولا الواد اتضحك علييه ؟!!
* صاحبي مرجح رأي العامل بتاع البنزينه لأنه عنده خبره ،،
* و أنا مرجح رأي صاحبي لأنه عنده خبره و لأن عمه عنده عربية شاهين تاكسي ،، و قاللي عمي بيحطه و العربية عنده غاز و بنزين ،، و بيمشي بالعربية غاز أو بنزين عادي ،، معنى كده أنه لما بيمشي عليها بنزين عادي ،، فمش مشكلة ...
المصيبه أنه مش قادر يغير زيت تاني ،، لأنه قاعد لوحده في الأسكندرية ،، و في اليوم ده غير زيت موتور و فيلتر و نظف دورة التبريد و حط ميه خضرة و غير زيت فرامل و زيت فتيس ،، من الأخر كععع فلوس كتير ،، و بكده مصروف العربية للشهر خلص تقريباً مفيهوش غير تمن تفويلتن كده .. و هو الفلوس بتنزله من والده في نص الشهر مش أوله ،، المهم هو محتااار بقاله يومين راكن العربية خايف يمشي بيها ....
و مش عارف هل يمشي بيها ولا ؟!!
ساعدوه بالله عليكم و قولولي أعمل معاه أيه ،، هل يفضي الزيت اللي في الموتور ،، ولا عادي كده ،،
و هل السعر ده الطبيعي للماكس كوول ،، مش المفروض أنه بيبرد أكتر من العادي ، ال ب 125 ،، يعني يكون أغلى منه ..
أنا شاكك أن الراجل أداله علبة فيها زيت مضروب .. بس هو قاللي ان العلبة كانت متبرشمة عادي .. مش عارف بقى...،، هو اللي مأثر في نفسيته ،، انه حس ان الراجل أستغفله لما لقاه بيتصل بيا و بيسأل على النوع يجيب 3000 ولا 5000
و أداله حاجة ضاربه و ضحك عليه،، و حاسس أنه وحيد و غريب في بلده مصر ،، خاصةً أن أخوه دلوقتي مسافر ...
ممكن تنصحوني أقوله يعمل أيه يفضي الزيت ولا يمشي بيه ،، و أيه الضرر...
جزاكم الله خير
ماشاء الله ولا قوة ألا بالله
رقم العضوية : 25216
تاريخ التسجيل : 15Nov2008
المشاركات : 14,019
النوع : ذكر
الاقامة : Haram & My mobile phone
السيارة: New Accent 08
السيارة[2]: Picanto 09
دراجة بخارية: no
الحالة :
اسال فى شركة فيسكو افضل عن صلاحية الزيت لاى مواتير
A.Saad
رقم العضوية : 69549
تاريخ التسجيل : 02May2010
المشاركات : 153
النوع : ذكر
الاقامة : مصر
السيارة: 20000
السيارة[2]: 15000
الحالة :
يا عم ما تحطش فى بالك زيت فيسكو زى اى زيت بينفع للبنزين والغاز بس هو اللى عنده غاز بيكون افضل ليه علشان بيستحمل سخونية وضغط الغاز اللى بيحصل فى الموتور نتيجة حرق الغاز انا عربيتى غاز وبنزين ودايما ماشى عليها بنزين وحاطط فيسكو ماكس كول وزى الفل والحمد لله ولو مقلق قوى اصبر عليه 1000 كيلو وغيره بس ما تقلقش ده كويس مش وحش
رقم العضوية : 53711
تاريخ التسجيل : 23Nov2009
المشاركات : 4,227
النوع : ذكر
الاقامة : Alexandria
السيارة: my father's shahinS1.4 I.E
السيارة[2]: totaled
دراجة بخارية: لا يوجد
الحالة :
شكراً للأخوة الأعضاء على سرعة الرد ،، أنا أطمنه دلوقتي أن شاء الله ،، الله يطمنكم ،،
ماشاء الله ولا قوة ألا بالله
رقم العضوية : 53711
تاريخ التسجيل : 23Nov2009
المشاركات : 4,227
النوع : ذكر
الاقامة : Alexandria
السيارة: my father's shahinS1.4 I.E
السيارة[2]: totaled
دراجة بخارية: لا يوجد
الحالة :
رقم العضوية : 21839
تاريخ التسجيل : 11Oct2008
المشاركات : 3,688
النوع : ذكر
الاقامة : cairo/ism3lia
السيارة: اوبل كورسا,كيا سيفيا
السيارة[2]: bmw 316I
دراجة بخارية: no
الحالة :
متقلقش انا اول مرة حطيت فيسكو كان الماكس كول و كان زى الفل ..
..لا اله الا الله ..
..سبحان الله و بحمدة سبحان الله العظيم ..
http://www.nilemotors.net/Nile/284167-3.htmlرابطة الوحوش ملاك السيفيا
رقم العضوية : 21839
تاريخ التسجيل : 11Oct2008
المشاركات : 3,688
النوع : ذكر
الاقامة : cairo/ism3lia
السيارة: اوبل كورسا,كيا سيفيا
السيارة[2]: bmw 316I
دراجة بخارية: no
الحالة :
رقم العضوية : 16190
تاريخ التسجيل : 11Aug2008
المشاركات : 3,764
النوع : ذكر
الاقامة : Cairo
السيارة: Ford Fiesta 98 1300
السيارة[2]: 128
دراجة بخارية: لا يوجد
الحالة :
هو بيتباع في بنزينات الغاز الطبيعي الليتر سايب بـ 12.5 اما العبوات معرفش و عموما هو زيت ممتاز ممتاز و بيعد في المواتير البنزين كويس قوي و في الصيف ادائة و عمرة عالي جدا جدا
الفورد عربية بشواتI'm not so Rich to buy Cheap thingsصرفت على 128 ضعف الي صرفتة على فورد في نفس المدة و عجبي
رقم العضوية : 53711
تاريخ التسجيل : 23Nov2009
المشاركات : 4,227
النوع : ذكر
الاقامة : Alexandria
السيارة: my father's shahinS1.4 I.E
السيارة[2]: totaled
دراجة بخارية: لا يوجد
الحالة :
شكراً للرد ،، طيب لو اللتر بيتباع سايب ،، العربية ،، الموتور بتاعها تقريباً يعمل كام لتر ....
عربية صاحبي دايو لانوس ،، 1400 سي سي القديمة
ماشاء الله ولا قوة ألا بالله
المفضلات