الموضوع: موقف ميتسوبيشى النهائى من مصر ومعلومات عن الوكيل الجديد دايموند موتورز

المشاركة الأصلية كتبت بواسطة a.gameil

السلام عليكم بشمهندس طارق ,
أنا سألت في مصرية على طقم سيور وبلية شداد علشان ده ميعاد تغيير السيور لكن التوكيل موش عاوز يبيع السيور لاني إتصلت بالمخازن قالي موش موجوده فقولته طيب انهم لازم بتغيرو قالي لو هتيحي تركب هنا ممكن ندورلك عليهم , انا بصراحه موش فاهم ده معناه إيه , يعني فيه ولا مفيش , ولو هأخد بمبدأ عدم الثقه المتوافر بين الشعب اليومين دول ممكن أشك إنه ممكن يركبلي سيور موش أصلي وضامن إني موش هعرف أراجع وراه لانى ببساطه مبقدرش أدخل الورشة , ده غير إنى سألت على سعرهم من فتره في مصريو كانو بـ 750 و بالتركيب يعملو 1200 جنية وممكن بالضريبة يعملو اكتر و ده رقم كبير بالنسبة لى و مصنعية كبيره أوى , ياريت لو حضرتك تقدر تساعدنى او حتى تقولى أرقام تليفونات دايموند موتورز الوكيل الجديد وانا احاول اشوف عندهم قطع الغيار اللي انا محتاجها و اكون شاكر لحضرتك

الفترة الحالية قطع الغيار الأصلية غير متوفرة بكثرة زي الأول ، طبعا لانقطاع العلاقة بين مصرية والبابان الا فيما يخص الضمان وعليه فشركة مصرية بتوفر قطع الغيار الأصلية من وكلاء الدول المجاورة وما زلنا ملتزمين بتقديم قطعة الغيار الأصلي فقط ، ولذلك فتقريبا تم ايقاف البيع المباشر لقطع الغيار والاكتفاء بتوفيرها لورش الصيانة الا في حالة الاصناف الغير مطلوبة التركيب في الورشة مثل الموديلات القديمة مثل الكريستالة فممكن تجدها في البيع المباشر

اما عن الوكيل الجديد فلا اعرف لهم ارقام تليفونات لأنهم لم يبدأوا العمل بعد وان كنت سمعت انهم على وشك البدء قريبا

شركة مصرية (الرواس) مستقر العمل فيها وما زال الضمان تبعها حتى تبدأ مراكز دايموند موتورز في العمل واعلانهم انتقال الضمان اليهم