الموضوع: موقف ميتسوبيشى النهائى من مصر ومعلومات عن الوكيل الجديد دايموند موتورز

المشاركة الأصلية كتبت بواسطة Hegazio

اللانسر القديمة طول عمرها 106 حصان صافي ( و ده الرقم الحقيقي لأي عربية عاوزة تتكلم بضمير ) أو 122 حصان اجمالي للموتور لوحده مش متركب عليه حاجة

اما الجديدة الشارك 1500 صحيح بس 109 حصان صافي و أدائه احسن من البومة .. تقريبا زي موتور هوندا القديم العظيم ال 1500

كلامك مظبوط يا كبير

للاسف ميتسوبيشى ولسبب ما قررت تغير كتالوج اللانسر 1600 لدول الخليج فقط وذكرت فيه القدرة الاجمالية ب 122 حصان بدل من 105 كقدرة صافية,شكلهم عملو كدة على سبيل الدعاية, بس فى الاخر الاجمالى 122 حصان بيصفى على 105 حصان NET HP

انا كنت عملت موضوع بخصوص الحوار ده عشان كان مضايقنى اوى الناس اللى بتقول ان موتور الشارك اى كلام وضعيف
اللينك بتاع الموضوع http://www.nilemotors.net/Nile/240674-a.html

فى الموضوع برده انا عامل UPLOAD لكتالوج لانسر وكيل وخليجى باين فيها موضوع NET و GROSS

كلمت ديتموند موتورز النهارده بعد ما سمعت إعلان بالصدفة على نجوم اف ام.
الرقم اللي كلمته 16606.
الراجل بتاع خدمة العملاء كان محترم ومهذب. أكد لي ان همه "الوكيل" الجديد (طبعا ده المصطلح الدارج بس مش الحقيقة بالضبط). قال لي ان عندهم بيع وصيانة عادي.
بس قعد يسأل أسئلة كتيييييييير عني وعن العربية.
لما قلتله عاوز أعمل صيانة ال130 ألف وان انا قريب من أبو رواش اداني عنوان وتليفون مركز الخدمة:
35390902/3/5/6
من السبت للخميس
من 8:30 ص الى 2 م!
الكيلو 28 مصر-اسكندرية الصحراوي قبل ستار بكس

تعليقي: الراجل ماكانش عارف أي حاجة عن مركز الصيانة.. أصلا قعد شوية لحد ما عرف يوصل لنمرة مركز الصيانة. أنا تصوري ان همه لسة بيبتدوا وبيبنوا قاعدة بيانيتهم (وفي الظروف دي البداية أكيد مش سهلة). احساسي ان هما هايركزوا على البيع والدعاية للعربيات الجديدة. الصيانة مش هاتبقى سهلة حتى لو كان مركز الخدمة عملاق (لسة ماغرفش عنه أي حاجه) وحتى بخبرتهم السابقة في الدول العربية وحتى لو عينوا مهندسين وفنيين من مصرية. السوق المصري كبير وصعب. ان شاء الله ناوي اكلمهم بكره علشان اروحلهم.
أحلى حاجة صراحة ان همه جنب الشغل والبيت. انا كنت استويت من مشوار القليوبية ده!