الموضوع: اقـــتـراح بـخـصـوص الـتـقـاطـاعـات و الاشـارات الـكـبـيـرة ...؟؟!!

بسم الله الرحمن الرحيم

السلام عليكم و رحمة الله و بركاته

و هابي نيو يير بما سيكون بعد 3 ايام ان شاء الله

المهم يا شباب انا عندي اقتراح بخصوص التقطاعات و الاشاارات الكبيرة
يمكن البعض يضحك و البعض يتريق عليه و يشوفوا انه حاجة غريبة و متنفعش
بس قولت اعرضه عليكم و تقولوا رأيكم فيه
و انا رسمته ع برنامج بينت ع اد ما قدرت

اولا : التقاطعات و الاشارات الحالية
7
7

هنتصور ان الاشارة اتفتحت للطريقين الاحمر و الازرق
و بالتالي العربيات هتمشي
لكن للأسف الازمة اللي بتخلي الاشارة توقف
ان اللي جايين من الطريق الاحمر عايزين يروحوا للشارع رقم 1
و اللي جاييين من الطريق الازرق عايزين يروحوا للشارع رقم 2
و بالتالي الي هيترتب ع ذلك ان المجموعة ديه و المجموعة ديهتقف في الوسط زي ما هو باين و يفضلوا يتكدسوا لحد ما الاشارة توقف و نسمع الزعيق و الكلاكسات و الشتايم بانواعها ده يغر اللي ساعات بيخبطوا في بعض
لحد ما حد من المرور يفكها او ينزل بني ادم محترم يحاول يحل الازمة ديه

------------------------------------------------

ثانيا : اقتراحي عشان المشكلة ديه
هو حاجة بسيطة لكن هتبقي مفيدة
و الصورة توضح
7
7

حد فاهم حاجة ؟؟!!!

ايه الماسورتين السخن و البارد اللي انا عملتهم دول

المهم ندخل في الموضوع

الموضوع ان هيتعمل زي كوبري مشاه لكن للعربيات و يكون ارتفاع اقل واحد فيهم 4 متر - 5 متر
يوصل من الشارع الاحمر للشارع رقم1
والعكس للشارع الازرق يوصل للشارع رقم 2
يبقي في الحالة ديه الجزء اللي في الوسط مش هيقف لأن العربيات هتمشي عالطول او تدخل يمينها او ياخدوا الكوبري البسيط ده عشان يروحوا الناحية التانية
و بكده حتي لو الاشارة وقفت لشارع الاحمر اللي عايز يرووح الناحية التانية هياخد الكوبري ينزل الناحية التانية و بزده اللي هيقفوا في الاشارة اللي عايزين يمشوا عالطول او يدخلوا يمين
لكن الناس هتقولي كدخ اللي عايز يدخل يمين هيتزنق عشان الاشااره
انا قولت حل من الاتنين لو المكان متوافر يتعمل زي فتحة جانبية عشان الي عايز يدخل يمين
و الصورة الجاية هي اللي هتوضح اصدي هتلاقوها مستطيل اسود و فيه سهم
و برده منستش الناس الغلبانة اللي بيحبوا يعدوا وسط العربيات و بيلعبوا باليه
يتعمل انفاق او كوبري مشاه بسيط ليهم و نقطة نزول او صعود الكوبري او دخول او خروج النفق هتلاقوها في الصورة متعملة بمربع بنفسجي

و اهي الصورة في النهاية بعد التطبيق
7
7

و بكده اللون الاحمر هيروح الناحية التانية و هيتعطل بتعطل الاشارة و الباقي كذلك
و الناس مش هتتعطل شعان تعدي عن طريق كوبري مشاه خفيف او نفق
و الدنيا هتمشي

و كل اللي هيحتاجوه الموضوع
كوبري خفيف هيتبني للعربيات لكن بقواعد قوية تتحمل
ان الشارع اللي هيتعمل فيه يكون عريض او يتوسع ( خصوصا الجزر اللي في وسط كل شارع و انا رامز ليها باللون الصفر في الرسم) بحيث انه يكون 4 حارات
حارتين للكوبري و حارتين للاشارة
كل كوبريين هيبقوا في مستور بعض
يعني ع سبيل المثال
كوبري الاحمر و الكوبري الازرق يكونوا ع ارتفاع 5 متر
و الكوبري الاخضر و البرتقالي يكونوا ع ارتفاع 9 متر - 10 متر
ع حسب بقي
و يتعمل 4 كوبري مشاه خفيف
او 4 انفاق مشاه (طبعا يكون فيه حد من الشرطة )
او 2 كوبري و 2 نفق
و الافضل فيهم يتعمل
مع اني شايف ان انفاق هيبقي احلي لكن محتاج حماية

يمكن الناس تتلخبط شوية في الأول لكن بعد كده لما يعرفوا و يفهمو القصة ماشية ازاي كل واحد هياخد حارته
و طبعا لازم يكون في علامات مرورية قبل الكوبري و الاشارة تقول اللي عايز يروح شارع او شمال يلزم الحارة الشمال عشان الكوبري اي كانت الصيغة بقي

يمكن تشوفوا الموضوع معقد شوية لكن هو بسيط جداااا

ها ايه رأيكم بعد القصة و العذاب اللي فات ده كله.....؟؟