العزم مش شديد !!!

**ISLAMNOSSIR** · 29-12-2010 06:54 AM

المشاركة الأصلية كتبت بواسطة ecybrarian

كل العربيات الانجكشن الطلمبة فيها تحت الكنبة في نفس الجنب بتاع فتحة التانك..الطلمبة استيراد بالعوامة بتعمل بتاع 700 جنيه..والطلمبة فقط الجديدة bosch بتعمل 230 جنيه..بس خللي بالك الطلمبات بتفرق في الضغط بتاعها بالبار psi.. مش عارف طلمبة بنزين الميجان كام بار الحقيقة..وخللي بالك فك الطلمبة دي بعدة خاصة..يعني مايضربش مفكين ويلف وشغل العك دا..واهم حاجة لازم تعرفها إن الطلمبة دي في قلب تانك البنزين..يعني تروح تعملها والتانك مش full وممنوع السجاير او قفلة كهربا اثناء الشغل في العربية...

انا عندى عوامة البنزين بتعلق يعنى مؤشر البنزين مش بيوصل للاخر و روحت للكهربائ معرفش يفكها بالمفك و الشاكوش

**pioneerahmed** · 29-12-2010 11:19 AM

المشكلة دى يا اما طرمبة بنزين و نصيحه اعملها فى فرنش موتورز هيغيرلولك الموتور بس ب 200 جنية و عندهم المفتاح بتاع الطرمبة الى بيفكها و الى استحالة تلاقية عند اى حد تانى غير التوكيل و المراكز المعتمدة

او مشكلة الكويلات الابدية فى الميجان

**ecybrarian** · 29-12-2010 08:40 PM

بص بصه على الموضوع دا http://www.nilemotors.net/Nile/193023-a.html

**ISLAMNOSSIR** · 30-12-2010 07:17 AM

المشاركة الأصلية كتبت بواسطة pioneerahmed

المشكلة دى يا اما طرمبة بنزين و نصيحه اعملها فى فرنش موتورز هيغيرلولك الموتور بس ب 200 جنية و عندهم المفتاح بتاع الطرمبة الى بيفكها و الى استحالة تلاقية عند اى حد تانى غير التوكيل و المراكز المعتمدة

او مشكلة الكويلات الابدية فى الميجان

عنوان فرنش موتورز فين و هل هم احسن ام الميكانيكيون العرب
هل بدفع ثمن للكشف اولا ؟

**ecybrarian** · 30-12-2010 10:37 AM

فرنش موتورز في شارع احمد عصمت..او في الرحاب مدير فرع الرحاب المهندس خالد الزيني..
الميكانيكون العرب ولا فرنش موتورز http://www.nilemotors.net/Nile/189616-vs.html

**Ahmedhussein007** · 30-12-2010 10:23 PM

المشاركة الأصلية كتبت بواسطة islamnossir

عنوان فرنش موتورز فين و هل هم احسن ام الميكانيكيون العرب
هل بدفع ثمن للكشف اولا ؟

اياك والميكانيكيون العرب ولا بيفهمو اى حاجه ابسط حاجه كنت مغير زيت من 2000 كيلو ولاحظت ان الماتور غرقان زيت من تحت ولاقيت الفلتر مش مربوط وسايب اللى ربط ربط بايده بس هو فيه كده ؟؟؟؟؟؟؟
روح فرنش موتورز احسن وبتبقى شايف اللى بيحصل فعربيتك احسن ماتقعد بره باشا وانت مش عارف حاجه عن عربيتك

**ISLAMNOSSIR** · 31-12-2010 01:23 AM

المشاركة الأصلية كتبت بواسطة ecybrarian

فرنش موتورز في شارع احمد عصمت..او في الرحاب مدير فرع الرحاب المهندس خالد الزيني..
الميكانيكون العرب ولا فرنش موتورز http://www.nilemotors.net/nile/189616-vs.html

لو تسمح يا ريت العنوان بالتفصيل عشان انا مش من القاهره

**byada10** · 31-12-2010 04:43 AM

المشاركة الأصلية كتبت بواسطة islamnossir

لو تسمح يا ريت العنوان بالتفصيل عشان انا مش من القاهره

و انت فى شارع جسر السويس ادخل فى احمد عصمت من اوله و ادخل تانى شارع شمال هتلاقى فرنش موتورز

**ISLAMNOSSIR** · 31-12-2010 06:21 PM

المشاركة الأصلية كتبت بواسطة byada10

و انت فى شارع جسر السويس ادخل فى احمد عصمت من اوله و ادخل تانى شارع شمال هتلاقى فرنش موتورز

انا من المحله الكبرى و باجى من الاسكندريه الزراعى و بطلع الدائرى اتجاه المهندسين او اتجاه مصر الجديده
فأختار اتجاه المهندسين ولا اتجاه مصر الجديده ؟ و ايه اقرب مخرج من الدائرى لفرنش موتورز ؟
معلش تاعبك معايا