مركز نايل موتورز لدهان وتجديد السيارات

**Karim_Monir** · 23-01-2011 10:21 AM

المشاركة الأصلية كتبت بواسطة bluerose

ألف مبروك, ربنا يبارك في المشروع الجديد
نيتك طيبة جدا
ليّ سؤال ممكن ناس تعتبره هامشي بس هو مهم لناس كتير
أنا باودي عربيتي بنفسي لكل حاجة, الصيانة و غيره, عشان كدا السمكرة و الدهان في التوكيل بالنسبة لي حل مناسب
هل التوجه للحرفيين ممكن يكون آمن لسيدة لوحدها؟؟؟ ولا تنصح انها تسيبها لحد تاني؟؟

الله يبارك فيك
التوجه بسيارة للحرفين من قبل سيدة لوحدها من غير ماتكون عارفة هي رايحة لمين ومكان امين دي مخاطرة كبيرة
لان رجالة بشنبات بيتضحك عليهم هناك فما بالك بواحدة مش فاهمة اي حاجة عن العربية
لو قالها اي حاجة هاتصدقها لانها ماتعرفش اي حاجة
وده كان سبب اننا فتحنا المكان ده

اما بخصوص السمكرة والدهان في التوكيل للاسف مخدوع فيه كثير من الناس لسببين
كتيرين بيشتغلو بالقطعة ومش فارق معاهم
يعني هو الرفرف مثلا ب 300 جنيه مع انه ممكن يكون محتاج شغل اكتر بكتير
او العكس مافيهوش شغل كتير
ثاينا صنايعية التوكيل مش مهتمين انهم يحافظو على العميل اطلاقا
لانه في النهاية عميل التوكيل مش عميله
تحياتي

**Karim_Monir** · 23-01-2011 10:24 AM

المشاركة الأصلية كتبت بواسطة abo_marem

بس اعذرنى يا اخى انا معرفش المكان الى اللى انتا فيه خالص لانى لسه شارى العربية ودى اول عربية ليا فمليش فى الحتت دى خالص زى الحرفيين ولا عزبة شلبى ولا مش عارف ايه انا معايا سكودا فليشيا ونفسى فى حد امين ي اكون معه على طول

بس عايز اعرف ايه النشاط بالظبط . هل ميكانيكا ودوكو وسمكره وكهرباء وكله نزل لنا النشاطات بالتفصيل لو سمحت

ومبروك مره اخره

الله يبارك فيك
الحرفيين غير عزبة شلبي غير اي مكان اخر
الحرفيين اخر جسر السويس ودي مدينة كاملة
النشاط دهان وسمكرة
لكن اللي مش هايعرف يتعامل مع صنايعية في اي نشاط تاني يقدر يسيب العربية واحنا نتعامله فيها او ندله مين الكويس يروح يتعامل معاه من نفسه

**Karim_Monir** · 23-01-2011 10:31 AM

المشاركة الأصلية كتبت بواسطة moh.fahmy

برافو عليك كريم باشا - سوناكس شركة محترمة جدا جدا و خاماتهم في منتهي الجمال انا بتعامل بيها من سنين - و بزور مهندس اشرف الفرعوني صاحب شركة الفرعونية اللي هي واخدة توكيل سوناكس في مصر من زمان و هو صديق شخصي ليا و هما ناس محترمين جدا و اساتذة في فنون تجميل السيارات
تخيل يا كيمو عندهم لوشن للعربية و حاطينه في علبة زي علب الميك اب عشان الخدوش الخفيفة انت ممكن تتعامل معاها لوحدك - و الشامبو بتاعهم في منتهي الجمال و الروعة و موجود منه دلوقتي في كارفور و ميزته انه فيه مواد شمعية كتير بتحافظ علي لمعان العربية و رونقها
بالتوفيق كريم باشا و ان شاء اقعد معاك قريب عشان استفيد من خبرتك في المجال ده

الله يكرمك يا باشا
وفعلا منتجاتهم فوق الرائعة انا بتعامل بيها في عربيتي من زمان
والخبير اللي كانو جايبينه فاهم وواثق جدا من منتجاتهم
ولما دردشت معاه طبعا فهمت كل عربية بتاخد قد ايه وتتعمل ازاي بالظبط
حقيقي شغل الاجانب حاجة تانية خالص
يعني البائع كان بيقولي تكفي لغاية 14 عربية
انا سالته عن الكمية لكل عربية حسب درجات الخدوش اللي بنشوفها في مصر قاللي لغاية 8 عربيات :-)
عشان كدة التكلفة ممكن تكون عالية لكن النتيجة اكثر من رائعة
خاصة للالوان الغامقة اللي بتبان في الخدوش والالوان الصريحة زي الاحمر والازرق

**novo** · 23-01-2011 11:02 AM

أستاذ كريم

هل حضرتك بتتعامل مع التأمين؟ يعني فيه فواتير و لا لأ

**Karim_Monir** · 23-01-2011 12:11 PM

المشاركة الأصلية كتبت بواسطة novo

أستاذ كريم

هل حضرتك بتتعامل مع التأمين؟ يعني فيه فواتير و لا لأ

فعلا ذكرت ان فيه تعامل مع التامين بفواتير
تحياتي

**Karim_Monir** · 23-01-2011 02:14 PM

دي صور اول عربية خلصت في الورشة
هنا قبل الشغل

وهنا اثناء الشغل بعد انتهاء السمكرة وفي مرحلة التحضير للدهان

**Karim_Monir** · 23-01-2011 02:20 PM

بعد الانتهاء من السيارة واثناء التلميع وعذرا ان الصور كانت بليل
وعلى فكرة الاكصدام الامامي المتقطع ده اتصلح تاني لان اكصدامها غالي
والفانوس اليمين اللي اتكسر ده اتعملو وش
لان فانوسا اليمين ب 450 صيني :-)

**ZALABANY** · 23-01-2011 02:45 PM

ما شاء الله يا كريم باشا شغل زي الفل ربنا يكرمك ويرزقك

-

-

الموضوع: مركز نايل موتورز لدهان وتجديد السيارات

LinkBack

أدوات الموضوع

عرض

-

-

-

-

-

-

-

المواضيع المتشابهه

مركز نايل موتورز لدهانات وتجديد السيارات

مركز نايل موتورز لدهانات وتجديد السيارات

مركز نايل موتورز لدهانات وتجديد السيارات

مركز نايل موتورز لدهانات وتجديد السيارات

البوم صور ورشه نايل موتورز لدهان وتجديد السيارات

الكلمات الدلالية لهذا الموضوع

المفضلات

المفضلات

ضوابط المشاركة