مركز نايل موتورز لدهان وتجديد السيارات

**Karim_Monir** · 27-02-2011 10:04 PM

المشاركة الأصلية كتبت بواسطة bassamhafez

اشكرك على الرد السريع

هو السعر عالي بس انا طبعا يهمني الجوده ومدام انت هاتكون ضامنه خلاص

بس حبيت اعرف هو ممكن يخلص في قد ايه

واروح لمين عشان انا لا اعرف شئ في الحرفيين غير الذهاب الى هناك فقط عند التوحيد والنور كده لكن غير كده ما فيش :)))

ولو ينفع اخلص الموضوع ده بكرة يبقى تمام عشان انا اجازة

روح عند التوحيد والنور وكلمني او كلم احمد هافهمك تعمل ايه او احمد يبعتلك صبي من الورشة ياخدك
بياخد يوم او اتنين
بس ممكن تكلم احمد لو مفيش ضغط شغل تيجي الصبح بدري ويخلصهولك في نفس اليوم
معلش ده شغل تجهيز مش رش بلدي في الشارع :-)

**Karim_Monir** · 27-02-2011 10:10 PM

المشاركة الأصلية كتبت بواسطة blackcode_80

السلام عليكم يا استاذ كريم
اولا بهنيك لتانى مرة على مشروعك و ربنا يباركلك فيه...
ثانيا ليا طلب بسيط...
فياريت حضرتك تعرفنى رش العربية هيكلفنى كام لو هرش ببوية نوع كويس والمصنعية وكمان هى فيها خبطة صغيرة فى الصاج من ورا ( نفس مكان باب تانكك البنزين بس الناحية التانية ) داخلة لجوه وعاوزة تترد

منتظر من حضرتك تفيدنى فى الاسئلة دى عشان اجهز واتكل على الله واجيلك...

وشكرا مقدما على مساعدتك

وعليكم السلام ورحمه الله
مبروك عليك السيارة والله يبارك في عمرك
لازم اشوف العربية الاول
لانها ممكن يكون فهيا دهان سابق ازالته تحتاج وقت اكبر ومجهود اكبر
ممكن مايكونش وحالة الصاج سليمة مش هاقدر سعر مظبوط
ممكن محتاج اعادة من السمكري يبص على الشغل والترييحات
عشان كدة ماينفعش اقول سعر مبدئي
اخر حاجة ماتقلقش من نوعية الدهانات والتخديم مطلقا وماك ضمان 6 شهور لو ظهر اي عيب في اللون حتى لو ارخص نوع دهان هاتتعاد تاني
لان المهم التخديم على العربية قبل الرش وبعده
دي اهم حاجة
وتقدر تيجي تشوف عربيات زمايلنا شغالين فيها وان شاء الله الشغل يعجبك

**Karim_Monir** · 27-02-2011 10:14 PM

المشاركة الأصلية كتبت بواسطة alomda1974

السلام عليكم يا استاذ كريم
اولا ألف مبروك على مشروعك و ربنا يبارك لك فيه...
ثانيا عندى استفسار من سيادتك...
عندى سيارة ريجاتا مو85 وحابب أشدها سمكرة ودوكو
ياريت حضرتك تعرفنى سمكرة ورش العربية هيكلفنى كام تقريبا علما بأن البرومة تحت الدواسة وفى البابين الأماميين فقط

وعليكم السلام ورحمه الله
الله يبارك في عمرك
تقدر تنورني في الورشة في ايا وقت
السمكري يبص على العربية كلها
ونتفق على الدهان اللي يناسبك
ونشوف البارومة واصلة لحد فين
ومافيش حاجة باذن الرحمن ما ببتعملش
كله بيتعمل وباللي يرضيك ان شاء الله
كلمني نتفق على ميعاد
0101263030

**Karim_Monir** · 27-02-2011 10:16 PM

المشاركة الأصلية كتبت بواسطة coolcheetos

استاذ كريم
عندى نيسان صنى 2002 واكتشفت تحت الكنبة فتحة عرضها 2 سم و طولها 20 سم روحت التوكيل قالولى ان ديه نتيجة حادثة قديمة وان ديه تتلحم بلحام ارجون مش عندهم و هلاقيه فى الحرفيين
فهل الاقى اللحام ده عند حضرتك و لو مش عند حضرتك الاقيه عند مين؟

بعز عربيتك دي جدا جدا من افضل ما انتجت نيسان
شرفني والصح يتعمل في العربية سواء ارجون او غيره

**BassamHafez** · 27-02-2011 11:32 PM

المشاركة الأصلية كتبت بواسطة karim_monir

روح عند التوحيد والنور وكلمني او كلم احمد هافهمك تعمل ايه او احمد يبعتلك صبي من الورشة ياخدك
بياخد يوم او اتنين
بس ممكن تكلم احمد لو مفيش ضغط شغل تيجي الصبح بدري ويخلصهولك في نفس اليوم
معلش ده شغل تجهيز مش رش بلدي في الشارع :-)

اشكرك

انا هرتب نفسي واروح هاكلمك ان شاء الله

بس يومين دي صعب عشان انا مش هقدر اسيب العربيه

ربنا يسهل وينفع تخلص في يوم

**eng_ghazaly** · 01-03-2011 05:08 PM

الصراحة ,,,,انا لما شوفت الموضوع استريحت ,,, و حسيت ان في امل الاقي حد مضمون و شغله كويس ,,, لان انا كان عندي حالة هسس لان قبل كده رحت لواحد سمكري و دهان عشان يضبطلي خبطة في الباب و يعدب حته في الشنطة و العتب ,,,, عمل الشغل على 3 مرات ,,, النتيجة ان بقى عندي 4 الوان في العربية اللون الاصلي في السقف و الكبوت و 3 درجات للون ده في حتت متفرقة ,,,, لغاية لما بقيت اشوف العربية اكتئب ,, انشاء الله اول ما ارجع القاهرة نتواصل و نضبط العربية

**COOLCHEETOS** · 01-03-2011 09:09 PM

المشاركة الأصلية كتبت بواسطة karim_monir

بعز عربيتك دي جدا جدا من افضل ما انتجت نيسان
شرفني والصح يتعمل في العربية سواء ارجون او غيره

اشكرك يا استاذ كريم
عربيتى اخرها خدوش وقدام شوية ابقى المعها ان شاء الله انما دى عربية صاحبى و هو عضو معانا فى المنتدى بس ما بيدخلش غير قليل وانا روحت معاه لقدورة امبارح و صاحبى قرر يعمل كل اللى فى العربية (العتب و لحام الارجون و رش رفرف و اكصدام امامى)
واتفقنا مع قدورة على يوم الخميس ان شاء الله نجيبها فى حدود الساعة 3 فهل حضرتك ان شاء الله تقدر تبقى متواجد فى الوقت ده

**Karim_Monir** · 02-03-2011 10:26 AM

المشاركة الأصلية كتبت بواسطة eng_ghazaly

الصراحة ,,,,انا لما شوفت الموضوع استريحت ,,, و حسيت ان في امل الاقي حد مضمون و شغله كويس ,,, لان انا كان عندي حالة هسس لان قبل كده رحت لواحد سمكري و دهان عشان يضبطلي خبطة في الباب و يعدب حته في الشنطة و العتب ,,,, عمل الشغل على 3 مرات ,,, النتيجة ان بقى عندي 4 الوان في العربية اللون الاصلي في السقف و الكبوت و 3 درجات للون ده في حتت متفرقة ,,,, لغاية لما بقيت اشوف العربية اكتئب ,, ان شاء الله اول ما ارجع القاهرة نتواصل و نضبط العربية

للاسف الشغلانة دي اهم حاجة فيها الضمير
لان الغش سهل فيها قوي
لكن عهد خدتة بيني وبين قدروة ان الشراكة دي ثالثها ربنا سبحانة وتعالى
ومتفقين على كدة
ورغم اني اعرف احمد قدورة من عشر سنين واكتر
الا انه مايمنعش اني اطب عليه في الكابينة وهو بيرش اشوف جايب نوع البوية اللي طالبة العميل ولا لاء
والحمد لله عمره ما خالف توقعاتي
واكبر دليل اني بدي ضمان 6 شهور على الدهان لو حسيت بفرق لون او بهت او غير

وجاتلنا عربية واحد زميلنا في المنتدى صعبت عليا
راششها سكينز عند واحد معندوش ضمير في الحرفيين
وواخدة منه 4 وشوية
والعربية كلها بوية عادة ويا دوب الورنيش اسكينز
والاسوء ان الدهان عررق
وطبعا جاي يحكيلي معرفتش اعمله ايه

-

-

الموضوع: مركز نايل موتورز لدهان وتجديد السيارات

LinkBack

أدوات الموضوع

عرض

-

-

-

-

-

-

-

المواضيع المتشابهه

مركز نايل موتورز لدهانات وتجديد السيارات

مركز نايل موتورز لدهانات وتجديد السيارات

مركز نايل موتورز لدهانات وتجديد السيارات

مركز نايل موتورز لدهانات وتجديد السيارات

البوم صور ورشه نايل موتورز لدهان وتجديد السيارات

الكلمات الدلالية لهذا الموضوع

المفضلات

المفضلات

ضوابط المشاركة