الموضوع: مركز نايل موتورز لدهان وتجديد السيارات

المشاركة الأصلية كتبت بواسطة cryptonx

شبه تجربة شخصية !

دخت ساعةكاملة علشان اوصل .. طبعا كريم شرحلي العنوان مرتين على التلفيون ... بس انا نظامي غريب شوية في السمع .. بسمع اول اتجاهين تلاتة ... و الباقي ببقى في مود " اه ... ايوة ... فاهم ... " و انا تايه اصلا :)

المهم الي يسأل ميتوهش ووصلت اخير و احلى حاجة في الورشة انها رغم انها وسط المعمعة بتاعت الحرفيين بس تحس برده انها معزولة شوية عن الدوشة والقرف الي برة و قابلت الاسطة محمد قدورة وشاف البلوة بتاعتي ...

وعاين .. طبعا العربية تقريبا حتترش كلها من غير السقف .. مع ان معظمها حاجات عبيطة بس بصراحة في كل شبر في العربية في حاجة .. حكة او خبطة صغيرة او حاجة داخلة جوة .

التكلفة بصراحة التقديرية كانت منطقية لكمية الشغل ... اعتراضي كان على حاجتين ... حاجة خاصة بالشغل و حاجة خاصة بيا انا
الي خاصة بالشغل انه قالي انها حتعد اسبوع - 8 ايام ... بصراحة انا عارف ان شغلها كتير ... بس اذا كانت حتعد 7 ايام علشان تترش يعني مش حاجة بايظة او ميكانيكة توقفها ..عنها ماترشت ... انا مبعرفش استغنى عنها يومين علي بعض :)

الي يغيظك بقى اني قلتله حشوف نظام شغلي و ارجعله تاني لو كدة ... و قعدت في البيت بعدها تقريبا 6 ايام كاملين بدون عربية او شغل علشان جالي تسمم من اكل زبالة برة ! ضربت نفسي 100 صرمة اني مودتهاش :)

اعتراضي التاني و ده كان شخصي مني او اعادة تفكير .. هي ان الاربع ابواب و الرفارف الخلفية والعتب والقوايم و السقف فابريكة .. و الي فيهم مش خطبات جامدة بس مبوظين منظرها .. فمش عارف هل تستاهل تترش ولا اسيبها كدة ؟ وهل لو فكرت ابيعها ابيعها كدة احسن ؟ علشان تبقى بالعقلية المصرية ... فيها حاجات فابريكة .. ولا ارشها انا انضف ؟؟؟

مش عارف قلت اتقل شوية كدة واشوف . وماشاء الله الورشة مليانة عربيات من جميع الفئات و كان في بلوة زي بتاعتي بس الشكل الاقدم بتتعمل فيها حاجة برده والله اعلم .

بص يا كيمو
انا بطلت اسمع كلام الناس في فابريكة وزفت واستمتع بشكل عربيت لغاية مابيعها
بس مش هارش سقف بس لكن غير كدة اللي بيتجرح برشه هو انا ناقص قرف
واديني راكب ولما اجي ابيع يحلها ربنا

بخصوص الوقت ممكن اقولك حل كويس
تجيبها يوم الاتنين الصبح بدري
قبل مارتوح شغل
ننجز فيها سمكرة وهي واقفة قدام الورشة
وفي نف الوقت الصنايعية بتسحق في الباقي
بحيث انك تروح الشغل من غير عربية 4 ايام
وجمعة وسبت اجازة
وان شاء الله تكون بتاخدها قبل يوم السبت
وهادخلهالك شغل سريع بس يكون الجو حلو عشان البطانة والمعجون يعضمو بسرعة
ولو هاتعمل انجز عشان الصيف داخل ومش هاتعرف تتحرك من غيرها وانت عطاط صيف كبير :-)