الموضوع: بصراحة لا تعليق

المشاركة الأصلية كتبت بواسطة A7mad_Nabil

معلش بس سؤال ، هو الضمان بتاع omatra كام كيلو ولا كام سنة وعلى إيه ؟؟
ومعلش يا yoko هو مش إنت كنت قلت إنك بتشوف طنابير و تيل جداد لأنهم برة الضمان أصلاً ؟؟

معلش يا أحمد بس أنا افتكرت ان انتو لقيتو البديل من TPC

أنا برضه مش عارف ايه اللى يثبت الضمان و على اية و ازاى نفرق بين سوء الاستخدام و عيوب التصنيع مثلا

و ايضا العمر الفتراضي لقطعة الغيار المعيبة اللي تم تغيييرها اللي ممكن نسميه بلغة العقود wear and tear


و علي فكرة أنا كنت فى مركز البرقان الاسبوع اللي فات و المهندس قاللي ان التوكيل موقف بيع التيل و الديسكات بتاعة اللينيا لأن عليهم مشكلة

يا جماعة ما حدش حصلو فى التوكيل ده اللى حصللى انا بقالى سنة و اكتر باروحلهم عشان مشكلة و مش عارفين يحلوها لحد اخر مرة من 3 شهور قالولى سيبها سيبتهالهم 4 ايام و قالولى المشكلة طلعت wiring و عملناها خدت العربية لقيتها زى ما هى و لمبة الموتور نورت تانى غير انهم بوظولى لوك الباب الخلفى و لقيت العربية عاملة 55 كيلو فى 4 ايام (أكتر من استخدامى) وقالولى كنا بنجربها زرار السنتر اللى كان فى المفتاح كان أصلا بايظ و ملصمه فكوه خالص و قالولى الموتور عايز عمرة (العربية كانت عاملة 115000 كيلو) عملت العمرة برة بألف و نص هم كانوا قايلينلى سبعة و كانو قايلينلى مروحة التكييف لازم تتغير بألف و نص نضفتها و ركبتها اشتغلت زى الفل و الراجل ما رضيش ياخد فلوس أصلا و لحد دلوقت العربية فيها ترتيلة بسيطة و لمبة الموتور اسبوع منورة و اسبوع مطفية بس انا خلا اتعودت ده طبعا غير موضوع التيل و الطنابير اللى كل الناس هناك بتشتكى منه
من الأخر التعامل مع التوكيل يبقى صيانة و بس للحاجات اللى امت متأكد انها لازم تتتغير غير كدة جهل مطبق و قلة ضمير سوبر

المشاركة الأصلية كتبت بواسطة yoko

ﻷ أنا هجيب ebc بس لسه التوكيلين الي في مصر مردوش عليا
ومفيش حاجة تثبت سوء الإستخدام من سوء التصنيع وكل التوكيلات بتلعب على الحته دي
ده كانوا عايزيني أغير الزمارة على حسابي سوء إستخدام!!! بس عملتها ضمان
موضوع وقف البيع ده معرفوش

خد بالك انا كنت بعت لشركة بستفسر عن الطنابير وجالى الرد ده

Hi Tarek

Thanks for your enquiry. Sorry for the delay in my response but we have just returned back to work following the Christmas holidays.

We do not supply EBC brakes as we consider them to be of very poor quality. Please see below for prices of the Brembo parts you requested.

Front Max discs - Special price - £105 plus UK VAT (20%)

Unfortunately we cannot currently supply Brembo pads for this application. Hopefully in the near future we will have some available.

Many Thanks

Steve Liversedge
Motorsport Sales Coordinator

Competition Braking Products
Unit 6 Easton Way
Colburn, Catterick Garrison
North Yorkshire
DL9 4GA


وكنت دخلت على كذا موقع لاقيت ان الناس بتقول ان الطنابير و التبل ال
EBC
بيخلصوا بسرعة والله اعلم


انا قررت ياهجيب

Brembo Max

or

Brembo standard


لسة بشوف مين احسن للعرابية علما ان لا يوجد

Brembo max for linea, only for bravo 1.9 multijet


انتا بعت لايطاليا تشتكى على المهزلة دى ولا لأ

واضح انها حاتقفل
حاجة تقرف بصراحة
انا متابع الموضوع من الاول و دمى محروق علشان موضوع تغيير الفرامل على 25000
مهزلة حقيقية
يعنى على صيانة ال 20000 الواحد يحوش بقى 6000 علشان الفرامل تيل و طنابير
ملعون ابوها عربية

يا جماعة حد تكون علاقته بلؤى الكينانى كويسة يتصل بيه يستشيره فى الخيبة المتوقعة اللى كلنا وقعنا او حانقع فيها