الموضوع: مشكلة محيراني في شيري a11

المشاركة الأصلية كتبت بواسطة ahmed2801

طريقة نظافة حساسات البنزين وبوابة الهواء

فى السيارة شيرى a11


مهداه لكل الاخوه الافاضل ملاك الشيرى

1) ح تحل فيشة الكهرباء لكل من الحساس 1 و 2 .
2) حل مسمارى الحساسين وأحتفظ بهما فى مكان آمن.
3) ح الكلبس رقم 3 وشد الخرطوم رقم 4.
4) بعد ما تحل الخرطوم ويستحسن من الجهتين حتلاقى البوابة امامك مباشرة.
5) ح تشترى الكترك كلينر من غير زيت بـ 6.5 جنيه.
6) ح ترجه وترش على البوابة حتلاقى كربون كتير بينزل نشف ورش تانى وافتح البوابة بايدك واقفلهامن السلك اللى ف الجنب لحد ما تنضف ورش من فتحة الحساس رقم 2 علشان ينظف سكة السلانسيه.
7) اغسل الحساس رقم 2 بالأسبراى نفسه من الداخل والخارج جيدا.
8) وأغسل الحساس رقم 1 ايضا.
9) أعد تركيب الحساسات زى ما كانت وخرطوم الهواء الكبير.
10) ركب فيش الكهرباء.
11) اعمل ايديال ليرن للحساسات (أفتح الكونتاكت لمده خمس ثوانى لحد ما تطفى كل اللمبات وأقفله تانى وكرر هذه الخطوة اربع مرات).
12) دور العربية عادى زى ما بتدورها كل يوم.
أعمل حسابات البنزين وقولنا عملت اية

أ

السلام عليكم يا باشمهندس احمد الميكانيكى عمل الموضوع دة عندى بس فى الحساس رقم 2 بس ومرديش يعمله فى الحساس رقم 1 وقالى بيبرجل العربية مش عارف اية رأى حضرتك موضوع البنزين مش حاسس بتغيير ولو انى حاسس ان الاستهلاك زاد . وان شاء الله هعمل موضوع مفصل عن زيارة الميكانيكى للسادة الزملاء للافادة

شوفى ميكانيكى تانى وخليه يكشف على ساعه الزيت ويشوف ضغط طرمبة الزيت