اقتباس المشاركة الأصلية كتبت بواسطة rerii مشاهدة المشاركة
على كده بقى يبقى الواحد يسقط مكنة اسهل ؟؟؟
تمام هتغيرى مكنة اسهل هل انتى واثقة من الماتور دة انة يبقى زى الفابريكة

الموضوع دة يبقى سهل امتى لو بتجيبى ماتور بدون كنترول او ماتور مافيهوش حساسات يعنى كربراتير عادى لان فية هاف انجيكشن وفية كربراتير بفيش زى اللى عند حضرتك فى اللانسر

لكن لو ماتور فية كنترول هيبقى صعب جدا يتجرب الا لما يركب كامل وكل حاجة تتوصل عشان كدة بتوع قطع الغيار بيخلوا الضمان بتاع المواتير المستعملة اسبوع بتروحى فيهم تعملى كبس للمكنة الاول عشان تشوفى ضغط الماتور ونسب احكامة وبعد كدة تسمعى صوت الماتور وتغيرى الزيوت والسيور والبوجيهات يعنى تكلفة الف جنية فوق تمن الماتور

التكلفة هتبقى اغلى طبعا للماتور الاستيراد

والتكلفة هتبقى قليلة بالنسبة للماتور اللى اتصلح

بس فية حاجة لو الماتور اللى بيتصلح دة لازم الوش بتاعة يتخرط ويتركبلة جوانين والكلام دة يبقى دة يترمى احسن

او يتم شراء بلوكة فقط ويتم تركيب مجموعة التغذية بتاعتة يعنى هيتم توفير الف ونص من تمن الماتور كامل