أخيراً... تم التعاقد على لوجان 2011

**hragheb007** · 05-01-2011 06:53 AM

المشاركة الأصلية كتبت بواسطة ahmedabotalb33

انا مبسوط جدا انى اول واحد بقولك
مبررررررررررررررررررررررر ررروووووووووووووووووووووو ووووك
انا كمان حاجز سانديرو بس الاستلام اتاخر شكلى كده مش حستلم الا اخر الاسبوع الجاى

الله يبارك فيك يا باشا مشكور على روحك الجميلة ديه ، و إن شاء الله مبروك عليك السانديرو و تستلم قبل ميعادك إبقى طمنا عليك

المشاركة الأصلية كتبت بواسطة gebreel

الف الف مروك يا راغب باشا و ان شاء الله ربنا يباركلك فيها

الله يبارك فيك يا أستاذ جبريل

انا معايا الفضي و بصراحة مريحني من حيث النضافة و البترولي حلو جدا عليها

ربنا يباركلك فيها و يديك كل خيرها و يبعدك عن شرها ، بس أنا كنت ميال للألوان الغامقة أساساً كنت هجيب الأسود بس التراب هيبهدلها كل شوية فقولت الرمادى قريب من الأسود و مش هيبان فيه التراب زى الأسود

بالنسبة للاستلام استلم بالنهار
- لف حوالين العربية 7 لفات و ركز على كل صغيرة و كبيرة
- يكون معاك cd اوديو تجرب بيه السي دي
- تجرب التكييف سخن و ساقع و على كل سرعات المروحة
- تجرب الانوار و الكلاكس
- تراجع على الاستبن انو نفس الماركة و نفس المقاس
- هتلاقي الاريال محطوط يا في شنطة العربية يا في الدواسة اللي جنب السواق
- تجرب المفتاحين و الريموت
- ضمان الكاسيت و العربية و المانيوال بتاعها
العدة (الكوريك و القطرة)

يا ريت تقولي أيه القطرة ديه

- جرب الازاز و المرايات
- افتح الكابوت راجع على السوائل
- راجع على الكيلومتر بتاع العربية انو ميبقاش عالي

أخر الكيلو متر يبقى كام

- اطلب منهم انك تستلم عربية مكانتش معروضة و يجيبوهالك من المخزن
- ادخل المعرض امضي على محضر الاستلام و لو فيه اي حاجة و مصمم تستلم اثبتها في المحضر
- ورق العبية عادة بياخد من يومين او 3 الى اسبوع

بتاخد الورق و تطلع على المرور اللي انت تابع ليه على طول و هتلاقي اجراءات و تكلفة الترخيص في الموضوع ده http://www.nilemotors.net/nile/100465-2010.html
ده في حالة ان المعرض جابلك شهادة البيانات لو مجبهاش بتطلع الاول على مرور بين السرايات علشان ده اللي التوكيل تابع ليه بتجيب شهادة بيانات تقريبا ب 5 جنيه و تطلع ترخص عادي

الكماليات بقى: تركيب فرش نضيف
- باركنج سينسور
- fm transmitter نضيف
- معطر للعربية حلو كدة

و اخيرا و اهم حاجة انك تجيب لفة =)

يا حبيبى العربيه عربيتك و أنا اللى اخد منك لفة :f_eyeb1[1]:

الف مبروك يا باشا و معلش طولت عليك

الله يبارك فيك و طولت عليا أزاى بس ده كفاية تعبك معايا ، متشكر جداً يا أستاذ جبريل

المشاركة الأصلية كتبت بواسطة gebreel

فيه عندك الراديو شاك و ده سعره تقربيا 140 جنيه
و فيه الانفينيتي و ده اللي عندي بريموت في الدريكسيون و كارد ريدر و وصلة للmp3 او الموبايل ب 50 جنيه

شكله جامد الأنفينيتى ده يا ريت تقولنا منين بالظبط يا جبريل باشا

المشاركة الأصلية كتبت بواسطة dr.karim emam

ألف مبروك مقدما و ربنا يتمم على خير

و إن شاء الله يكون الكاسيت بتاعك mp3 مش audio بس

الله يبارك في حضرتك يا دكتور ، و هل في منها mp3 فعلاً و لا كله أوديو

أحب أضيف حاجه بسيطة أن سعر العربية هيغلى يا أما النهارده أو اليومين دول هيبقى 69500 جنيه

و أتمنى ألاقي باقي الوحوش و يقولونا رأيهم برضه
بجد بجد أنا بشكركوا من كل قلبي

**gebreel** · 05-01-2011 09:53 AM

المشاركة الأصلية كتبت بواسطة ahmedabotalb33

الف شكر لاهتمامك طيب راى حضرتك الانفينيتى ده صوته نقى ولا اجيب بتاع راديوا شاك وايه الفرق بينهم معلش انا تقلت عليك

يا باشا مفيش تتقيل ولا حاجة

الانفينيتي صوتو تحفة و الراديوشاك مع واحد صاحبي حاسس ان مفيش فرق بينهم بالعكس انا حاسس ان الانفينيتي البيز فيه واضح عن الراديوشاك

المشاركة الأصلية كتبت بواسطة hragheb007

أحب أضيف حاجه بسيطة أن سعر العربية هيغلى يا أما النهارده أو اليومين دول هيبقى 69500 جنيه

و أتمنى ألاقي باقي الوحوش و يقولونا رأيهم برضه
بجد بجد أنا بشكركوا من كل قلبي

القطرة دي يا باشا بتتجط في العرية لو لاقدر الله احتجت انك تتقطر او تقطر حد بيبقى عبارة عن هوك كدة بيركب في الاكصدام بيبقا ليه فتحتين واحدة في الاكصدام الامامي و واحدة في الخلفي بيبقى محطوط عليها كوفر بنفس لون العربية بتلاقيه كدة مربع قدام و ورا

اخر الكيلومتر ملو مقياس يعني مثلا محمد زكي بيجيب العربيات على كساحات فتبقى عاملة 8 كيلو او 15 كيلو بالكثير
انا علشان عربيتي كانت اتاخرت و عملت مشكلة هناك فبعتولي واحد جابها من التوكيل سواقة علشان مش هيطلعولي كساحة لعربية واحدة بس فكانت عاملة 50 كيلو

بس ايه بقى حوار الزيادة دي بامارة ايه ان شاء الله جمارك و العربية معفية منها و بيع و العربية بتبيع

مين اللي قال لحضرتك المعلومة دي؟!!