أخيراً... تم التعاقد على لوجان 2011

**hragheb007** · 06-01-2011 12:02 AM

المشاركة الأصلية كتبت بواسطة karamela

ألف مبروك و ربنا يباركلك فيها و يكفيك شرها إن شاء الله أنا لسة مشترى من عند سمير ريان لوجان 2011 كاملة فيرانى رحت يوم الجمعة إتفرجت و حجزت واحدة كانت بالحظ أخر واحدة عندة بالمخزن بالمواصفات المطلوبة و إستلمت يوم الأحد و رخصت اليوم و الحمد لله
سمير ريان معرض رائع بس يعيبة بطء الأجراءات و دة ناتج من الزحام عندة ( اللهم لا حسد ) بس الناس اللى هناك محترمين جدا
بالنسبة للون أنا كنت زيك حيران جدا ما بين الفيرانى و الفضى و البترولى و لكنى أستخرت الله و أخترت الفيرانى و فى الأول و الأخر الأمر متروك لك و ألف مبروك مرة ثانية

الله يبارك فيك يا باشا و مبروك عليك أنت كمان و يحفظ من شرها يا رب و يمتعك بكل خيرها بس أيه اللي أخرك يا ترى فى الترخيص من الأحد ليوم الأربعاء

أنا برضه كنت محتار زيك لحد ما استقريت بفضل الله على الفيراني بس للأسف ما فيش عنده غير فضي دلوقتى :( و العربيات فى ميناء الأسكندرية و هتوصل على الأحد تقريباً إن شاء الله ، بس بكره هيعملوا محاولة إن شاء الله هيحاولوا يجيبولي الفراني

الحمد لله موافقة بنك القاهرة جت النهاردة في إنتظار الاقي اللون الفيراني إدعولي يا وحوش يلاقوها بكرة عشان أنا يوم الأحد أجازة و عاوز ألحق استمتع بيها اليومين الاجازة دول

**karamela** · 09-01-2011 01:46 PM

المشاركة الأصلية كتبت بواسطة hragheb007

الحمد لله موافقة بنك القاهرة جت النهاردة في إنتظار الاقي اللون الفيراني إدعولي يا وحوش يلاقوها بكرة عشان أنا يوم الأحد أجازة و عاوز ألحق استمتع بيها اليومين الاجازة دول

ها يا باشا إستلمت ولا لسة أنا أسف على التأخير فى الرد إللى خلاتى أتأخر فى الترخيص ليوم الأربعاء إن الورق ما جاش غير الثلاثاء بالليل فرحت الأربعاء على طول
ماتنساش و إنت بتاخد العربية من سمير ريان إن شاء الله تاخد الهدايا أنا أخذت غطاء و دواسات و ميدالية و فواحة و لم مرضوش رخم و غتت عليهم و طمنى لما تستلم