الموضوع: جهاز أمنى سيادي يواصل التحقيقات مع المسيحي مالك السيارة الملغومة

المشاركة الأصلية كتبت بواسطة بحري

فعلا الصور دي لدير مارمينا مش لدير أبو مقار
دير أبو مقار مساحته ٢٧٠٠ فدان
ودير مارمينا مساحته ٦٠٠ فدان فقط
ده طبعا غير بقية الأديرة زي أبوفانا مثلا ومساحته هو الآخر ٦٠٠ فدان

والفدان بيعمل ٤٢٠٠ متر مربع..يعني بحسبة بسيطة تقدر تعرف المساحة

تصدق معلومات جديدة بالنسبة لى! ... بس اللى أعرفه إن دى كلها بتبقى أراضى زراعية مملوكة لمسيحيين فى قرى حول الدير مش للدير نفسه و الا كانت راحت فى عهد جمال عبد الناصر.

بالنسبة لدير مارمينا فهو فعلاً عمل مصانع أغذية قريب و انتاجها بيتوزع ... المصانع دى ميزتها انها بتشغل ناس بسطاء كتير و انا اعرف ناس كانت حالتهم صعبة اوى و راحوا و لقيوا شغل هناك.

المشاركة الأصلية كتبت بواسطة islam_galal

لله الأمر من قبل و من بعد ، يا ريت المسلمين يقروا الموضوع ده قبل المسيحيين
نفسي أعرف بتعتذروا عن إيه !!!!!!!!
يا سيدي تعاطف و ارفض و و و و . . . لكن تنازل و تخاذل لأ

عمل إجرامي و لو بإيدي كنت قطعت رقبة صانعه سواء كان مسيحي أو مسلم
لكن برضه أعتذر ليه

نحن قوم أعزنا الله بالإسلام فلو ابتغينا العزة في غيره أذلنا الله

هنقل لحضرتك رد ليا فى موضوع آخر

"برضه مع إحترامى لكل كلامكم .. مننساش إن الأمن هو المسئول الأكبر عن ما حدث ... ولازم يبقى فيه محاسبات لقادة قوات الأمن فى مصر .. ولا هما مش فالحين غير يتشطروا عالمعارضة و الإخوان!!! و فين المخابرات بتاعتنا؟؟؟
بره بيسيبوا أى متشدد أو متعصب يعمل اللى هو عاوزه بحرية لكن أول ما فكره يحيد و يتجه لإيذاء الآخرين بيتقبض عليه على طول .. هنا ولا عارفين يقبضوا عليهم قبل ولا بعد .. هو فى ايه؟

معلش يا جماعة .. إخوانى المسلمين اللى هنا .. إنتوا بتظلموا نفسكم لما بتحطوا نفسكم فى نفس خانة اللى بينفذوا التفجيرات دى ... كلنا عارفين أصلهم و إن كان الإسلام مبررهم لسفك الدماء فأنتم أكدتم مئة بل ألف مرة إن الإسلام منهم و من أفعالهم براء .. فلا داعى لإعادة نفس الكلام و التأكيد على ما نحن متأكدين منه بالفعل ... لم يقصد إخوانى المسيحيين هنا توجيه الإتهام لكم أو لدينكم. "

المشاركة الأصلية كتبت بواسطة dr-mohamed

يقوم المسيحيين بتقفيل الشوارع وتكسير السيارات وضرب الامن عند كل مشكلة ويفرج عنهم بعدها بايام

كلنا بنرفض اللى حصل ده ... و جاتلنا نشرات كتير إتعلقت فى الكنيسة إن الشباب يبعدوا عن المظاهرات و التخريب لأن ده المفروض مش من تصرفاتنا و هقول لحضرتك موقف مكتوب عندنا فى الإنجيل جايز يوضح ايه اللى ديننا بينصح بيه فى المواقف دى "تقدموا وألقوا الأيادي على يسوع وأمسكوه. وإِذا واحد من الّذِين مع يسوع مد يده واستل سيفه وضرب عبد رئِيسِ الكهنةِ، فقطع أُذنه. فقال له يسوع: رُدَّ سَيْفَكَ إِلَى مَكَانِهِ. لأَنَّ كُلَّ الذين يأخذون السَّيْفَ بِالسَّيْفِ يَهْلِكُونَ!" ... كل دى تصرفات هوجاء من شباب متحمس.
و معلش اللى حصل برضه مش هين و كان ممكن أى حد فينا يكون مكان اللى اتقتلوا فى الإنفجار ...

رجل دين مسلم او عالم مسلم يقول كلمة غير متحيزة تنقلب عليه الدنيا ورجال دين مسيحي يكفرون المسلمين ويدعون ان البلد لهم وان المسلمين سيرحلون كما رحلوا من الاندلس

حضرتك قصدك على كلام الأنبا بيشوى ... هو قال ان كلامه تم تأويله عن طريق الصحف و الموضوع ده إتناقش كتير لكن دى مش حالة عامة

رجال اعمال مسيحيين مسيطرين على معظم اقتصاد مصر كما قال البعض هنا وهي حقيقة

كل ده ومضطهدين ؟؟؟؟؟؟؟؟؟؟؟

يا رب المسلمين في مصر يبقوا مضطهدين بنفس طريقة اضطهاد المسيحيين

البسطاء كتير ... و المقصود بالاضطهاد هو التمييز بناء على الدين و ده واضح أوى فى الحقوق المدنية و أنا عن نفسى بدأت الاحظ ده فى بعض تعاملاتى لكن بعرف اتصرف .. غيرى ميعرفش.

حضرتك بتركز أوى على رجال الأعمال و كأن كل المسيحيين تحولوا لرجال أعمال ... دول مش حل مشاكل المسيحيين فى مصر و نجيب ساويرس بكرة مش هيتبرع بنص أمواله للمسيحيين يحلوا مشاكلهم! ... مطالب المسيحيين مش فلوس مطالبهم حقوق.
أتمنى حضرتك تكون فهمت انا اقصد ايه.

المشاركة الأصلية كتبت بواسطة col. Eng. Khaled

خد حضرتك دي :-

منتدى الحوار الاسلامى - منتديات الحق والضلال

سيادة العقيد ببحث بسيط عالنت هتلاقى عشرات المواقع المقابلة من شباب مسلم و فيها نفس الكلام ده.

يا ريت بلاش النظر من اتجاه واحد