الموضوع: أحسن و أسوء توكيل سيارات

اسوا توكيل اكيد توكيل لادا واكيد توكيل جيلى القديم
احسن توكيل اعتقد توكيل مرسيدس او البافارية bmw

شكرا يا مودي باشا علي المرور

بالنسبة لتوكيل الهوندا مثلا :
كنت في توكيل هوندا اللي في التجمع الخامس ( و طبعا تهنا كتييييير قبل ما نوصله) ... المهم ... المعاملة جيدة جدا و ناس بشوشه كدة أول ما تدخل ..
مهندس الاستقبال اللي كان قاعد ...طلعت عينه أسئلة و الراجل الصراحة كان بيجاوب عليا بتوضيح لكل حاجة ... خد العربية و كل حاجة تمام و عمل كل حاجة و وقفنا مستنيين العربية تطلع هي عربية سيفيك سوداء 2007 ... المهم أحنا كنا هنضف العربية و كان الناس اللي هتنضف بيستنوا شوية و الناس اللي مش هتنضف تستلم عربيتها و تمشي ... المهم كله مشي ما عدا احنا و واحد تاني مكنش هيغسل عربيته ..... و بينادي غلي الراجل عشان يطلعله العربية .... محدش رلضي يطلعهالو ... فيين و فيين لما طلعوها ... العربية بسم الله ما فيهاش خدش في وشها و فيها لسة طبقة النعان اللي في عربيات المعارض ... و نبص ورا بقة .... العربية مش مخبوطة ..... لأ دي متخرشمه والله ... اكصيدام واقع و رفرف وراني متبهدل و الشنطة
الراجل اللي كان سايقها تقريبا كان بيحاول يخبي عليها .....كان موقفها بزاوية بحيث أن صاحبها ميشوفهاش بس شافها و الراجل بتاع التوكيل بيقله مش مننا و الراجل يقول لأ منكوا .
... المهم صاحب العربية دخل التوكيل .. كانوا خلاص بيقفلوا كانت الاعة داخلة علي خمسة .... و جاب كل مهندسيين الصيانة و الاستقبال و قالهم : تعالوا شوفوا حل .... المهم بعد الكلام الكتييير و كدة .. صاحب العربيية مصمم أنه ياخد واحدة تانية و المهندسيين بيقولوا نصلاحهالك .. المشكلة الوحيدة أن الخبطة جت في الرفرف :( يعني رش و قرف :(

بس يا تري ... دا نقول انه عييب توكييل ولا عييب شخصي من واحد شغال هناك ؟؟؟

معلش طولت :)

من اسؤ التوكيلات شركة الامل بتاعت لادا و غبوووووور :)

من احسن التوكيلات توكيل تويوتا و دايهاتسو و رينو و هوندا( بس محسوكين شوية بتوع هوندا فى حوار الضمان)

بس غبوووور بيعرف يسوق صح

توكيل لادا تخييط ومبيفهموش العميل عايز أيه ولا يرضى العميل أزاى
ليا زميل جايب 2007 روسى راح وأتنصب عليه فى تغير زيت وفلتر
150 جنيه ومظبطلوش أى حاجه واتخانق وهلل ومفيش فايده
وفى لأخر جه عملها عند ميكانيكى وقال طوز فى الضمان