السلام عليكم ورحمة الله جميعا

الاستاذ abojessy

تحية طيبة وبعد سلامى لك ارجو ان تذكر حديثى معك سابقا اننى عند النزول لمصر فى اجازة سوف اذهب لرؤية التطور الصينى فى السيارات والتى تمثلة السيارة البى واى

موقع التجربة
مدينة الاسكندرية وبكل اسف المدينة الحزينة بعد ان كانت العروس اصبحت اسميها الارملة الحزينة وادعوا الله ان يزيح تلك الازمة واعذى كل من مات من المسيحين والمسلمين وخصوصا صديق العمر والطفولة ماجد والتى اصابت كنسيتة تلك الازمة والعمل الارهابى النذل واعذى كل بيت مسيحى دخلت فية معك يا ماجد واكلنا ولعبنا معا فى باحة الكنيسة واعذى الاباء والراهبات للكنيسة التى لم اشاهد منهم غير الخير والحنان واعذى عم جرجس الخياط وزوجتة الطيبة والتى ترفض زوجتى الذهاب عند اى خياط غيرة وتفولى بالحرف الواحد عم جرجس وبس اى خياط تانى لا لكى الله يامصر من الجهلة وادعياء الدين المتشددين والمتاجرين بالدين ونحن اتباع محمد صلى الله علية وسلم نعلن برأتنا من كل من قام بهذا العمل الجبان الخسيس


نرجع للموضوع الاساسى وتجربة التجربة المتجربة

البحث

قمت بتخصيص تقريبا يوم كامل من الاجازة لهذا الموضوع وذلك لحبى للسيارات عموما وشغفى برؤية التطور الصينى خصوصا انى لا اشاهدة هنا فى السعودية دورت بكل السبل انى اعثر على سيارة تاكسى تكون بى واى لكنى بكل اسف لم اعثر عليها لكنى عثرت على سيارة اسبيرانزا تاكسى ووقفت منا فى المنشية وسخن المتور وتوقفت السيارة عن العمل فلم استطع غير اعطاء الاجرة للسائق وبس

استكملت رحلة البحث عن السيارة وذهبت لبعض معارض السيارات وخصوصا المستخدم وعملت نفسى عايز اشترى السيارة وانى بدور عليها مستخدمة الجميع اجمع انى على الذهاب للقاهرة اذا كنت بدور على واحدة مستخدمة لعدم وجود قوة شرائية لها فى الاسكندرية طيب اية الصينى عندك يا عم عندى اسبيرانزا بالاجماع

قلت اذهب للتوكيل واريح نفسى ومشيت شوية واخيرا لقيت واحد راكب العربية وانا فى محطة الرمل وكنت اكل ايس كريم ودة قبل يومين المطر الفظيع واللى غرق اسكندرية المهم كان واقف على جنب دخلت وبعد السلام وكدة بدات السوال عن السيارة وكدة وكانت الردود كالاتى
هى العربية دى نوعها اية قلى دى عربية صينى متجمعة فى مصر طيب ودى وكيلها مين قال دى وكيلها شركة لادا طيب العربية اخبارها اية معاك العربية كويسة بس كل الناس بتقولى اشتريت صينى لية قمت سالتة نفس السؤال انت اشتريت صينى لية قالى دورت على بديل متطور عن لادا وبس طيب دى احسن من لادا قال لا دى طبعا احسن بكتير بس المشكلة قطع الغيار فى التوكيل بس يا عم انتى لسة شارى السيارة بتدور دلوقتى على قطع الغيار لية قالى دى صينى اول ما شتريتها كان فى مشكلة فى الفرامل وكدة وحاجات صغيرة ذى المساحة وحاجات كدة طيب تحب تبيع العربية قالى عندك زبون قمت ضحكت وقلت اشوفلك قال حاليا لا ولوبعت اشترى اية فى نفس السعر قال الاختيار محدود فى رانج السعر دة


الذهاب للتوكيل فى سموحة

وقفت تاكسى عايزاروح توكيل البى واى
الرد ودى اية ياعم
دى عربية صينى هو انت مش عارفها
لا مش عارفها
دة نفس وكيل لادا
طيب مش تقول كدة من الصبح

الدخول الى التوكيل ونظرة عامة للمعرض
فقير جدا وديكورات سيئة لاتعطى الاحساس بالثقة فى قوة الشركة لايوجد ملابس رسمية للموظفين حتى تستطيع ان تعرف الموظف من العميل عرض السيارة بطريقة سيئة كانها وقفة فى جراج مش توكيل تدور على الموظف عشان تسائلة
لايوجد كراسى الا عند واحد قاعد عند مكتب صغير لايوجد كتالوج يقدم لك او موجود جنب السيارة التعامل ليس ممتاز

النظرة العامة للسيارة
دهان السيارة نقول فى تحسن افضل من لادا نعطية جيد رغم وجود عيوب عند اسفل السيارة
قفل الابواب وفتحها جيد جدا من غير الشنطة والكبوت سيىء
التابلوة منظم وعملى لم استطع تجربة الكراسى لرفض الموظف عشان لا تتوسخ
نوع الفرش جيدا بس لكنة عند مرتبة الاقتصادى
تقفيل الاشارات و الانوار الفروق بين الابواب تقفيل كاوتيش الابواب جيد مع وجود بعض الملاحظات
الالوان المتوفرة قليلة ولا يوجد اتوماتك لايمكن طلب مواصفات خاصة
طلب تجربة لايوجد هنا عليك الذهاب الى العامرية طيب اعملى انت معاد وانا اروح لا لازم انت تروح بنفسك ماعندكش بيان بسعر قطع الغيار لا روح العامرية طيب خلاص السلام عليكم قمت مشيت وركبت اول تاكسى على سيدى بشر طوالى

ما استقر فى نفسى بدون تجربة السيارة لانى بكل تاكيد لن اذهب للعامرية لبعد المسافة وانطباعى السىء عن الموظفين يمكن دة العادى دلوقتى فى مصر والمشكلة تكون عندى انا على العموم خرجت مش مبسوط

السيارة سوف اقول بكل امانة تغيرت فكرتى شوية عن السيارات الصينى ذكرتنى تلك السيارة بشدة اول ما نزلت الدايو الانوس والكورى عموما اتوقع نجاح جيد للسيارة خلال الفترة القادمة اذا قدرت تنافس الاوربى فى السعر مع التخفيضات السعرية الجديدة للجمارك ودة يعتمد وبشدة على تطور الفكر التسويقى للسيارة وادارة المبيعات عموما للشركة واعطاء الفرصة للشباب المحب للسيارات وليس موظفين وبس


وشكرا
gomha