العربية تحتاج وقت كبير لكى تسخن وتمشى مضبوط ، ما السبب ؟

**aam113** · 08-01-2011 08:05 PM

المشاركة الأصلية كتبت بواسطة mely

الريداتير طالع منه خرطومين كبار دور المحرك الصبح وامسك الخرطومين لو حراره الاثنين بتزيد بنفس النسبه يبقى عيب ثرموستات لو واحد بيسخن والثانى لأ يبقى المحرك طبيعى

طب لو عيب ترموستات مش المفروض ان العربية تسخن بسرعة ، ثم بعد فترة مؤشر الحرارة يعدى النص ، معلش ارجو التوضيح لعدم توفر الخبرة الكافية عندى ، وشكرا

المشاركة الأصلية كتبت بواسطة isimo_smsm

غير موبينة الكهرباء وعلى ضمانتى . انا فضلت وقت كتير لحد ماعرفت السبب كان بيحصل عندى كده

طب حضرتك كان عندك نفس مشكلتى بالظبط ، وهل يوجد اعراض اخرى لتلف الموبينة ، وسعرها كام ؟

**mely** · 10-01-2011 10:50 AM

الثرموستات لو فاتح الدوره على طول المحرك هيسخن بصعوبه لان المفروض ان الثيرموستات بيقفل دورة المياه داخل المحرك يعنى بيمنع دوران المياه فى دائرة التبريد لحد ما المحرك يسخن يفتح الدوره على بعضها وده لسرعة تسخين المحرك فى اول الدواره وايضا بل واساسا لثبات درجة الحراره للوصول لافضل اداء واعلى كفائه وللحفاظ على عمر المحرك

**aam113** · 11-01-2011 09:40 AM

المشاركة الأصلية كتبت بواسطة mely

الثرموستات لو فاتح الدوره على طول المحرك هيسخن بصعوبه لان المفروض ان الثيرموستات بيقفل دورة المياه داخل المحرك يعنى بيمنع دوران المياه فى دائرة التبريد لحد ما المحرك يسخن يفتح الدوره على بعضها وده لسرعة تسخين المحرك فى اول الدواره وايضا بل واساسا لثبات درجة الحراره للوصول لافضل اداء واعلى كفائه وللحفاظ على عمر المحرك

اشكر حضرتك على التوضيح ، بس انا عملت زى ما قولت ومسكت الخرطومين اللى طالعين من الرداتير ولقيتهم بيسخنوا مع بعض بنفس الدرجة تقريبا ، فمش عارف دا عيب ترموستات والا لأ ؟ ،، ولو عيب ترموستات الكهربائى يعرف ازاى (ولازم العربية تبقى باردة فى الحالة دى ؟) ، ومعلش احد الزملاء اشار الى ان العيب ممكن يكون من الموبينة ، طب ايه اعراض تلف الموبينة ؟

**meeg** · 11-01-2011 10:59 AM

لو حرارة الخرطومين ذى بعض يبقى ترموثتات انا لسه مغيرها امبارح علشان كان عندى نفس مشكلتك بالضبط
واتاكد انا الكوعه اللى راكب عليها الترموثتات سليمه من الداخل مش مخرومه

**aam113** · 11-01-2011 02:14 PM

المشاركة الأصلية كتبت بواسطة meeg

لو حرارة الخرطومين ذى بعض يبقى ترموثتات انا لسه مغيرها امبارح علشان كان عندى نفس مشكلتك بالضبط
واتاكد انا الكوعه اللى راكب عليها الترموثتات سليمه من الداخل مش مخرومه

يعنى معنى ذلك ان الصح ان الاثنين مش بيسخنوا مع بعض ، وهى مشكلتك كانت زى عندى بالضبط ، وجبتهيم بكام لو سمحت.

**mely** · 12-01-2011 02:48 PM

لو عملت التجربه صباحا فى اول دواره للمحرك يبقى بالوضع ده عيب ثيرموستات وتغيرها لانها لو موجوده ومعلقه ممكن تعلق بالقفل علطول زى الفتح ثمنها تقريبا 40 جنيه

**eng_maged** · 12-01-2011 02:58 PM

ممكن تكون مشكله في الزيت ان لزوجته عاليه جدا زياده عن اللزوم

**himaz** · 12-01-2011 03:00 PM

5 دقائق ده عادى خصوصا فى البرد ده

**Shiref_mohamed** · 12-01-2011 11:02 PM

المشاركة الأصلية كتبت بواسطة aam113

مشكلتى ان العربية مجرد انها تقف عدة ساعات سواء طول الليل او اثناء النهار تحتاج الى وقت طويل لكى تسخن( مدة من 5 الى 10 دقائق ) ، فيجب ان انتظر مؤشر الحرارة حتى يصل الى تحت المنتصف بشرطة حتى استطيع ان امشى بها ولا احس ببرجلة جامدة واحيانا انارة لمبة التشيك على الرغم من انها بتدور على طول من اول مرة ، كما اننى ارى العربيات الاخرى بتسخن فترة لمدة نصف دقيقة او دقيقة بالكتير ، يا ترى ايه السبب ؟؟ وشكرا لحضراتكم

طالما اللمبة بتنور حط العربية على سكانر الأول قبل اي حاجه