الموضوع: ألي كل الاخوة الفيرناوية.. السيراتو انتصرت !

المشاركة الأصلية كتبت بواسطة moha4tec

السلام عليكم
انا كنت واضح و قلت كله جرى و محدش اتمسك
بس محدش لحق يعمل حاجه اصلا و كله روح على الفاضى
لان صوت المواتير صحا الناس النايمه و كانت اصوات فعلا تتسمع من بعيد اوى خصوصا ان المكان ده كان عامل زى تجمع للناس اللى بتشد لفتره كبيره و البوليس بقى بيحط كمين فيه عشان كده و عشان الناس اشتكوا من الصوت العالى ,و متنساش ان البكس بيجرى وراه و الموتوسيكل race بتاع امناء الشرطه بيقفل عليه من قدام لانه اسرع من اى عربيه اصلا حتى لو ايه ,لكن الاسرع منه race تانى احدث و اسرع .و لكن مش عربيه و خلى بالك لو خد نمرتك او نمرة حد ممكن فعلا يعمل مشكله
فلازم المكان يكون جديد عشان نكون براحتنا و يا ريت الموضوع يكون منظم و حد يكون منظمه كده يعنى.

انا بهرج ياعم :)

المشاركة الأصلية كتبت بواسطة shod90

اة والله و ممكن نعملها دورة يعنى و اللى يكسب يأخد جايزة مفهاش اى حاجة يعنى :)
يبقى سباق drag و مفهوش ولا انحناء ولا مطبات ولا اى حاجة عشان العربية تجيب سرعتها كلها و كمان ميبقاش فى اى خطورة من اى نوع .. و تبقى السرعة بالكتير 140 بردو عشان فعلا نفسنا فى الموضوع دا و اهو تعارف على ناس جديدة و فى نفس الوقت متعة و تضيع وقت بدل الملل اللى الواحد هيبقى فية فى الاجازة :)

و لو زنقت اوى و الله مستعد اننا نأجر تراك و كل واحد يدفع 10 20 جنية و شوف احنا هنبقى كام واحد متفرجين و متنافسين :)

نشترى دماغنا و نريح القلق اللى الواحد هيبقى فية لو فى شارع ولا حاجة ب 10 جنية يا بلاش والله .. اية رأيكوا ؟؟

بجد انا معاكو من الالف الى الياء و هتبقى فكرة جامدة جدا جدا لو اجرنا تراك و ده هيدى الفرصة فعلا لكل عربية انها تطلع كل امكانياتها بس هيبقى صعب اوى موضوع ان يبقى فيه ليميت للسرعة , يعنى لو ميكونش فيه ليميت يبقى احسن كتير و التراك اكيد هيبقى مجهز و هيبقى فرصة جامدة جدا اننا نتعرف على بعض و نتقابل و نعرف بعض كويس