الموضوع: رجة في الدريكسيون

محتاجة مساعدة ياجماعة
امبارح غيرت بطارية للعربية 128 قلت ادورها النهاردة شوية علشان البطارية متنامش بس لاحظت ان فيه رجة في الدريكسون والعربية واقفه لكن اول لما ادوس بنزين الرجة بتختفي هل ده له علاقة بالبطارية الجديدة ولا العيب منين ؟

لا ملهاش علاقة بالبطارية نهائي اماان يكون الموتور على السلانسية ابطا من المفروض فالموتور والعربية كليا بتتهز وبما ان قطمة الدركسيون فى ال 128 طويلة وهابلة لازم تترجرج او اما ان العربية لسة باردة والمحرك لسة اداؤة مش منتظم مع وجود البرد اليومين دول
الحل الكشف الفورى على جميع قواعد الموتور وفى العربية المذكورة يوجد كاوتشة او قاعدة للموتور عند الكرتيرة اليمين عكس السواق ودى احتمال تلفها قليل جدا ويوجد شداد فى منتصف الموتور اعلى الموتور واصل ما بين الهد او راس الاسطوانات وجسم العربية او صدر العربية من المنتصف هتلاقية تحت الاستبن ودة نسبة تلفة كبيرة جداااااااااااااا واخيرا يوجد قاعدة موتور مثلثة الشكل اسفل قنطرة الفتيسس من المنتصف ودى صعب انك تشوفيها ( لازم حد ينزل تحت العربية ) وفى حالة تلف احد هذة القواعد يجب تغيرها وكل الكلام دة يتعمل والعربية سخنة مش باردة