انقلاب Accent RB 2011

**mohamedali90** · 20-01-2011 12:40 PM

الف مبروك يا مان و ربنا يبارك لك فيها مع اني معاية الاكسنت القديمة و انت كدة هتغطي علينا خالص يا باشا
الف مبروك

**elmnseee** · 20-01-2011 02:36 PM

متقولش كده ياحاج انت الاصل القديمه تحلى هههههههههههههههههههههه

**superb** · 23-01-2011 11:14 PM

انا بس ليا كلمه فى موضوع السعر .. دا التطور الطبيعى لشركه زى كيا .هيونداى... يعنى الشركه بقى عندها تكنولوجيا و سمعه و اداء و طبيعى ان اسعارها تزيد ... و بصراحه مع احترامى لكل اللى بيحبو تويوتا .. انا ضد اى حد يفكر يركب يابانى النهارده من غير ميفكر 100 مره .. كفايه اداء المحرك و الفتيس المتطور فى العربيات الكوريه .. و على فكره هيونداى بتصرف جامد جدا فى ابحاث و تطور المحركات ... الموتور الجديد ال gdi-1.6cc دا انا اعرف عنه من اكتر من سنه و كلفهم بس تطوير 200.000000 يورو..

و انا تويوتا نزلت فى نظرى من ايام مجت التويوتيا الشكل الحالى تنزل الأسواق و نزلو فى كل مكان ان المحرك بقوة 142 حصان و عيشونا فى الوهم الأزلى .. و فى الأخر الموتور محصلش ال 118 حصان .. دى تبقى شركه محترمه ...؟؟

و كفايه الياريس اللى مش فاهم غاليه على ايه..؟؟ دا قمة التطور البلاستيكى.

**M.Osman** · 23-01-2011 11:31 PM

المشاركة الأصلية كتبت بواسطة superb

انا بس ليا كلمه فى موضوع السعر .. دا التطور الطبيعى لشركه زى كيا .هيونداى... يعنى الشركه بقى عندها تكنولوجيا و سمعه و اداء و طبيعى ان اسعارها تزيد ... و بصراحه مع احترامى لكل اللى بيحبو تويوتا .. انا ضد اى حد يفكر يركب يابانى النهارده من غير ميفكر 100 مره .. كفايه اداء المحرك و الفتيس المتطور فى العربيات الكوريه .. و على فكره هيونداى بتصرف جامد جدا فى ابحاث و تطور المحركات ... الموتور الجديد ال gdi-1.6cc دا انا اعرف عنه من اكتر من سنه و كلفهم بس تطوير 200.000000 يورو..

و انا تويوتا نزلت فى نظرى من ايام مجت التويوتيا الشكل الحالى تنزل الأسواق و نزلو فى كل مكان ان المحرك بقوة 142 حصان و عيشونا فى الوهم الأزلى .. و فى الأخر الموتور محصلش ال 118 حصان .. دى تبقى شركه محترمه ...؟؟

و كفايه الياريس اللى مش فاهم غاليه على ايه..؟؟ دا قمة التطور البلاستيكى.

كلام ناس واعية و عايشة النهاردة و بتبص لبكرة ...
مش عايشة في كتب التاريخ :)

**khaledelsakaty** · 24-01-2011 09:30 AM

المشاركة الأصلية كتبت بواسطة cdman11

عند حضرتك حق فى إن مفروض الأكسنت rb تكون أرخص من كده زيها زى النيو أكسنت وانا معاك فى النقطة ديه .. بس هى المشكلة إن الواحد مش لاقى منافس ليها بنفس السعر فى نفس الفئة ..
بس انا عايز أقول لحضرتك انا لما كنت بتكلم عن قطع الغيار و ذكرت البونتو كلاسيك فأنا عارف إن فانوسها ب 1200 جنيه و أنا بعتبره غالى عليها .. و انا كان معايا الجراند بونتو و سألت على فانوسها و كان معدى وقتها 2000 جنيه و كمان مكنشى موجود ساعتها .. وكل حاجة فيها غالية ومبالغ فيها مع إنها كانت عربية تحفة
طبعا إحنا مش موضوعنا الفيات انا عارف ..
وصدقنى أنا اصلا بحب أى عربية أوروبى لأنى واثق فيهم و فى عربياتهم بصراحة من حيث كل حاجة

و انا أصلا فى حيرة دلوقتى جداااااا .. قدامى سكودا مينى فابيا زيرو تبترونك من معرض أباظة موديل 2010 نزلتها لغاية 115 الف بدل 126 الف يعنى 11 الف جنيه .. و فيها كل حاجة .. و قدامى الأكسنت ٌrb و 2011 بـ 96 الف متشال منها حاجات .. فعلا مش عارف أعمل إيه ؟
ياريت فعلا أخد رأى حضرتك و رأى الزملاء هنا

و حضرتك متستغربش من المقارنة الغريبة بين الإتنين .. بس عمال أفكر فى كل حاجة فى قطع الغيار و الصيانة .. و برضه عمال أفكر فى قوة العربية و الأمان اللى فيها من ناحية تانية و إستدامة قطع الغيار

فياريت أعرف رأى حضرتك و رأى الزملاء ..

و أسف على الإطالة

السلام عليكم يا شباب ..... لو حد بيفكر في الميني ، أنا معايا موديل 2009 (مازالت داخل الضمان حتي شهر 6 القادم) ، فرش جلد أسود ، 1400 سي سي ،اللون أبيض ، صيانة بالتوكيل ، رخصة حتي 2012 و عاملة 21000 كيلومتر .

إنشاء الله سوف أعرضها للبيع أول الشهر في حالة قراري للسفر .

هي طبعا فابريكة بالكامل ما عدا الإكصدام الخلفي و صيانات كلها في التوكيل قبل مواعيدها .

أنا ساكن في الرحاب و أنوي بيعها علي 85000 جنيه و الله الموفق .