الموضوع: فلتر الهواء الاسبور للكربيراتير لية صوت ولا لا من الاخر؟؟!

المشاركة الأصلية كتبت بواسطة HOSSAM99

السلام عليكم ورحمه الله و بركاته
من الآخر كما طلب صاحب الموضوع
الفلتر الرياضي مش هايطلع صوت جامد مع الكاربيراتير
طب ليه هو بيطلع مع الانجيكشن ومبيطلعش مع الكاربيراتير
السر في نقطه الصوت دي في الماسوره ( البايب ) كل مالماسوره دي طولت ومن غير منحنيات هاتطلع صوت للصبح من غير ما تتكتم
والي عنده عربيه انجيكشن عارف كلامي كويس ممكن يفتح علبه الهوا والعربيه دايره ويرفع عدد لفات الموتور علي 3 أو 4 وهوهايسمع الصوت المرغوب فيه ليه لان علبه الفلتر وهي مقفوله بتمنع الصوت ولما نشيلها تطله صوت
والسر مش في العربيه انجيكشن او كربيراتير السر في الماسوره
وبناء عليه لما تشيل العلبه دي خالص هاتطلع صوت ولما تديها هواء أكتر هاطلع أكتر
اما العربيات الكربيراتير مفيهاش حاجهتجمع الصوت
يعني الخلاصه هو موضوع تصميم بيؤدي الي ان مرور الهوا ينتج صوت مع تحفيز الفلتر الرياضي لذلك بدليل انه بيصدر صوت في عربيات وعربيات تانيه لا

+1111111

بس في تعليق بس بالنسبة لجزئية معينة ،،

الواحد لما بيشيل العمة ،، و يفتح الثروتل بتاعه ،، بيسمع صوت سحب الهوا ،، "في الأنجيكشان" عشان كده سواء في مواسير ولا لا... حتسمع صوت الهوا ..!!!!

عشان كده صوته في الانجيكشان أعلى ... لكن مش عشان المواسير خالص،، أنا عندي شيلت العمة كلهااااا،، يعني الثروتل كان بياخد هوا على طول من غير مواسير،، و كنت سامع نفس صوت الثروتل لما بيفتح ،، في الحالة دي مفيش مواسير ضخمت الهوا !!

دي بس وجهة نظري في كلامك

المشاركة الأصلية كتبت بواسطة HOSSAM99

طب ليه هو بيطلع مع الانجيكشن ومبيطلعش مع الكاربيراتير
السر في نقطه الصوت دي في الماسوره ( البايب ) كل مالماسوره دي طولت ومن غير منحنيات هاتطلع صوت للصبح من غير ما تتكتم
والي عنده عربيه انجيكشن عارف كلامي كويس ممكن يفتح علبه الهوا والعربيه دايره ويرفع عدد لفات الموتور علي 3 أو 4 وهوهايسمع الصوت المرغوب فيه ليه لان علبه الفلتر وهي مقفوله بتمنع الصوت ولما نشيلها تطلع صوت

و برده اللي بيمنع الصوت ده أنه يبان "اوي" في العربيات الأجيكشان الفلتر الأصلي اللي بيكون كاتم صوت الثروتل ... مش العمة
و الدليل أني شيلت الفلتر الأصلي و ركبت العمة و قفللتها ،، و برده حرقت ،، سمعت صوت أفجر من الفلتر الأصلي و السبوور..!!

يبقى في الأنجيكشان مش معتمد أوي على المواسير،، ممكن في الكاربراتير يكون معتمد اوي عليها،، انا عامةً كنت لسة أنا و واحد صاحبي عنده بيجو 504 ،، ناويين نخلص الامتحانات الخالية و نركبله فلتر هوا سبور.. جبنا شوية حاجات عن الكاربراتير ،، و نظام سحبه للهوا عامل ازاي

لأني فاهمه في الانجيكشان بس مش أوي في الكاربراتير ... و بعد منعرف معلومات كافية عن نظام سحب الهوا في الكاربراتير ،، عنعمل الموضوع ده ...

ساعتها بقى ممكن احكم و اتناقش مع حضرتك في جزئية المواسير للكاربراتير .. انا حكمت على الأنجيكشان ،، من واقع تعاملي مع عربيتي و عربيات صحابي

و اللي خلاني مصر انه لسه بيعمل صوت في الكاربراتير ،، ان عربيات صحابي و جاري قبل ميبيع عربيته"كيا العصفووورة" كانوا بيعملو صوت جامد ،،
و جاري في الشارع بيتاجر في العربيات ،، كان جاب بيجو 504 ،، عليها صوت في الحرق... جبار ،، ده اللي خلاني مصر أني اعمل مع صاحبي موضوع الفلتر ده " و أصلاً سواء بأرادتي أو غصباً عني حعملهولوا ،، لأن مفيش غيري في صحابي بينزل يعمل أي تعديل و يساعد في تعديل غيري...!!
"و بقولها تااني هو أصلاً صوته الجامد مش بيبان إلا على الحرق سواء أمجيكشان او كاربراتييير..عشان محدش يفتكر انه بيطلع صوت على الفاضي و المليان "


تشرفت أخي حسام بالرد على مشاركتك الجميلة ،، اخوك في الله "حسام" برده

المشاركة الأصلية كتبت بواسطة محمد فريد

شكرا يا حسام باشا (سمسم باشا) على الايضاح
بص انا لقيت البريثر وسألت عليه هو فلتر صغنون اوى وكان ب 20 جنيه ولقيت السيموتا (صينى طبعا) محفور عليه من فوق وحجمه كويس 100 ج وفى محل تانى 120 ج اللى عنده البريثر
سؤال : دلوقتى انا اركب البريثر ده فى خرطوم الفايظ اللى داخل فى العمة (هاشيله من العمة واركب البريثر فى اول خرطوم الفايظ؟) تمام كده
طبعا انا مش هجيب السيموتا :)
هجيب الصينى تمام ب 60 ج وكمان البريثر ولا مالوش لازمة فى الكربراتير علما بانى مش هفك العمة (هشيل الفلتر اللى جواها بس وهركب على الماسورة اللى بره بخرطوم (مكنسة) شبهه يعنى مش هو :d والفلتر هاينزل تحت جنب الاسبراير ياخد هوا من صدر العربية ايه رأيك؟

أولاً.عفواً

ثانياً.البريثر ملهوش دعوة النظام كاربراتير ولا لا :)
ثالثاً ،، مش حيهمك الحجم ،، قد ميهك القطر.. "قطر عنق البريثر اللي بتعشق في الماسورة و يتربط عليها بأفيذ"
رابعاً.مش فاهم حضرتك قصدك أيه ب "حجمه (100 ج) "

خامساً.رد مُجمل :-
تمام اوي كده ،، كده انت مش محتاج بريثر ،، و حتسيب الخرطوم بتاع الفايظ زي ماهو عادي ..

البريثر بيتركب لما تشيل العمة و تحط مواسير عمولة ،، المفروض العمة بيكون فيها فتحة فايظ صغيرة كده ،، وبيكون أتجاه الفاتحة دي على تحت أو على حسب الأير أين تايك سيستم بتاع العربية ... طالما أنت حتسيب العمة ،، يبقى سيب معاها الخرطوم ،، و متشتريش بريثر ..

زي موضحت البريثر ده بيتحط على الفايظ اللي في المواسير عشان ميدخل تراب ،، و عشان يعمل صوت برده ،، بس صوته مش بيبان أوي ،،
بالنسبة لأثره على الصوت دي ،، انا قريتها على موقع أجنبي،، و شفتها في فيديو ،، و كان ليها أثر في الصوت فعلاً ،، بس مش الفرق اللي حيتلاحظ و أنت كابس أصلاً و بتمشي ،، و مش اللي يستاهل ،،
و لو عايز الفيديو قولي و أدورلك عليه و أديك اللينك بتاعه و تقارن أنت بودنك ..يمكن الفرق في الصوت بالنسبالك يكون مستاهل "بس خلي بالك حيختلف الصوت من تصميم أير أين تايك للتاني!!"

و أخيراً ، ..

أرجوا أني أكون أفدتك

المشاركة الأصلية كتبت بواسطة محمد فريد

ا
بالنسبة ل 100 و 120 دى اسعار الفلتر متفاوتة من محل للتانى (خريج تجارة بقى) وشكل اللى حضرتك مركبه بالظبط

و منقوش عليه سيموتا برضه ؟!!

المشاركة الأصلية كتبت بواسطة محمد فريد

دلوقتى انا هوصل الفلتر على خرطوم والمكان اللى هيسحب منه هواء بارد هيكون زى الصورة كده (انا صورتلك صورة فى الظل عشان الصورة الاولى اكنها مصدية :d)


مش ناقص غير انى ادور على خرطوم مقاس مناسب لفتحة العمة
شكرا :)

عفواً
و كده تمام اوي،، ربنا معاك أن شاء الله و تلاقي الخرطوم ده .. متنساش بس الأفذان و ترّبط كويس ،...........أنت ممكن تعملها مواسير بي في سي ،، بكوع لو ملقتش الخرطوم ، و حتعمل معاك كويس أوي برده ،، و برده تكلفتها مش عالية ..، و ابقى طمنا بالله عليك ...

المشاركة الأصلية كتبت بواسطة محمد فريد

هو سعره غالى ولا ايه هو تقريبا ب 90 او 85 صح بس طبعا فرق السعر بين بلد وبلد ميستاهلش المشوار
ان شاء الله بعد التركيب هطمنكوا
جزاك الله خيرا

أنا بتاعي كنت جايبه ب 120 ،، سيموتا و محفور عليه

ميهمنيش بقى بلد الصنع ،، اد ميهمني مواصفات المصنع ،، المهم أنه سيموتا ،، من شركة واحدة ،، و ليه مواصفات مصنع واحده ،، :))

و جزانا الله و أياكم كل خير :)